كل ما تريد معرفه عن خصم الاهلى فى مباراه الخميس

بالميراس خصم الاهلي القادم فريق هجوميا قوي جدا متنوع وعنده افكار كتير

في كسر خطوط الخصم والمميز اكتر كمان أن هو بيقدر يخلق حلول

باكثر من طريقة وبانماط متعدده وبيقدر يغير من اسلوبه بشكل مستمر.

يعني الفريق بيقدر يكون استباقي ونسبة استحواذه علي الكره بتكون عاليه

وبيقدر يستغل الاستحواذ ده لصناعة الخطر المستمر من العمق والاطراف

وده هتقدر تعرفه أن الفريق سجل 40% من اهداف من اللعب المنظم بواقع 28 هدفا ..

الفريق أمام بورتو وصلت نسبة استحواذه الي 55% وقدر من خلالها يصنع 9 فرص محققة big chance

رقم كبير جدا الحقيقه وكمان ينفذ 10 تمريرات مفتاحيه key passes الفريق قدر يسدد 17 تسديده منهم 13 من داخل منطقة الجزاء .

خصم الاهلى فى الجوله التانيه من كاس العالم للانديه

في نفس الوقت بالميراس فريق بيقدر يشكل الخطر من اللعب المباشر والتحولات الهجوميه بسرعه رهيبه

ومن أقل عدد لمسات عاوز اقول ان الفريق مسجل 26% من أهداف من تحولات هجوميه بواقع 15 هدف

بالميراس كمان في الدوري الموسم الحالي مبيهتمش اكتر بالاستحواذ علي قد ما بيركز علي اللعب المباشر

عاوز اقولك أن هو بيحتل المرتبه رقم 10 مابين أندية الدوري في عمليات الاستحواذ بنسبة 49%

يعني انت بالشكل ده انت أمام فريق قوي هجوميا وبيقدر يخلق خطر بأنماط مختلفه علي الخصوم

بالميراس كمان عنده معدلات ركض وضغط ممتازه ظهر بيها بشكل قوي أمام بورتو

وكان بيقدر يجعل بورتو يخسر الكره بمعدلات كبيره في التلت الاول والتاني من الملعب

وبسببها كان بيتعرض بورتو لكمية كبيره من التحولات العكسيه ..

الأهلي هيقابل خصم مختلف تماما عن ميامي في كل شئ هيقابل خصم جماعي وعنده أنماط في كل المراحل

وبيمتلك لعيبة بجودات مميزه وده كله تحت ايد مدرب مميز زي أبيل فيريرا .

يواجه الاهلى منافسه بالميراس فى الجوله التانيه من مباريات كاس العالم الخميس الساعه السابعه مساءا بتوقيت القاهره

ويتساوى كل الفرق فى المجموعه برصيد نقطه واحده من التعادل السلبى فى الجوله الاولى

ويسعى الاهلى لعمل نتيجه ايجابيه تعزز من فرص التاهل فى الجوله الثالثه امام بورتو البرتغالى ان شاء الله

نطاق الرياضة