احتمالات طريق منتخب مصر في كأس العالم بعد التأهل -إن شاء الله- ومنافسه التالي كثيرة جدًا، لكن خليني أبسط لك الموضوع وأقولك كل حالة طريقنا فيها مين؟

منتخب مصر حاليًا متصدر للمجموعة ٧، وعندنا ٣ احتمالات للتأهل هي (صدارة – وصافة – أفضل ثوالث)، ولكل احتمال منهم منافسين قادمين مختلفين!

في حالة الصدارة وركز جدًا هنا علشان طويلة

• في دور الـ٣٢:
  مصر تواجه أفضل ثالث من أحد المجموعات (١ أو ٥ أو ٨ أو ٩ أو ١٠)

لكن لابد من ملاحظة أن المنافس لا يتحدد بناء على ترتيب الاحتمالات المكتوب، لكن بناء على قرعة خرج منها ٤٩٥ احتمال، أيوة العدد صحيح مش مبالغة!

القرعة دي بقى قالت، إن أكثر الاحتمالات لمواجهة مصر 🇪🇬 في حالة الصدارة هي

ثالث المجموعة ٨ كخيار أول (مجموعة إسبانيا ، أوروجواي، كاب فيردي ، السعودية )

ثم ثالث المجموعة ١٠ كخيار ثاني (مجموعة الأرجنتين ، النمسا ، الجزائر، الأردن )

وبنسبة أقل جدًا ثالث المجموعة ٩ (مجموعة فرنسا ، النرويج ، السنغال ، العراق )

حد هايسألني ويقولي، طب لو مافيش ولا تالت من دول تأهل.. إيه الوضع؟

هنا نلجأ للعب ضد ثالث المجموعة ٥ (مجموعة ألمانيا ، كوت ديفوار، الإكوادور ، كوراساو )

ولو متأهلش هو كمان يبقى نروح لآخر خيار اللي هو المجموعة ١ (مجموعة المكسيك ، كوريا الجنوبية ، التشيك، جنوب أفريقيا)

• وقتها يكون طريقنا في دور الـ١٦: أمريكا أو أحد الثوالث اللي هاتواجهه في دور الـ٣٢

في حالة الوصافة وده الخيار الأسهل في الشرح

• في دور الـ٣٢:

مصر تواجه وصيف المجموعة ٤ (مجموعة أمريكا ، أستراليا ، باراجواي ، تركيا)، أو بمعنى أدق الفائز من مباراة أستراليا وباراجواي في الجولة القادمة

• وقتها يكون طريقنا في دور الـ١٦: الأرجنتين أو وصيف المجموعة ٨ (إسبانيا، أوروجواي، كاب فيردي، السعودية)

في حالة أفضل ثوالث لو لسه مركز

• في دور الـ٣٢:
  مصر تواجه متصدر المجموعة ٢ (كندا أو سويسرا ) كخيار أول والنسبة الأعظم (وفقًا لنفس الـ٤٩٥ احتمال)، ثم بنسبة أقل متصدر مجموعة ٩ (فرنسا، النرويج، السنغال، العراق)
• في حالة مواجهة كندا أو سويسرا، فطريقنا في دور الـ١٦ هو متصدر المجموعة ١١ (البرتغال ، كولومبيا ، الكونغو ، أوزبكستان )
• في حالة مواجهة مجموعة فرنسا، فطريقنا في دور الـ١٦ هو متصدر المجموعة ألمانيا أو أحد الثوالث اللي هاتواجهه في الدور القادم

وأخيرًا، لو وصلت لحد هنا ودماغك ملفتش، فأنت من الأحرار، لكن خليك فاكر إن انتوا اللي طلبتوا تعرفوا طريق مصر من دلوقت

sportnews.it.com