فرق تاسيس واضح داخل الملعب للكره المغربيه
مستقبل مشرق للكره المغربيه فرق تأسيس واضح جدا في كل شئ داخل الملعب
اختلاف واضح في التعامل مع وضعيات اللعب تنفيذ مبادئ اللعب الفرديه
كل شئ بيتنفذ داخل الملعب مختلف عن التاني،تقدر تحدد الفوارق دي كلها ببساطه وانت بتتفرج علي مباراة المغرب ومصر.
المغرب بعد ماقدرت تحقق بطولة إفريقيا تحت 17 عام وبطولة افريقيا تحت 23 عام بتقدر توصل لفاينال البطولة تحت 20 عام
بعد ما قدرت تتفوق علي مصر في السيمي فاينال …
خطوات ممتازه لمنتخب المغرب في الناشئين مستقبل مشرق للمنتخب المغربي
قاعدة ناشئين كبيره ومميزه مربوطه بتوسع في قاعدة المحترفين وده بيزود عدد الإختيارات الفرديه.
تأسيس اللاعبين في أوروبا بيسهل عليهم كتير جدا في فهم اللعبه،وبيزود الفارق بينهم وبينا كمان اللاعبين المحليين المتواجدين مع منتخب تحت 20 عام
ممتازين جدا بالتالي عملية الدمج مابينهم بتخلق فريق اقوى.
شاهدت مباراة مصر و المغرب في نصف نهائي امم افريقيا للشباب
و حقيقي الواحد حزين جدا علي حاله اليأس اللي وصلها منتخب مصر في كرة القدم !
المباراة اغلبها كانت عبارة عن مراحل هجوم للمغرب
و مصر متكتله في الخلف و بندافع كويس لكن يوم ما مصر تمسك كورة
لايوجد في هجوم منظم بسبب جوده اللاعبين !
لك ان تتخيل ان مصر لمدة 90 دقيقه كامله امام المغرب و قدمت المصايب دي كلها ! 👇
صفر تسديده علي المرمي مقابل 4 للمغرب
16 مرة دخول للتلت الاخير مقابل 43 للمغرب !
5 لمسات فقط في منطقه الجزاء مقابل 20 للمغرب !
النتيجة هي فوز المغرب 1 / 0
المصيبه الاكبر ان في اقل من سنة بس
منتخب المغرب كسب منتخب مصر 4 مرات في مختلف الفئات السنيه ! 👇
المغرب في اوليمبياد باريس كسبت مصر 6 / 0
المغرب ” تحت 17 سنة ” كسبت مصر 5 / 1
وايضا المغرب ” تحت 20 سنة ” كسبت مصر 2 / 1
المغرب ” تحت 20 سنة ” كسبت مصر 1 / 0
منتخب المغرب ، منتخب معاك في نفس القاره ، قرر يشتغل و يتطور و انت بتتفرج عليه وبتسقف له فقط لانه حقيقى يستاهل
حاجة تحزن بجد وضع الكره المصريه فى الاونه الاخيره !
التسديدات عموما
13 للمغرب ، 4 لمصر
علي المرمي 4 المغرب ، صفر مصر
في نصف نهائي افريقيا و معرفتش تسدد علي المرمي نهائى
لمست الكرة في منطقه جزاء المغرب 5 مرات بس ، حد متخيل الرقم !
و انت بدفاع في البوكس و تكتل
المغرب برغم كدة لمسوا الكرة 20 في منطقه جزاءك
مصر لم تحضر بعد
ازاي ده يبقي منتخب شباب هو اللي بيدعم المنتخب الاول بالمواهب !
منتخب لايوجد به غير لاعب او اتنين بالكتير
الباقيين دخلوا ازاي و بيلعبوا بناء علي ايه ؟
الناس الموهوبه اللي في الشوارع و الحواري والحجز الخماسي ليهمهمشين ولا توجد لهم فرص ؟
ليه مفيش برنامج عادل يكتشف كل مواهب مصر و يتعملهم مدارس داخلي
و نبني بيهم منتخبات و نصدرهم للخارج لانديه اوروبا و يبداوا مشوار نجاحهم في اللعبه ؟
ليه مبنعملش كدة ؟
و ليه مش عايزين نشتغل ؟
ليه ؟
حد يجاوب ؟
حقيقى الاشقاء فى المغرب بينفذوا مشروع محترم على جميع المراحل السنيه بامتياز
وانجاز رابع العالم بقطر مش من فراغ اولمبياد باريس مش من فراغ منتخب محترم اوى كرويا
بيلعبوا كره قدم دون اى قوانين على الاطلاق
حقيقى بيلعبوا كوره شوارع اصيله مصممين يقلبوا الجيم لمشهد استعراضى متكامل
الترجمه الحرفيه والهيمنه المطلقه والسيطره الشامله على كل انحاء الملعب
شابوه حقيقى للاشقاء فى المغرب
وشابوه للجامعه الملكيه المغربيه لكره القدم على اداره ملف الكوره فى البلاد
المنتخب المغربى بيمتلك عناصر كرويه مرعبه اوى حقيقى
ممتعين جدا قرديا وممتعين جدا جماعيا ايضا
المغرب هيكون رقم صعب اوى فى امم افريقيا لسنوات قادمه
وهيكون ممثل محترم اوى للعرب ولقاره افريقيا بالكامل فى المحافل الدوليه
اعتقد ان المنتخب المغربى اصبح من صفوه المنتخب فى العالم
فى كره القدم وكل منتخبات العالم بلا استثناء بتحترم المنتخب المغربى الان
اترك تعليقاً إلغاء الرد