امتيازات كتير غير رياضية بيمتلكها النجم لما بيوقع بكل تأكيد ممكن تكون فاتنة لزملاؤه عشان يطالبوا بالمساواة

في اوروبا فكرة الابقاء على نجوم كثر في مكان واحد وإدخال نجوم جدد

على نجوم قدامى لازالت فكرة محفوفة بالمخاطر

حتى ريال مدريد نفسه لايزال بيعاني من تعدي امبابي على ملكية فينيسيوس

كنجم الفريق ومن بعده رودريجو في المكانة داخل غرف الملابس

وبسبب كده فينيسيوس اتشغل بعروض مليونية من المملكة

وبدأ يساوم بيها للتجديد لان البساط اتسحب من تحته ..

اما رودريجو فركض للبحث عن مخرج والذهاب لفريق يكون فيه هو النجم

بعد ما تقطعت به السبل بسبب وصول امبابي

في مصر الفكرة اصعب واكثر خطر بسبب عقلية اللاعب المصري الغير مفهومه فى بعض الاحيان

اللاعب لو هو نجم فرقته وفجأة دخل عليها نجمين جداد برواتب اعلى هيحس برضو ان البساط بيتسحب من تحته

فواحدة من الطرق اللي بتحفظ له مكانته في غرفة الملابس هي ان فروقات الرواتب تبقى معدومة

وده عشان تحسسه ان لا يزال محافظ على مكانته في وسط النجوم خصوصاً لو هو الجولدن بوي والفتى المدلل للجماهير

بس حتى لو ادارة النادي حلت المشكلة وعملت مساواة بين النجوم في الرواتب ..

هتفضل حالة الترقب والتنافس بينهم لامتلاك بساط النجم الاوحد

ذات اثار سلبية وغير صحية على المجموعة في النهاية

ايوة بالظبط زي علاقة امبابي وفينيسيوس الحالية واللي الايجو والانانية مسيطرين فيها

على روح الجماعة

زمان في مصر فكرة صناعة جيل من الجيلاكتيكوس المحلي كانت مقبولة نوعاً ما لان اللاعبين وقتها جايين للممارسة كرة القدم ونقطة

اما لاعبي العصر الحالي فهما مودلز وواجهات لبراندات وأسماء تجارية

بالتالي هو عايز يكون الميجاستار الاوحد للفريق

مما زاد الامور تعقيد

زمان الاهلي قدر يجمع اسماء كبرى في فريق واحد

بس زمان وقتها اللاعب مكنش عنده سوشيال ميديا ولا اعلانات وبراندات وموسم الرياض بيجري وراه

عكس دلوقتي
امتيازات كتير غير رياضية بيمتلكها النجم لما بيوقع بكل تأكيد

ممكن تكون فاتنة لزملاؤه عشان يطالبوا بالمساواة

sportnews.it.com