مفيش لاعب في ريال مدريد قدم اداء مثالي النهاردة امام الافيس و كان سبب الفوز غير كامافينجا فقط !
كامافينجا كان مبهر في كل شئ
سجل هدف الفوز
6 مراوغات صح من اصل 7 !
3 تدخلات صحيحه من اصل 3 !
كسب 13 مواجهه ثنائيه ، غول من الاخر !
استرجع الكرة 5 مرات
اعترض مسار التمرير 3 مرات
كامافينجا نوعيه مهمه في ريال مدريد لكن ضروري توظيفها بشكل سليم كوسط مساند مع ارتكاز ريجيستا كورته نضيفه زي سيبايوس
لان كامافينجا عنده مشاكل في الاستلام و ضهره للمنافس ، لكنه لاعب قادر يرفع رتم الفريق بشكل دائم طول ما وشه للملعب الكرة في رجله خاصه بحمل الكرة و المراوغه اثناء حملها
عايز تتفائل كمشجع مدريدي ؟
كامافينجا النهاردة سجل اول هدف لي في الليجا من 2022 ، من ساعه هدفه في سوسيداد ، طب فين التفاؤل ؟
التفاؤل ان بعد مباراة سوسيداد دي كانت مباراة باريس بتاعه الريمونتادا في دوري ابطال اوروبا ! 🤯😀
رونالدو مازال يمتلك الشغف
الحديث عن رونالدو كشغف وتحدي للذات وجوع للنجاح والارقام اصبح مستهلك .. الراجل ده كاسر لجنبات المنطقكل شئ بيقدمه حالياً بعمره الحالي هو تحدي للمنطق نفسه .. تحدي فسيولوجي وتحدي عمري وتحدي ذهنيشخص بيتحدى الطبيعة الجسدية الاربعينية بإنه قادر يخليها اصغر .. بيتحدى انه بيلعب في العقد الخامس من عمره وبيتحدى حضوره الذهني كإستمراريةلان اكبر عدو ممكن يواجه رونالدو دلوقتي هو الملل والزهق وصدقوني ده بجد مش هزارهدفه الثاني انهاردة في مرمى الرياض قلما تلاقي حد بيسجل زيه بنفس مرجحة الرجل والتكنيك والقوة الانفجارية 67 هدف باقيين على رقم هيبقى خالد ومحدش هيقدر يوصل له .. رقم الـ1000 هدف رسمي♥️👑
مدرب عظيم و استثنائي حرفيا و اسمك هانز ديتر باشا فليك 👏
الراجل ده زرع مستوي من المسئوليه في لاعبي برشلونة حقيقي رهيب !
رافينيا و كوندي و انيجو مارتينيز النهاردة منعوا انفرادات باهداف محققه لصالح ليجانيس بمجرد قرار بالركض المكثف ، جابوا اخرهم في الجري !
جيرارد مارتن غلط في التمرير و ليجانيس يروحوا ب تحول هجومي ، رجع بسرعه قطع الكرة بذكاء كبير لانه قرأ التمريره صح و بدأ تحول لبرشلونة جه منه هدف الفوز !
سواء لاعب اساسي او احتياطي ، الكل عنده نفس المسئوليه و نفس الشغف و نفس الاراده ، كله مستعد يخدم الفريق ده حتي لو جودته قليله !
انك تتصدر الليجا بفارق 7 نقاط
انك توصل الي نهائي الكاس
انك توصل الي نصف نهائي دوري ابطال اوروبا
انك توصل ل 24 مباراة متتاليه بدون هزيمه
انك تعمل كل ده بدون صفقات و بدون دكه كمان
تبقي مدرب عظيم و استثنائي حرفيا و اسمك هانز ديتر باشا فليك 👏❤️
اخر دقيقه في المباراة و برشلونة متقدم علي ليجانيس 1 / 0 و انفراد صريح ل ليجانيس ، ظهر فجاة بثوب المنقذ و عمل تدخل انزلاقي عظيم جدا و انقذ فريقه من التعادل !
مدافع وصل ببلاش ، مكلفش برشلونة اي يورو !
كان في بند يحق انه يفسخ عقده و كان محطوط في قائمة الراحلين لكنه رفض و قرر البقاء !
= اصبح اهم مدافع في برشلونة
= بيبني الهجمه بكافه انواع التمرير
= بيصنع فرص و اهداف
= بيظبط مصيده التسلل بالمسطره
= بيدافع بكل حده و شايل دايما المسئوليه
انيجو مارتينيز من لاعب مهمش الي واحد من افضل مدافعين العالم ❤️
عمر مرموش فخر مصر 🇪🇬 حقيقى ١٢ /أبريل/٢٠٢٥
ضيع انفراد اه بس قبلها غير اتجاه حركته للمساحه و حط نفسه في موقف الانفراد بذكاء كبير
بعدها عمل عرضيه مقوسه للداخل نموذجيه و صنع فرصه محققه للتسجيل امام المرمي لكن مكاني ضيعها !
بعدها سحب ريتشاردز المدافع التالت للخارج و صنع المساحه ل مكاتي و دخل منطقه الجزاء و استغل الكرة التانيه و شمع الكرة في المرمي بكل قوة و سجل هدف التعادل لمانشيستر سيتي
6 اهداف في البريميرليج
الهدف التالت في اخر 4 مباريات
40 مساهمه تهديفية في الموسم
عمر مرموش عالمي حرفيا ، فخر مصر في كرة القدم 🇪🇬❤️
عمر مرموش فخر مصر 🇪🇬
احنا حقيقي محظوظين كمحبين لكرة القدم اننا عاصرنا و شوفنا المبدع كيفين
دي بروين 💙
دي بروين عامل ماتش عظيم عظيم عظيم
انا مستمتع جدا ب دي بروين
مساهم في الهدفين
حط هدف جامد من فاول
حاطط في الكورة في العارضه طرب
تحركاته في انصاف المساحات مزيكا
تمريراته البينيه مذهله
من اين للسيتي ب دي بروين اخر ؟٩
سجل هدف عالمي من فاول
ساهم في الهدف التاني
صنع الهدف الرابع
سدد كورة في العارضه
صنع انفرادين ل مرموش
اكتر لاعب صنع فرص في المباراة ب 3 فرص
رجع فريقه من خساره 2 / 0 الي فوز كبير ب 5 / 2
انت عارف ان دي بروين هو اكتر لاعب في البريميرليج سجل اهداف من خارج منطقة الجزاء ب 28 هدف من 2016 و لحد دلوقتي !
طب عارف ان دي بروين سجل و صنع في نفس المباراة 28 مرة كخامس اكتر لاعب في تاريخ البريميرليج بعد صلاح و روني و هنري و شيرار !
كيفين دي بروين هيسيب فراغ كبير في مانشيستر سيتي ، واحد من اكبر المؤثرين في تاريخ النادي و واحد من اروع صناع اللعب المبدعين في تاريخ اللعبه
احنا حقيقي محظوظين كمحبين لكرة القدم اننا عاصرنا و شوفنا المبدع كيفين دي بروين 💙
محتاجين من ديكلان رايس يفهمنا ازاي عمل العظمه دي ؟
انت عارف يعني ايه لاعب واحد فقط قدر يصدم 60 الف انسان في ملعب الامارات ، حتي زمايله ، حتي مبابي و بيلينجهام ، كله فاتح بوقه و مش مصدق الخيال ده ! 😮
الفاول الاول من تسديده خياليه بتلف من برة لجوة، من حلاوة التسديدة انت شغال تعيد فيها مش قادر توقف !
الفاول التاني كان متوقع يتحول الي هدف بنسبة 5% لكن بعد تسديده رايس الخياليه برضه اللي راحت في التسعين اصبحت النسبة 67% ، المثاليه بمعناها الحرفي ! 🤯
= لاعب مجتهد
= زود تمرين علي الركل
= حسم مباراة غالية جدا لارسنال باقصي متعة ممكنة
= دخل التاريخ من اوسع ابوابه و اصبح اول لاعب يسجل هدفين من فاولين في مباراة واحدة في الادوار الاقصائيه في تاريخ دوري ابطال اوروبا ، لا ميسي ولا رونالدو ، رايس اللي عمل كدة !
ديكلان رايس النهاردة اثبت انه استاهل ال 105 مليون استرليني اللي دفعهم ارسنال فيه ❤️
فينيسيوس يعتبر محضرش مباراة ارسنال النهاردة !
بص الصورة دي كدة
دي لقطة كانت في الدقيقة 20 في مباراة ارسنال و ريال مدريد
النتيجة لسة تعادل سلبي
فينيسيوس استلم الكورة
الابا عمل مجاورة خارجيه
اصبح الموقف 2 علي 1 لريال مدريد
يعني تفوق عددي
فينيسيوس هنا يمرر ل الابا يطلعوا في مساحة كبيره داخل منطقه الجزاء و تبقي فرصة هدف مؤكد !
فينيسيوس قرر يفكر في نفسه و في الاستعراض و قرر يسدد و امامه مدافع قافل عليه الزاويه البعيده و ضاعت الفرصه !
فينيسيوس بالمناسبة قدم النهاردة اسوا اداء ممكن يتقدم في مباراة واحدة 👇
= عمل 3 عرضيات ولا واحدة منهم صح
= عمل 3 مراوغات ولا واحدة منهم صح
= دخل 6 ثنائيات خسر منهم 5 !
= و قدامك فرصه هدف مؤكد بتروح بسببه
فينيسيوس يعتبر محضرش مباراة ارسنال النهاردة !
مشهد سينمائي ، مشهد يتعرض علي مسرح مش ملعب كورة
معظم الاهداف الممتعة اللي بنشوفها في الكورة بتكون بسبب مهارة مبهرة عملها اللاعب
لكن اللي عملوا الانتر النهاردة امام بايرن ميونيخ في الهدف الاول ده المتعة اللي ملهاش حدود !
بتتكلم في هدف نتاج عمل جماعي منظم مفهوش غلطه ، و بتتكلم عن مهاره مبهرة من لاوتارو مارتينيز في الانهاء ! 🤯👇
سومر بيبني اللعب بكورة طوليه بين الخطوط
لاوتارو بيستلم برأسه و يوجه ل تورام
ترجع ل لاوتارو
يمرر ل باستوني اللي بيراوغ اوليسيه
يسلم ل اوجوستو موقف 1vs1
يعمل عرضيه و تورام يعمل كعب للخلف
لاوتارو يسدد بوجه قدمه و يسجل هدف في المقص !
مشهد سينمائي ، مشهد يتعرض علي مسرح مش ملعب كورة ، مشهد من حلاوته متعرفش مين البطل و مين الكومبارس
مشهد بيعبر عن وجود مخرج عبقري خارج الكدر اسمه سيموني انزاجي
دي بروين جعل الدوري الانجليزي افضل
في وسط ما برونو قدم اداء مثالي في ديربي مانشيستر النهاردة كاكتر لاعب صنع فرص و راوغ صح و 5 كرات طوليه صحيحه و فوز ب 8 ثنائيات و استرجاع للكرة 7 مرات
و في وسط ما برونو عامل موسم ممتاز و شايل مانشيستر يونايتد لوحده لدرجة انه اكتر لاعب في البريميرليج الموسم ده صنع فرص ب 75 فرصة و برضه مش بياخد حقه اطلاقا
خرج برونو فيرنانديز بعد المباراة ب تصريحات و اشادات عظيمه عن منافسه كيفين دي بروين ، اليك ما قاله برونو 👇
” دي بروين جعل الدوري الانجليزي افضل ، اذا كان مانشيستر سيتي في هذه المكانة حاليا فذلك بفضل كيفين دي بروين ، انه يستحق كل التقدير ، كان من دواعي سروري مشاهدته عن كثب و اللعب امامه ، سيخلد دي بروين في تاريخ الدوري الانجليزي و ليس مانشيستر سيتي فقط “
برونو فيرنانديز قد يكون في رواية كثيرين شخص غير مرغوب فيه و ده اللي بيعكس عدم اشاده الجمهور بمستواه الفني حتي لو كان في اعلي مستوياته
برونو فيرنانديز ظهر النهاردة كشخص سوي نفسيا ، اشاد بمنافسه و شاور عليه امام الجميع بدل ما يشاور علي نفسه في عز تألقه 👏❤️
احدث التحليلات الرياضيه
بطوله كاس الكونفيدرالية الافريقيه
بصة سريعة على مباريات الكونفدرالية الثلاثة
🟢🔴شباب قسنطينة واتحاد العاصمة كان مباراة ضرب نار حرفياً الفرقتين اكلوا بعض بدون مبالغة
الماتش كان مفتوح وفيه فرص كتير هنا وهنا وطبعاً مباراة جماهيرية فالمدرجات كانت مولعة وحابب اقول ان الفرقتين مش سهلين واللي هيتأهل منهم مرشح رئيسي على اللقب
🟢🔴المصري وسيمبا
المصري مع انيس بوچلبان شبيه بالمصري مع علي ماهر .. فريق متحفظ بس حاد في التحولات العكسية وخطير في الكرات الثابتة
سيمبا برضو فرقة كويسة جداً بالمناسبة بس اتوقع ان المصري يقدر يضع قدم في نصف النهائي لان المصري يقدر هناك يخرج بتعادل على الاقل .. ميمنعش ان سيمبا هناك مش هيكون سهل بتاتا
🟠⚫️نهضة بركان وأسيك .. النهضة كالعادة مرشح للبطولة والمبزة فيه بيقدر يكسب خارج الارض وبيستغل انصاف الفرص وأي هفوة للمنافس ويسجل منها
الفريق ميختلفش كتير عن الموسم الماضي برضو في الحدة والشراسة وسرعة ايقاع اللعب وهيلعب العودة مرتاح في المغرب لانه حقق فوز مهم خارج الارض .. النهضة لسه محقق الدوري المغربي بالمناسبة
🔺رأيي الخاص الزمالك وقع مع اسهل فريق في الـ8 .. المفروض الزمالك يخلص في العودة لان دور نصف النهائي البطولة الحقيقية هتبدأ
وحابب اقول ان الزمالك والمصري اترحموا من الناحية التانية دي معجنة حقيقية فرقتين من الجزائر بياكلوا في بعض والكسبان هيلاعب بطل المغرب !
نسخه باهته جدا لمنتخب مصر فنيا
عمنا جوناثان ويلسون في أحد المرات قال :
«As a normal fan when you catch the team pattern without any help, so there is a great coach off the field.»
بمعنى إنك لو قدرت كمشجع عادي إنك تحدد بعينك
ال pattern إللي الفرقة بتلعب بيه بدون مساعدة أو شرح من حد
يبقى فيه كوتش عظيم واقف علي الخط “
بمعني ابسط انك كمشجع مش متعمق في التحليل تقدر تشوف جمل فنيه بتتكرر بشكل مستمر
في الملعب أو فريق
متماسك تقدر ببساطه ساعتها تقول أن المدرب ده ناجح مع المنتخب أو فريقه …
طيب هل ده ينطبق علي المنتخب المصري ؟
الحقيقه لا ومش ترصد ولا حاجه والله بس حقيقي يعني المنتخب بائس جدا
ومبنقدمش اي حاجه جماعياً الفريق ارتجالي بشكل بحت هجوميا وهش جدا دفاعيا …
تعامله مع المتغيرات أثناء المباراة سئ جدا انت متخيل أن منتخبات بمستوي وتصنيف اثيوبيا وسيراليون
قدرت تخترق
الكتله الدفاعية للمنتخب وتكسر ضغطنا وتوصل لمنطقة الجزاء
وتهدد المرمي بشكل سهل جدا ومتكرر ؟ الأمر هيكون
أصعب أمام منافسين أكثر قوة وتصنيف اعلي …
نسخه باهته جدا من المنتخب ومالهاش اي ملامح للمستقبل
بالتالي انت تعاملك مع المنتخب لازم يكون علي قدر يوم
المباراة فقط متستناش حاجه علي المدي البعيد …
جول زيزو جميل لان الجول الوحيد اللي تم التصرف فيه بشكل صحيح من بداية الهجمة ..
من بداية المباراة مفيش اي تمريرات بتتعمل بين الخطوط خالص
منتخب سيراليون عامل قدامك بلوك منخفض كومباكت ..
رغم كده انت مصر تسقط بلالين وراه ودا اكبر دليل انها نسخه باهته اوى
مستغلناش ولا مرة تحركات زيزو ومرموش وتريزيجيه بين خطين الوسط والدفاع بشكل صحيح
ليه ؟
لان مفيش حد في وسط الملعب بيمرر تمرير عمودي كاسر للخط زي ما محمد عبد المنعم عمل وكسر خطين
بالتمريرة بتاعته تجاه تريزيجيه اللي محتاجش يعمل غير دوران جسدي ويطلع زيزو للجون
عدم تكرار حاجة زي كده راجع لسببين ..
القرار اولاً ارتجال .. اذن احنا بنعتمد على تناغم الافراد ما بينهم وكذلك ما بين اللاعب
ومجريات الجيم..
وثانياً لاعبان الوسط معندهمش قدرات التمرير الكاسر للخطوط لان كلاهما مش مميز فيها
حسام حسن محتاج يبقى احد محورين الوسط بتاعه لاعب ريجيستا اكتر ويكون عنده قدرات صناعة اللعب ..
لو هتعتمد على التناغم اكتر من الانماط يبقى لازم تزود من اصحاب الحلول في الملعب
..كل الدعم لمنتخب مصر
ريس جيمس اكتر من مجرد ظهير
ف ريس جيمس هو النسخة الشامله اللي عندها تخصص هجومي و دفاعي
ريس جيمس اكتر من مجرد ظهير ، احنا بنتكلم عن لاعب عنده مدي تمرير ممتاز ، مسدد اكتر من ممتاز ، ظهير علي الخط و قادر يلعب في وسط الملعب كظهير عكسي
لاعب قوي و صلب جدا دفاعيا ، ممتاز في المواجهات الفرديه ، ظهير تطمن انه معاك في الملعب من الاخر
ريس جيمس النهاردة بيلعب اول مباراة مع منتخب انجلترا من 3 سنين كاملين و عمل كل الكلام الجامد ده 👇
= سجل هدف عالمي من فاول
= لمس الكرة 118 مرة
= مرر الكرة 18 مرة بحالهم للتلت الاخير
= استرجع الكرة 8 مرات
العيب الوحيد في الراجل ده هي الاصابات ، العائق الوحيد اللي وقف قصاد ريس جيمس و وقف مسيره كان ممكن تبقي تاريخيه !دون أدنى شك
تحليلات رياضية متعمقة
تفوق تكتيكيا و بدنيا و نفسيا في 3 اشواط من اصل 4 ! صنع 7 فرص محققين للتسجيل في مباراتين و اهدافه المتوقعه كانت 5 اهداف و الواقع سجل هدف فقط ! لعب ب فلسفته و اسلوبه و هيمن علي ليفربول و مركنش الاتوبيس في انفيلد و دخل ب صدره و مهموش حاجة ! خسر في الذهاب و قبل مباراة العودة فضل يقول احنا رايحين نكسب و رايحين نتأهل من انفيلد ، كل لاعبي باريس فضلوا يكرروا نفس الكلمه دي ! قالوا له ليفربول عمره ما خسر مباراة عوده في دوري ابطال اوروبا و هو كسبان في الذهاب ، قالهم احنا هنبقي اول فريق يكسبهم ! الراجل ده عظيم بكل ما تحمله الكلمة من معني ، مش بس بني فريق مميز و ممتع و قوي ككورة في ارض الملعب ده كمان بني شخصيه للفريق ممتازه جدا لدرجة انهم لحد اخر دقيقه بيضغطوا بكل قوه و بيهاجموا ليفربول في انفيلد ! كرة القدم النهاردة خضعت للفريق اللي بيعرف يلعبها و يروضها و يفعل بها ما يشاء ، فاز من يستحق في النهاية و هو لويس باشا انريكي ❤️
تحليل الأداء الرياضي
نقدم تحليلات شاملة للمباريات والبطولات، مع التركيز على الأداء الفني والتكتيكي للفرق واللاعبين، مما يساعد عشاق الرياضة على فهم أعمق للأحداث الرياضية.
استراتيجيات تحليلية مبتكرة
نستخدم أحدث الأساليب التحليلية لتقديم رؤى دقيقة حول الأداء الرياضي، مما يعزز من تجربة المتابعين ويتيح لهم فهم تفاصيل المباريات بشكل أفضل.
حرفيا ❤️
