ارقام اللاعب احمد السيد زيزو مع الزمالك المصرى
برايم زيزو مستواه محققوش اي وينج مصري في الدوري اخر 5 سنين لكذة سنة ورا بعض ..
اتقارن بوينج واتنين وعشرة ومحدش فيهم اقترب منه
كتأثير واستمرارية لمواسم متوالية زيه
برايم زيزو اللي قادر يقدم كل اشكال التأثير وقادر طول الوقت يغير مسار المباريات
برايم زيزو اللي بفضله حقق الزمالك كل بطولاته في السنوات الخمس الاخيرة دون ادنى شك
وكمان برايم زيزو اللي اسهاماته كسر الـ150 مساهمة منذ قدومه للزمالك
واهدافه قاربت على نادي المائة
برايم زيزو اللي اختزله صغار العقل في ركلات الجزاء وطمسوا اسهاماته في التسجيل والصناعة
زيزو هيفضل لاعب استثنائي وكواليتي يتمناه اي فريق ..
الافضل♥️👑
زيزو هو عمود الخيمه فى الزمالك،
هو الرجل الأول في اخر السنين،هو اخر واحد تبقي من الجيل المميز،
وهو ال قدر يشيل الفريق في اوقات صعبه جدا،بمعني أن هو العكاز ال بدأ يميل عليه الجمهور …
زيزو هو واحد من أهم لاعبي الدوري اخر 5 سنوات وأكثر لاعب محلي له تأثير مباشر
مع الفريق سواء بالتسجيل أو بالصناعة وكان عنصر مؤثر كبير في نتائج الزمالك بشكل فردي،
انت بتتكلم عن لاعب مساهم 101 هدف آخر 6 مواسم انت متخيل التأثير
بالنسبه للاعب محلي اكتر لاعب ساهم في أهداف في تلك الفترة …
زيزو سجل 60 هدف اكتر لاعب سجل
في اخر 6 سنوات لكن هنبعد عن قصة التسجيل علشان مندخلش في قصة ضربات جزاء ولا لا،
ولكن ده كمان صنع 41 هدف اكتر لاعب صنع اهداف برضو في تلك الفتره ؟
بيتفوق علي صناع لعب مثل عبدالله السعيد وافشه ..
مش بس كده ده زيزو صنع 364 فرصه محققة للتسجيل chances created
وهو اكتر لاعب صنع فرص محققة
في اخر 6 سنوات واقرب لاعب له هو عبدالله السعيد ب 250 فرصه !!
و انت متخيل حجم الاضافه الفنيه ال بيعملها بشكل مباشر..
الزمالك أتأثر بشكل كبير بهبوط مستوي زيزو خسر مفتاح لعب كبير
واهم لاعب في التلت الاخير الزمالك وال بيقدر حلول للفريق سواء من العرضيات
أو من التسديد بدونه مافيش جناح أو لاعب له تأثير هجوميا يقرب منه حتي ..
اعتقد استمرار زيزو هو رهان كبير للزمالك
مفيش جناح مصري قادر يقدم نفس اضافه زيزو فنيا
ولا علي مستوي الشخصيه،واضح جدا أن اللاعب تحت ضغطوط كبيره
لكن الحقيقة الارقام المتداولة ضخمه جدا
ومبالغ فيها مش قادر تحدد هي صح ولا غلط لكن لو صح اعتقد الموضوع هيكون صعب …
زيزو ف اسو،،،ء أحواله زي ما بيتقال مساهم ب ١٨ هدف الموسم دا رقم إنجاز لأي لاعب تاني
منذ عام ٢٠١٩ ساهم زيزو ف ١٦٣ هدف سواء مع الزمالك
او المنتخب بمعدل ٢٦ هدف كل سنة تقريبا
١٢١ مساهمة تهديفية في البطولات المحلية..
٣٢ مساهمة تهديفية قارية.. الأكثر مساهمة ف تاريخ الزمالك القاري
١٨ أسيست قاري التاني ف تاريخ مصر بعد عبدالله السعيد
٧٢ أسيست منذ ٢٠١٩ .. منهم ٦٩ أسيست مع الزمالك رقم خيالي
ف الدوري مثلا من موسم ٢٠٢١ صانع ٣٤١ فرصة ف الدوري الرقم الأعلى ف مصر
زيزو من ٢٠١٩ ف الدوري أكثر من سجل وأكثر من صنع أهداف
وأكثر من سجل من ركلات حرة وأكثر من صنع فرص
بالنسبه لمباراه سيراميكا مثلا
اهو الجول الجامد اللي سجلوا زيزو دلوقتي ده
حول المباراة 180 درجة بدل ما كانت رايحه في سكه سيراميكا خلاها تروح في سكه الزمالك
و كان السبب في تاهلهم لنهائي كاس مصر
هيخلي الزمالك ميسيبش زيزو ابدا و مش بعيد يجددوا معاه ب 100 مليون مش 75 مليون كمان !
زيزو اول ما عرف ان الزمالك بيخصص جلسه معاه لتجديد العقد
مزاجه بقي رايق لدرجة ان ساهم باهداف في اخر 5 مباريات لعبهم منهم هدفين مع منتخب مصر.
اللي هو قبلها لعب 42 مباراة مع منتخب مصر
سجل نفس الهدفين ، الغزاله رايقه من الاخر !
الاعب احمد السيد زيزو بيساهم فى تاهل الزمالك بصوره مباشره الى نهائى البطوله المفضله له
و تاهل مهم خصوصا فى عدم وجود الكبير الاهلى المصرى
مفيش احلى واجمل من متلازمة زيزو والأعياد..
ومفيش احلى من عيدية زيزو
٢٠٢١ ف عيد الفطر أسيست من فوز الزمالك ع انبي ٣_١ وكسبان الدوري
٢٠٢٢ ف عيد الفطر هدف فوز الزمالك ع ايسترن كومباني وكان هدف الدوري
٢٠٢٢ ف عيد الأضحى أسيست فوز الزمالك ع المقاولين لحسام ماتيب
٢٠٢٣ ف عيد الفطر اسيست فوز الزمالك ع سيراميك ف ماتش ١_٠
٢٠٢٥ ف عيد الفطر هدف تأهل الزمالك النهائي لكأس مصر
زيزو اختصاصي في عيد الفطر كل ما بيقرب العيد زيزو بيتكفل بأجمل عيدية
اختصاصي اعياد لجمهور الزمالك
صاحب تأهل الزمالك الي نهائي كاس مصر