شكل فريق الزمالك مع المدرب بيسيرو حتى الان ؟
طريقه لعب الزمالك مع المدرب بيسيرو وشكله فى الملعب
هو الزمالك كانتشار أثناء الحيازه تحديدا في مرحلة ال progression أو التحضير مقبول جدا بالمناسبة
أو حتي في عمليات ال build up تمركز اللاعبين جيد لكن دائما في مشكله ناقصه ..
ايه هياااا المشكله اللى ناقصه للزمالك مع بيسيرو؟
المشكله دي متعلقه بكيفية نقل اللعب من التلت الاول والتاني للتلت الاخير،
في مشكلة في اختراق كتلة الخصم المتوسطه والمنخفضه رغم أن كتلة الخصم بيكون فيها مشاكل كتير
لكن المشكله الأكبر عند الزمالك في انعدام الأنماط ال تقدر من خلالها توصل الكره للتلت الاخير
مثاااااال على أرض الواقع عزيزى وصديقي القارئ
يعني مثلا انت في التلت التاني الزمالك بيتمركز ب 3-2-5 بيسيرو بيحاول يخلق مربع
او بما يسمي ال box midfield في عمق الملعب بتواجد ثنائي ارتكاز
وفي ضهره ثنائي الوينجات بين الخطوط علشان يخلق عدد أكبر من خيارات التمرير بين خطوط الخصم
وبيفتح عرض الملعب بثنائي وينج باك علشان يكون بيهاجم الممرات الخمسه جميل ؟ لا مش جميل …
لان قبل الانتشار مفروض اللعيبه تكون عارفه هتوصل الكره ازاي للتلت الاخير
والحقيقة أن لعيبة الزمالك واضح جدا أنها مش حافظه جمل معينه تتنفذ وده واضح من عمليات الاستحواذ
وتبادل التمريرات البطيئه ال بيعملها الفريق في التلت التاني من ملعب الخصم تدوير الكره كتير بدون داعي،
ودا بيعمل مشكله ف صناعة الفرصه
وعدد مرات قليل في صناعة الفرص عجز كبير علي مستوي الأفكار …
مثال مباراه الجونه الاخيره فى كاس الرابطه
بعدها اصطدم بيسيرو بخط دفاع مكون من 6 أفراد للجونه فكان مفترض أن هو يزود لاعب في التلت الاخير
لكن ده محصلش لان الفريق بيبني اللعب ب 5 لاعبين ثلاثي دفاع
وثنائي وسط أمام فريق بيضغط بعدد قليل من الضغط المرتفع فكان مفترض الاستغناء عن لاعب من خط الدفاع
مقابل انك تزود لاعب في التلت الاخير علشان تقدر تعدل الكافه 6vs6 …
من وجهه نظرى المتواضعه جدا بيسيرو مدرب الزمالك
الحقيقة أن بيسيرو لسه مش مقدمش أوراق اعتماده حتى الأن من وجهه نظرى رغم انه مدرب
بيمتلك قدرات فنيه وفكر تكتيكي مرعب اوى
ولا قادر يقدم حلول لمشاكل الفريق الجماعيه
ومفيش لاعب وصل لمرحلة كويسه معاه
هنشوف مع الوقت ال جاي اي ال ممكن يعدله
جوزيه بيسيرو مدرب نادى الزمالك
لاعيب اكثر من رائع بكل تاكيد