الأدوار الإقصائية تُكسب ولا تُلعب
خسارة السنغال درس قاسي جدًا لازم نتعلم منه
أي رعونة أو تهريج لمدة دقيقتين فقط في مستوى بحجم كأس العالم
هاتلاقي نفسك برة مباشرة!
السنغال بالنسبة لي حالة مفقود فيها الأمل في بطولات العالم، دي ثالث نسخة على التوالي يقدموا أداء عظيم ويكون خروجهم مبكر -بالنسبة لقدراتهم-والسبب،، السذاجة والرعونة والتهريج!
لما تكون متقدم في النتيجة، وبفارق هدفين، وعلى فريق أوروبي بحجم بلجيكا ، ومكتسح الملعب لحد الدقيقة ٨٠، وتفشل في إنك تنهي أي طموح لمنافسك، ده تهريج!
لما تروح على مرمى منافسك مرة واتنين وتلاتة وتضيع، وبدل ما تلوم نفسك تضحك وكأنك واثق إنك وقت ما تحب توصل وتسجل هاتعملها، تبقى بتهرج!
لازم منتخبات أفريقيا تعرف تمامًا إن المنتخبات الكبيرة، وتحديدًا الأوروبية عندها كبرياء، حتى لو مستواهم في هبوط، كبريائهم بيجبرهم على العودةدرس قوي جدًا لازم نتعلم منه، كل منتخبات أفريقيا لازم تتعلمه لإنها اكثر منتخبات بتقع في المشكلة ديالأداء الجمالي مش كل حاجة.
الأدوار الإقصائية تُكسب ولا تُلعب الرياضه العالميه
المنتخبات الأفريقية بتستقبل كم فرص في آخر ١٠ دقايق و اهداف ، تفصلك تماما!
و تخليك تسأل حتي ولو مش مهتم ، ده بيحصل ليه ؟!
معظم الاهداف ال اتسجلت ع المنتخبات الأفريقية ، من اندفاعات و تدفقات في مناطق جزاءهم!
اولا: التدفقات و الاندفاعات دي مش بتحصل ليه من اول المباراة؟
عشان التركيز الذهني و الحضور البدني و الالتزام الخططي بيبقي في اعلي مستوياته، كل ما الدقايق بتعدي كل ما التركيز بيقل و الحضور البدني بيقل ف بتخسر ثنائيات و طبعا تاكتيكيا محتاج تكون حاضر ذهني و بدني
فاركن المدرب ع جنب لانه بيتفرج زيينا.
ثانيا: المنتخبات الأفريقية مش بتقدر تستغل لحظات اندفاع الخصوم اللاتينية او الاوروبية وهما بيجروا ورا النتيجة.
ده بيحصل عشان مافيش لاعيبة بتقدر تسجل الثاني مش هقول الثاني و الثالث و طبعا بيجي كم فرص كبيرة محققة بيتم التعامل معاها برعونة مستفزة ده غير ان الكثير بيفضل يطول المباراة و يذهب لضربات جزاء ف بيسحب كل اللاعيبة ال تقدر تريحه حتي ف التحولات و بيكتفي بالدفاع فقط.
الحل ، هو نوبات استحواذ كبيرة زي ال بيقدمها المغرب ، و ده طبعا بيتطلب جودة لاعيبة عالية جدا جدا جدا ، ف انت مهما تحاول تقلل جودة المنافس ، هيبقي ليك حد في السيطرة و بعد كدا الامور هتسحب منك، إلا لو معاك حارس مش بس عملاق ، ده يقدم اداء اسطوري و حتي ده بردو مش كافي لان الكونغو عندها حارس قدم اداء اسطوري و بردو خرجوا لنفس الاسباب ال فوق.
sportnews.it.com
الأدوار الإقصائية تُكسب ولا تُلعب
الأدوار الإقصائية تُكسب ولا تُلعب
اترك تعليقاً