انتر ميامى يفوز على بورتو ويعزز موقفه فى المجموعه الاولى من مونديال العالم
من يومين كان بيلاعب الاهلي لوحده و حاطط كورتين في العارضه و عمل سبرينت في اخر ثانيه في المباراة
عشان يدافع قصاد 3 لاعبين من الاهلي !
النهاردة بقي بيسجل هدف عالمي من فاول امام بورتو و بيكسب جائزه رجل المباراة
و بيكون سبب في فوز تاريخي لانتر ميامي علي بورتو !
قبل البطولة كل الناس اتريقت علي انتر ميامي لانه فريق هاوي مبيعرفش يلعب كورة
و قالوا علي ميسي ده عجوز عنده 38 سنة و مش هيقدر يعملهم حاجة !
ميسي النهاردة قدر علي الواقف
و بنص فورمته حرفيا يخلي فريقه الهاوي ده يتصدر المجموعة مع بالميراس
لانه من الاخر ميسي ، صاحب اللعبه نفسها
اعجازي والله اللى بيعمله في العمر ده شئ مش طبيعي ميسي مش بس بيسجل
لا ده بيعمل كل حاجه مع فريق مش موجود اساسا
ميسي في عمر ال 38 عامل بينزل لوسط الملعب علشان يساعد الفريق التدرج
وبيكمل بالكره للتلت الاخير علشان يساعد الفريق في صناعة الفرص ..
مش بس كده ده بيرجع وبيحاول يضغط ويفتك الكره
الفريق كله بيبحث عنه لأنهم متأكدين أن هو الحل والامل الوحيد اساسا
في كل مره ميسي بيستلم فيها الكره بتشعر بشئ بيتواجد من العدم في محاولة لتنفيذ شئ ما للفريق.
علي مر السنين ميسي دايما سابق كل اللعيبه الحاله الذهنيه اللى عنده
واللى بتجعله سابق الكل بخطوة دي حاجه غير عاديه
والكوره في رحله وبيبدا في المراوغة بتشعر أن لاعب الخصم بيتحرك بالتصوير البطئ أو بيحصله error
لان دايما مش متوقع ميسي هيعمل اي لكن ميسي متوقع الخصم هيعمل ايه ..
يارب العمر يطول شوية ياعم ميسي الواحد بيفرح مجرد مابتلمس الكور بس والله
لقطه ميسى فى مباره الاهلى فى اخر لحظه تدرس
سيبك من انه بيلعب علي الواقف و قدر يحط كورتين في العارضه
و يصنع فرصتين و بيلعب لوحده في فريق حرفيا منتهي و مبيعرفش يلعب كورة اصلا !
بص كدة علي المشهد ده و بص علي الدقيقه !
اخر لعبه في المباراة و اخر ثانيه في المباراة !
هجمه مرتده للاهلي و فرصه هدف محقق !
بص مين اللي بيرجع و رصد تحركات لاعبي الاهلي بدل المرة تلاته !
ميسي اللي بيعمل كدة
العجوز ابو 38 سنة هو اللي بيقوم بدور دفاعي مش بتاعه اصلا ولا بتاع سنه انه يعمل سبرينت زي ده !
ميسي ده المفروض كسب كل حاجة في الكورة و مش عايز منها حاجة تاني
و مع ذلك قرر يشيل فريقه دفاعيا في اخر لقطه دي و مش عايز فريقه يخسر المباراة !
لقطه عظيمه من ملك اللعبه ، ليونيل باشا ميسي
مجله فرانس فوتبول المسئوله عن البالون دور قررت من كام يوم تعمل تشويق للجمهور !
فرانس فوتبول قرروا يفكروا الناس بجائزه اسمها ” سوبر بالون دور ” كانوا عملوها مرة واحدة فقط في سنة 1989 ، طب ايه الجائزه دي ؟
الجائزه دي تم منحها لافضل لاعب في العالم في العقود الثلاثه الاخيره و كانت بالتصويت و باختيار لجنه فنيه متخصصه و اللي كسبها وقتها كان اسطوره ريال مدريد ” الفريدو دي ستيفانو “
فرانس فوتبول في نهايه كلامهم سألوا مشجعين كرة القدم السؤال ده ” ايه رايكوا ، مين يستحقها في الوقت الحالي ؟ “
بس يا سيدي و من بعدها بدأ الجمهور يطالب بمنح الجائزه دي اما ل ليونيل ميسي او كريستيانو رونالدو فقط !
شكلنا داخلين علي اكبر صداع هيحصل في تاريخ كرة القدم !
اليوم ميسى بيلعب الفاول بمعلمه حقيقى
بيشوط الفاول في زاويه الحارس و برضه بتدخل
عنده قدره عجيبه في وزن التسديد و اتجاهه ، حاجات بتاعته هو و بس
حقيقى اللى بيعمله ليونيل ميسى فى الكوره بيدل على تفرده بشخصيه غريبه الاطوار شخصيه طاغيه على كل العصور
شخصيه بتسبق العمر باميال حتى وهو فى اخر مشواره ومسيرته الكرويه بيقدم افضل مستوياته على الاطلاق افضل من لاعيبه كتير جدا وبفرق شاسع جدا كمان .انتر ميامى بيحقق الانتصار ويقترب من التاهل
نطاق الرياضة
اترك تعليقاً