محمد عبدالشافى رمز للاخلاق والاحترام
أكتر لاعب اتفصل عليه لقب الأسطورة تفصيل سواء داخل الملعب أو سلوكيات خارج الملعب
عبد الشافي عمره ما كان بيزايد او خلافه مثل اغلبية لاعيبة مصر
كل علاقته ب التيشيرت اللي كان لابسه اجتهاد وبس داخل المستطيل
كان أفضل ظهير ف الدوري أيام ما كانت مصر مليانة نجوم وعمره ما حد سمع ليه كلمة وقت التجديد
محمد عبدالشافى الاسطوره الحقيقيه
لعب للزمالك ٦ مواسم أيام العشرية وكان رقم واحد ف مركزه ومكنش بياخد فلوس ومشفتش شكاو،،،ي منوا ف اتحاد الكرة
حتى لما راح مستوى عالي زي الدوري السعودي برهن ع قيمته العالية
١١٦ ماتش مع اهلي جدة منهم ١١٤ ماتش أساسي
بل أخر تلت سنين ف السعودية تمت مرواغته ٨ مرات فقط ٥٢ ماتش لعب فيهم ٥٠ ماتش أساسي
ورجع الزمالك بعد كدا وقدم فترة عظيمة وكان عمود أساسي ف السوبر المصري والأفريقي و كأس مصر ودوري ٢٠٢١
بحب عبد الشافي وشايف انوا معيار الأسطورة الحقيقية بعيد عن أشياء اخرى 🤍
محدش يقدر ينسى اللي عمله شيفو في 2013 لما خلص التمرين وطلع جدد عقده بلبس التمرين .. ملحقش حتى يغير
رغم ان الزمالك وقتها كان لسه في العشرية السودا .. لا في فلوس ولا يحزنون برضو والنادي كان بيعاني اقتصادياً
وصدقني وقتها شيفو كان الظهير الايسر الاول في مصر في وقت ما خلاص اسطورة زي سيد معوض بيبطل وممكن جداً شيفو عقده يخلص ويروح اي مكان يقدره مالياً بشكل اكير
بس اللي عاوز اقوله قبل ما الدراميات تستهلكنا ان اللي عمله شيفو ده مش العادي او الدارج في لعبتنا .. وسط ١٠٠ لاعب هتلاقي ناس بتتصرف زي شيفو
في عصرنا دلوقتي لغة المادة بتغوي العيون والقلوب للسواد الاعظم من اللاعبين .. لغة الانتماء بقت محدودة لحد العدم
عشان كده متستناش من حد يعمل زي شيفو حتى لو متربي بين جدران النادي .. لكن موقف شيفو نفسه ؟
هيفضل خالد وميتنسيش .. في عز الأزمة اختار الزمالك .. ويوم ما خرج ؟ النادي استفاد كتير من وراه انتقاله الى اهلي جدة
عشان كده مش مستني من اي لاعب يكون شيفو .. عاوز تكون شيفو بإرادتك الجمهور مش هينسالك ده♥️