صناعه مغربيه فى الدوريات الخمس الكبرى

حد لسة فاكر الجناح المغربي ” شمس الدين طالبي ” اللي سجل هدفين مع كلوب بروج امام اتلانتا في دوري ابطال اوروبا و كسب رجل المباراة ؟

اهو شمس الدين طالبي هنشوفوا الموسم الجاي في البريميرليج

لانه انتقل رسميا الي سندرلاند الانجليزي ب 23 مليون يورو و صنع هدف كمان امبارح في مباراة وديه امام هال سيتي !

الولد ده قصته جميله فعلا ، بدأ في نادي كلوب بروج و هو عنده 10 سنين

و قدر يتصعد للفريق الاول و هو 17 سنة فقط ، بعدها جالوا رباط صليبي و غاب 8 شهور و ضاع عليه موسم كامل في بدايه مسيرته !

لكن المبهر انه رجع من الاصابه بشكل قوي و قدم اداء ممتاز الموسم الماضي

و تصدر كل الاحصائيات الهجومية في الدوري البلجيكي بالنسبة للاجنحه تحت 23 سنة

و قدر يكسب رجل المباراة في اول مرة يلعب فيها في دوري ابطال اوروبا !

عشان النهاردة و هو 20 سنة يوصل الي الدوري الانجليزي اكبر دوري في العالم و يبقي الجناح الاساسي في سندرلاند ،

تجربه مناسبه جدا لانه لاعب بيتغذي علي التحولات و المساحات و ده هيلاقيه كتير في البريميرليج

شمس الدين طالبي ، مغربي اخر حالم في ملاعب اوروبا

احصائيات شمس الدين طالبي الموسم الماضي

ممتاز في حمل الكرة التقدمي ، في التصرفات الهجوميه ، في صناعه الفرص ، في المراوغات قدمه القويه هي اليمني

و بيلعب جناح يمين فدايما قدمه القويه برة الملعب هتلاقيه بيبعت عرضيات كتير

زي اسيست امبارح اللي عملوا لسيمون ادينجرا

سندرلاند لحد دلوقتي عمل 7 صفقات و شكلهم كدة ناويين علي بقاء مش هبوط دفعوا فيهم حوالي 136 مليون يورو

معظمهم لعيبه افارقه صغيره في السن

حبيب ديارا ، سنغاليسيمون ادينجرا ، ايفواري شمس الدين طالبي ، مغربينوح صاديقي ، كونغوليرينيلدو بتاع اتليتكو ،

عنصر خبره جه ببلاش جرانيت تشاكا من ليفركوزن ، عنصر خبره جه ب 20 مليون بسلاعب فرنسي اسمه انزو لي في تجربه الواحد مستنيها الموسم الجاي

المغاربة في الآونة الأخيرة شكلوا حضور قوي في الدوريات الخمس الكبرى أسماء كبيرة تألقت في البريمرليغ والليغا بالتوفيق لأسود الأطلسي

sportnews.it.com