اول مدرب عربي في الدوريات الخمس الكبري
شايف الراجل الجميل اللي قدامك ده ؟
الراجل ده النهاردة بيعيش حلم في منتهي الجمال حقيقي !
الراجل ده هو المغربي ” احمد قنطاري ” صاحب الاربعين سنة و اللي ميعرفش ف الراجل ده لعب في باريس سان جيرمان و مسيرته كلها كلاعب كانت في فرنسا ما عدا 6 شهور لعبهم مع تورونتو في الدوري الاميركي !
الجميل بقي ان الراجل ده اعتزل في 2019 و درس كل رخص التدريب و معاه حاليا رخصه يويفا برو اعلي رخصه تدريب في اوروبا و بدأ يدخل عالم التدريب و دي كانت مسيرته
= مساعد مدرب في نادي فالنسيان !
= مساعد مدرب مع صبري لموشي في نوتنجهام فوريست و الدحيل القطري !
= مدير فني لنادي فالنسيان في دوري الدرجه التالته الفرنسي و صعد بيهم الي نصف نهائي كاس فرنسا في انجاز استثنائي !
= مساعد مدرب لمده 6 شهور في نانت الفرنسي الموسم الماضي و علي لسان اللاعبين كان سبب كبير في بقاءهم في الدوري و كانوا عايزينه يبقي مدرب الفريق !
المبهر بقي ان احمد قنطاري الموسم ده اشتغل محلل تليفزيوني في قناه ليج 1 عشان النهاردة يتم تعيينه كمدير فني لنادي نانت الفرنسي لمده 6 شهور عشان ينقذهم من مناطق الهبوط !
منتخب المغرب النهاردة قدم منتج كروي ممتع للعين حرفيا في كاس العرب !
منتخب المغرب النهاردة قدم اقوي اداء هجومي من اول البطوله و فاز علي منتخب سوريا في ربع النهائي بهدف نظيف سجله وليد ازارو لاعب الاهلي السابق !
طارق السيكتيوي من الاخر قدم مباراة عظيمه جدا ، حريمات كان بينزل مع المدافعين و الاظهره تتقدم علي الخط و الاجنحه بتقرب من المهاجم و لاعب الوسط الهجومي و اشتغلوا تمريرات مثاليه و شلال عرضيات ملوش اخر و لولا الياس هدايا حارس سوريا كان زمان المغرب كسبان باكتر من هدف !
انا مش عايز ابالغ بس فعلا الاداء اللي قدموا المغربي عز الدين اوناحي النهاردة ده امام ريال سوسيداد في الليجا ده اداء فاخر من الاخر !
تخيل ان ريال سوسيداد كان متقدم بهدف نظيف لحد الدقيقه 76 اللي جيرونا عمل فيها تحول هجومي و وصلت الكرة عند اوناحي اللي احتوي ضغط لاعبي سوسيداد و بعدها عمل التمريره الخياليه اللي قدامك دي اللي كسرت خط دفاع كامل و صنع منها هدف التعادل ل جيرونا عشان في النهايه جيرونا تعمل ريمونتادا و تفوز 2 / 1 و تطلع من مناطق الهبوط في الليجا !
مش بس كدة ، اوناحي كان اكتر لاعب في المباراة صنع فرص ب 3 فرص ، و اكتر لاعب عمل مراوغات صحيحه ب 4 مراوغات ، و اكتر لاعب كسب ثنائيات ب 12 ثنائيه و اكتر لاعب كسب فاولات و اكتر لاعب عمل تدخلات صحيحه و في النهايه كسب رجل المباراة عن جداره و استحقاق !
انا فعلا مش قادر اصدق فكرة ان اوناحي اللي بيمتلك جوده فذه مش بيلعب في فريق كبير لحد دلوقتي و ان في لاعبين اقل منه جوده بيلعبوا في فرق كبيره
اوناحي من الاخر لو حافظ علي فورمته دي هيساعد المغرب بشكل كبير في الفوز ب لقب امم افريقيا
منتخب الجزائر عاش النهاردة سيناريو في منتهي الصعوبه حرفيا في كاس العرب !
تخيل منتخب الجزائر عمل مباراة بطوليه النهاردة و تقدم بهدف علي الامارات و كان الطرف المتوقع انه يكسب لكن السيناريو اتقلب 180 درجه !
الامارات عملوا عرضيه و خبطت في ضهر كايو و اتصنع انفراد و سجلوا التعادل ، حماد الميجبيلي حارس الامارات عمل تصدي اسطوري من زكريا دراوي في اخر ثانيه في الاشواط الاضافيه !
عشان في النهاية المباراة تروح لركلات الترجيح و حماد الميجبيلي يكمل تألق و يتصدي لركلتين و يبقي السبب الاول و الاخير في صعود الامارات الي نصف النهائي !
مفاجأه غريبه و غير متوقعه علي الاطلاق ، هارد لك لكل الشعب الجزائري علي السيناريو الصعب ده !
انا مش عارف دي المرة الكام اللي اتكلم فيها عن الجزائري ” ابراهيم مازا ” بس فعلا الولد ده مقدم موسم استثنائي حتي هذه اللحظه !
المشهد اللي قدامك ده كان في الدقيقه 88 في مباراة ليفركوزن و نيوكاسل اللي اتلعبت امبارح في دوري ابطال اوروبا و كانت النتيجة وقتها 2 / 1 لنيوكاسل ، ابراهيم مازا في المشهد ده استلم بين الخطوط و قاوم ضغط برونو جيوماريش و حافظ علي الكرة في مساحه ضيقه جدا و مرر في المساحه ل جريمالدو و صنع هدف التعادل اللي كسب بيه ليفركوزن نقطه غاليه جدا !
المبهر بقي انك لو جيت بصيت علي خريطه تحركات ابراهيم مازا هتلاقيه في الملعب كله ، بيشارك في بناء اللعب كلاعب ارتكاز ، بيفتح زوايا تمرير لنفسه و بيستلم بين الخطوط و بيطور هجمات فريقه ، في التلت الاخير بيتحول كجناح علي الاطراف و بيصنع فرص من البينيات و العرضيات ، شموليه مش عاديه !
المبهر اكتر بقي ان ابراهيم مازا في اخر 5 مباريات قدر يساهم باهداف في 4 مباريات منهم !
سجل هدف الفوز في الكاس امام دورتموند !
صنع هدف امام دورتموند في الدوري !
صنع هدف امام مانشيستر سيتي في دوري ابطال اوروبا !
صنع هدف امام نيوكاسل في دوري ابطال اوروبا !
ده غير انه كسب افضل لاعب في الدوري الالماني في شهر نوفمبر !
التنافس اللي حصل النهاردة بين الاردن و العراق في كاس العرب كان عظيم جدا حقيقي !
منتخب الاردن بقياده جمال السلامي فاز النهارده علي منتخب العراق في ربع نهائي كاس العرب بهدف نظيف و تأهل رسميا الي نصف النهائي للمرة التالته في تاريخه !
الاردن في الشوط الاول كانوا منظمين دفاعيا و في نفس الوقت باقل عدد لمسات كانوا بيعملوا تحولات و بيوصلوا للمرمي بشكل ممتع جدا !
اما بقي منتخب العراق ف حقيقي قدم شوط تاني ممتاز جدا و عمل ضغط رهيب و سرع الرتم و كان ممكن يسجل التعادل من علي جاسم و مصطفي سعدون لكن استبسال يزيد ابو ليلي حارس مرمي الاردن في التصديات كانت سبب كبير في فوز الاردن ، العراق خرج راسه مرفوعه جدا !
منتخب الاردن كسب كل مبارياته في البطولة !
منتخب الاردن هو اقوي هجوم في البطولة ب 9 اهداف !
منتخب الاردن صعد الي نصف النهائي للمرة التالته في تاريخه ، منتخب يدعو للفخر حقيقي
منتخب الاردن – جمال السلامى
الاصرار اللي اتشاف النهاردة من يزن النعيمات في مباراة الاردن و العراق في كاس العرب يدرس حقيقي !
يزن النعيمات اتصاب النهاردة اصابه صعبه في الركبه في الدقيقه 8 و كان المفروض يتبدل لكنه قرر يغامر ب اصابته و رفض يتبدل و ربط رجله و نزل لعب 7 دقائق كمان لحد ما خرج علي نقاله !
مش بس كدة ، يزن بالرغم من اصابته قرر ينزل الملعب في الشوط التاني و قرر يدعم زمايله من علي الدكه و هو اصلا مكنش قادر يمشي و بيتسند علي الطاقم الطبي !
تخيل بقي ان النادي الاهلي كان بيفاوض يزن الفتره دي ، يعني هو في مرحله حاسمه في مسيرته و لو اصابته طويله ممكن يفقد فرصه الانتقال للاهلي ، لكن هو محطش ده في دماغه ، مفيش في دماغه حاجة غير منتخب الاردن و الفوز بكاس العرب فقط !
و لو عايز تعرف قيمه يزن فعلا ف شوف تصريحات جمال السلامي بعد المباراة و هو بيقول انه سعيد لاجل سعاده اللاعبين بالتأهل لكن هو نفسه حزين جدا بسبب فقدانه ل يزن النعيمات ، الاردن مش مجرد فقدوا لاعب مثالي فنيا ، هما فعلا فقدوا بطل حقيقي
اصابه يزن النعيمات لاعب النشامى
منتخب سوريا اه خسر النهاردة من منتخب المغرب و خرج من كاس العرب لكن منتخب سوريا بدون مبالغات كسب حارس مرمي عظيم اسمه ” الياس هدايا “
الراجل ده قبل البطوله طلب من فريقه اللي بيلعب معاه في النرويج انه يشارك مع منتخب سوريا في كاس العرب لكن فريقه رفض و اصرار الياس علي اللعب مع سوريا وصل انه كان هيفسخ العقد مع فريقه !
تخيل بقي ان الياس اضطر يلعب مباراة التصفيات مع سوريا بدون اي حصص تدريبيه و خرج بشباك نظيفه و بعدها رجع يلعب مع فريقه مباراة في الدوري و تألق و خرج بشباك نظيفه لكن للاسف راحت عليه مباراة تونس لكنه رجع تاني و لعب معاهم مباراة قطر و عمل تصدي اسطوري في نهايه المباراة كان سبب ان سوريا تكسب نقطه غاليه جدا و تتأهل من دور المجموعات !
المبهر بقي ان الياس النهاردة امام المغرب تألق بشكل مش عادي و قدر يعمل 7 تصديات منهم 3 من داخل منطقه الجزاء و لولا وجوده كان المغرب قدر يفوز علي سوريا بنتيجة كبيره جدا !
مش ممكن بجد ، منتخب الفدائي عاش النهاردة سيناريو في منتهي الصعوبه حقيقي بخسارته من السعوديه بهدفين مقابل هدف في ربع نهائي كاس العرب !
السيناريو فعلا صعب ، تخيل الفدائي اتحسب عليه ركله جزاء في الشوط التاني و كان خسران بهدف لكن قدر يرجع بعدها بهدف من عدي الدباغ و فضل صامد لحد ما دخل اشواط اضافيه لكن السعوديه سجلت الهدف التاني في الدقيقه 115 قبل النهايه ب 5 دقائق فقط !
من غير كلام كتير ، منتخب السعوديه عباره عن سالم الدوسيري فقط ، الراجل ده عالمي حرفيا ، كسب ركلة جزاء اتسجل منها الهدف الاول و صنع الهدف التاني بعرضيه مثاليه ، تخيل ان السعوديه سجلت 7 اهداف في البطولة سالم مساهم فيهم كلهم ، معني كلمه حاسم !
اقوى مدافع فى العالم منتخب الفدائي لازم يفتخر بنفسه حقيقي ، انك تكسب قطر صاحب الارض و تتأهل اول المجموعة بدون هزيمه و توصل مع السعوديه اللي بتمتلك اقوي دوري عربي الي الاشواط الاضافيه فى انت حقيقي بطل
sportnews.it.com
-
اول مدرب عربي في الدوريات الخمس الكبري
اول مدرب عربي في الدوريات الخمس الكبري
اترك تعليقاً إلغاء الرد