مدرب الاهلى الجديد توماس توماسبيرج

توماسبيرج مدرب الأهلي الجديد يصل إلى القاهرة يوم الأربعاء المقبل ويبدأ عمله مع الفريق بعد مباراة كهرباء الاسماعيلية

اول مبارة له ستكون في الدور التمهيدي لدوري أبطال أفريقيا

توماس توماسبيرج مدرب مشروع بس المرة دي الراجل عنده ٥٠ سنة

وواخد الدوري الدنماركي وتقريبا مخرجش من هناك ولا مرة

إنجازات توماسبيرج المدرب الأهلي

كأس الدنمارك موسم 2020/2021 مع راندزر

الدوري الدنماركي موسم 2023/2024 مع ميتيلاند

ارقام توماس توماسبيرج مع ميتيلاند هذا الموسم :13 مباراة – 9 انتصارات – 4 تعادلات – دون أي خسارة

أحرز الفريق 35 هدفااستقبل 14نجح في التأهل إلى مرحلة الدوري

بالدوري الأوروبي

مخاطرة جديدة بتاخدها ادارة الكورة في الاهلي و لعب علي اعصاب المشجعين

مدرب ميتلاند الدنماركي هو الاقرب حاليا للاهلي ويقال انه اتم اتفاقه معاه خلاص

مدرب نسبه الفوز تقريبا ٤٩ ٪ ودفاعي بشكل رهيب مع التحولات حاولت اوصل للمرتب بتاعه الاخير مكنش في اي معلومه عنه

لكنه اخر عقد معروف ليه من حوالي ٣ سنين كان ٣٠ الف يورو شهريا يعني تقريبا ٣٦٠ الف يورو في السنه

هيجي هو وخمس مساعدين هياخدوا كلهم ٣ مليون يورو اي مايعادل ٣٠٠ الف يورو في الشهر

او اقل حاجه بسيطه مدرب دفاعي جدا ومتحفظ وبيحب اللعب تحت الكورة

علشان اللي بيقولوا هجومي كمان في منتديات لميتلاند بيقولوا انه مش بيرشحوه من احسن ٥ مدربين في الدوري الدنماركي

هيمسك بدايه من فترة التوقف الدولي اي كانت التتايج سواء بالفوز او غيره

بالرجوع لاسباب اقالة توماسبيرج من تدريب نادي ميديتلاند

كانت ردود الافعال من الادارة الرياضية هناك ان توماسبيرج مش مناسب للمرحلة التالية من ( التطوير )

او ان أه الراجل بيكسب وبيحقق ارقام وأداءات

لكن الراجل مش بيطور من اداء فرقته حسب المطلوب من الادارة الرياضية ومقدرش يحقق مستوى النمو الفني المطلوب

وبناءاً عليه قرر النادي اقالته وده رغم ان سجل انتصاراته ممتاز مع الفريق .

برضو فرصة نسلط الضوء على اسلوب تفكير الادارات الرياضية في اوروبا وإزاي في ملاحظة مستمرة وتقييم مستمر لكل شئ

ده معناه ان ادارة ميديتيلاند مش مهتمة بالنتايج بس بل هي عايزة درجة من التطور الفني والتقني تقدر المجموعة توصله لتحقيق اهداف اعلى

زي مثلاً العودة لدوري ابطال اوروبا توماسبيرج ممكن ينجح مع الاهلي برضو .

بس حتت ( النمو والتطور ) دي وصلت لي رسالة سلبية عنه .

وهي ان الراجل ممكن يكون بيحقق النتايج دي بس بأداء اقتصادي اكتر من كونه متطور بيئة الاهلي بيئة مرفهة لأي مدرب تفكيره كده .

لو معندوش الحمية والهوس بالشغل كل موسم .

هتلاقيه اول موسم بيشتغل كويس وبعد كده بيلعب اقتصادي طالما بيكسب واللي حواليه كواحيل زي ما حصل لكولر وموسيماني

عموماً استباق الاحداث هيبقى عبث

انا متفرجتش على كورة توماسبيرج لسه ومعرفش هل فعلاً اقتصادي ولا ادارة ميديتلاند الرياضية هي اللي سقف طموحاتها جوارديولي المستوى

فنستنى ونشوف بعنينا هل الراجل فعلاً كجودة فكرية وعقلية تدريبية وكوتشينج هيقدر يضيف تأثير

وهل هيقدر يتأقلم مع البيئة المصرية والافريقية العبثية والعشوائية ولا لا

sportnews.it.com