اداره ريال مدريد أسوء اداره فى أوربا دون أدنى شك

محدش سأل نفسه قبل كدة ليه ريال مدريد خسر من برشلونة 4 مرات منهم مرتين برباعيه و خماسيه

و خسر من ارسنال بثلاثيه و خسر من باريس برباعيه و خسر من اتليتكو امبارح بخماسيه و بقاله سنة مش عارف يكسب فريق كبير ؟

محدش اخد باله ان الفضائح فضلت تتوالي في ريال مدريد بعد خروج لاعب زي توني كروس

و من بعده مودريتش اللي في اخر ايامه كان دكه ل لعيبه ولا تسوي فرده شرابه ؟

من الاخر كدة ، اي لاعب في العالم هيقدر يعمل تمريرات صح و ممكن يكسر بيها الضغط

لو مش مضغوط عليه و عنده وقت و مساحه كبيره علي الكرة و هو ده الوهم اللي باعوا لعيبه زي تشواميني للجمهور و لفلورنتينو بيريز كمان !

لكن تقييم اللاعب الحقيقي لما المساحه تضيق و الوقت يكون معدوم و الضغط نازل عليه زي الشلالات

و في المواقف دي بتظهر محدوديه تشواميني اللي بيخاف يطلب الكرة اصلا و تظهر قيمه لعيبه زي بيدري اللي بيقولك هات الكرة

و اسبقني علي المرمي في خلال ثانيه هوصلهالك و هحصلك !

في وسط ما ريال مدريد ودع كروس و مودريتش و جاب مكانهم تشواميني و كامافينجا للمستقبل

كان برشلونة بيسبقك بمئات الخطوات بتعويض بوسكيتس بثنائيه زي دي يونج و بيدري ، فرق السما بالارض حرفيا !

بيدري اللي اترفض في اكاديميه الريال بحجه ان جسمه صغير

هو نفسه بيدري افضل لاعب وسط حاليا في العالم

و من هنا تعرف ان اداره ريال مدريد هي أسوء اداره في اوروبا حرفيا !

sportnews.it.com