تصريح لويس دي لافوينتي مدرب منتخب اسبانيا عن منتخب العراق

منتخب العراق لازم يفتخر حقيقي بالتصريح اللي قاله لويس دي لا فوينتي مدرب منتخب اسبانيا بعد المباراة امبارح !

دي لا فوينتي قال ” لقد فاجأني منتخب العراق بشكل ايجابي للغايه ، لقد عانينا في الشوط الاول لايقاف تدرجهم بالكرة ، لقد اظهروا ايقاعا و حده و تناغما رائعا و جعلوا الامور معقده علينا “

و ده فعلا اللي حصل في بدايه هدف منتخب العراق ، جراهام ارنولد هنا وسع المسافه بين قلبين الدفاع عشان يخلي حارس المرمي يشترك في الهجمه و عشان يوسع مساحه الضغط علي اسبانيا مع وجود ثنائي وسط اصبح هناك تفوق عددي 5vs3

و لو جيت بصيت علي الجبهه اليسري هتشوف ميرخاس دوسكي الظهير متواجد في الداخل ، جناح اسبانيا مش عارف يراقب ميرخاس ولا جناح العراق في الطرف مع تثبيت الظهير بلاعب اخر و تحرك الحمادي بعرض الملعب ثم قلب تحركه للامام خلف المدافع و اجباره علي التراجع في نفس خطه ده خلي ميرخاس لاعب حر بينطلق بين المدافع و الظهير عشان يستلم الكرة من اكام هاشم و يسجل هدف خيالي !

تكتيك عظيم من جراهام ارنولد و تنفيذ مثالي من لاعبي العراق اجبر لويس دي لا فوينتي علي احترامهم بهذا التصريح التاريخي

منتخب العراق بيثبت كل مرة انه منتخب يشرف فعلا !

منتخب العراق تعادل النهاردة مع منتخب اسبانيا بنتيجة 1 / 1 و المبهر هنا ان منتخب العراق كان ملتزم دفاعيا بشكل 4 / 4 / 2 و قدر يوجه اسبانيا للطرف لان المهاجم التاني كان بيرحل مع الارتكاز بشكل ممتاز !

كل ده بقي كوم و الهدف الخيالي اللي سجله ميرخاس دوسكي كوم تاني ، انا ازاي بجد هقنعك ان ميرخاس دوسكي سجل هدف من المكان ده !

ده غير تفاصيل الهدف نفسها ، تمريره طوليه مذهله من اكام هاشم ، ميرخاس قبل ما ياخد اي قرار رفع عينه و شاف خوان جارسيا متقدم راح سدد تسديده خياليه في القريبه و سجل هدف تاريخي بمعني الكلمه !

اداء رجولي ، نتيجة عظيمه ، هدف اسطوري ، منتخب العراق منتخب يشرف حقيقي

sportnews.it.com