الاهلى محتاج معجزه للتاهل

bakermohamed7777777@gmail.com

يومين ago

ماذا يحتاج الاهلى للتاهل الامر اصبح شبه المعجزه حقيقى

الاهلي ضيع ركله جزاء امام انتر ميامي و ضيع فوز كان في ايده ! والتاهل اصبح معجزه حقيقى

الاهلي سجل هدف في نفسه امام بالميراس بطريقه غريبه جدا و خسر

و ضيع التعادل من ايده علي اقل تقدير !

راح انتر ميامي مزود الجرعه علي الاهلي و كسب بورتو دلوقتي و اصبح في الصداره

ب 4 نقاط مع بالميراس !

عشان الاهلي يتحط في اكتر سيناريو معقد عشان يصعد من المجموعة دي متمثل في الاتي 👇

لازم الاهلي يكسب بورتو بفرق هدفين

مع خساره انتر ميامي من بالميراس بفرق هدفين و لو خسروا بفرق هدف وقتها

اللي هيصعد هو اللي معاه اقل كروت صفراء و حمراء و لحد دلوقتي الاهلي و انتر ميامي متساويين و معاهم 4 كروت صفراء !

سيناريوهات الاهلي الحزينه في كاس العالم للانديه تتعمل سلسله افلام بامانة

محمد هاني بقاله اكتر من 10 سنين مع الفريق الاول في الاهلي

لو جيت تتفرج عليه من 10 سنين و جيت تتفرج عليه دلوقتي هيبقي صعب عليك تطلع اي فروقات !

محمد هاني لسة عنده مشاكل في الخروج بالكرة تحت الضغط

لسة عنده مشاكل في الفوز بالالتحامات ، لسة عنده مشاكل في ارسال العرضيات و الدفاع امامها ، لسة عنده مشاكل في مواقف ال 1vs1 هجوميا و دفاعيا

النهاردة محمد هاني امام بالميراس مقدرش يستحمل اي موقف

تمريرات كتير مش صح ، كل التمريرات الطوليه مش صح ، خسر كل الثنائيات ، مفيش اي اضافه هجوميه قدمها لجناح زي زيزو !

انا مش قادر اتخيل ان مصر عندها 4 درجات دوري و اكتر من 600 فريق

و عندنا دورات رمضانيه و فرق هواه في الخماسي و الشوارع و لسة الظهير الايمن الاساسي لمنتخب مصر هو محمد هاني !

بن شرقى افضل جناح فى الاهلى

الراجل ده نزل لعب 28 دقيقه بس امام بالميراس ، قدر يصنع فيهم تعريف كامل

و شامل لمركز الجناح !

اشرف بن شرقي حرفيا فضح اجنحه الاهلي كلها اللي بتبدأ اساسي علي حسابه

و فضح الجهاز الفني للاهلي اللي بيقول عليه اصله مش جاهز !

لك ان تتخيل ان بن شرقي اللي بيتقال عليه مبيعرفش يدافع

هو اكتر لاعب عمل تدخلات صحيحه في المباراة و كمان كسب 3 ثنائيات ارضيه من اصل 4 !

بن شرقي نزل صنع فرصه و سدد علي المرمي و كان قريب جدا يسجل هدف ، هو اللي صنع شكل لهجوم الاهلي !

من الاخر كدة ، اشرف بن شرقي هو انضف و اهم و امهر جناح في الاهلي

هي الحكاية بدأت ان اداره الاهلي موافقتش تجيب لكولر الصفقات

اللي هو عايزها في بدايه الموسم

راح كولر عند مع الاداره و النادي و قدم اسوا مستوي كورة في التاريخ لدرجة

انه كان بيلعب بكريم نيدفيد في نص الملعب !

الادارة بدل ما تقيل كولر ، فضلت تصبر و تصبر و تصبر لحد ما الاهلي خرج من دوري ابطال افريقيا ، راحت الاداره اقالت كولر

وايضا الادارة جابت النحاس يكمل اخر 6 مباريات في الدوري و بعدها الموسم انتهي !

الادارة جابت صفقات زي تريزيجيه و حمدي فتحي و بن رمضان و زيزو

و بعدها جابت مدرب اجنبي اسمه ريبيرو و قالت له اسمع

قدامك 15 يوم تشتغل فيهم عشان اول ماتشات هتلعبها هتبقي في كاس العالم !

الاهلي راح كاس العالم

المدرب الجديد ميعرفش اللعيبه و اتفرضوا عليه و علي اسلوب لعبه !
المدرب الجديد اول فرق بيقابلها هي انتر ميامي اللي فيها ميسي و بالميراس البرازيلي !
وايضا النحاس هو اللي بيدير المباراة و يقول مين يلعب و مين لا !
تريزيجيه بيتخانق مع وسام و زيزو عشان يسدد ركلة الجزاء و يضيعها !
اتعادلت مع انتر ميامي و خسرت من بالميراس !
اصبحت اول فريق في البطولة كلها يضيع ركلة جزاء و يسجل هدف في نفسه و مسجلتش اي هدف !

موسم طويل عريض مفهوش خطوه واحده اتاخدت صح و بشكل عقلاني من اداره الاهلي !

نهايه مستحقه ل واحد من اكتر المواسم الكارثيه و العبثيه في تاريخ النادي الاهلي !

السيناريو الوحيد لصعود الاهلي ( سيناريو صعب للغاية )

فوز الاهلي على بورتو✅
فوز بالميراس على انتر ميامي ✅
نتائج المباراتين يعوض فارق الاهداف