شكرا على الجرعه الكرويه من فرنسا واسبانيا

موهبه كرويه حقيقى

مباراة فيها 9 اهداف و 9 فرص محققه للتسجيل و 40 تسديده و كورتين في العارضه

وايضا مباراة فيها مواهب بحجم يامال و بيدري و ويليامز و مبابي و ريان شرقي و كلهم سجلوا اهداف !

مباراة نصف نهائي في بطولة كبيره بتنتهي 5 / 4 و من كتر متعتها

مكوناش عايزين الحكم يصفر ، كنا عايزينه يكمل ماتش مفتوح ب فوره !

منتخب اسبانيا موهبه يامال
منتخب فرنسا موهبه ريان شرقى

شكرا علي الجرعه الكرويه المتينه دي ❤️💙

فرنسا كانت خسرانة 4 / 1 من اسبانيا و مش لاقيين اي حلول !

ريان شرقي نزل في الدقيقه 63 و لعب 27 دقيقه بس عرف فيهم كل لعيبه فرنسا يعني ايه

تقنيه فذه من الاخر !

سجل هدف علي الطاير من مساحه ضيفه من بتوع الخماسي اللي بيتعملوا علي الواقف دول !

صنع هدف من عرضيه مقوسه نموذجيه
صنع 3 فرص منهم 2 محققين للتسجيل
كل كراته الطويله صح ، بيعملها بسهوله تامه !

اهو الموهبه المثاليه دي اللي عندها 21 سنة بس رايحه مانشيستر سيتي

و ب 40 مليون بس ، جوارديولا لقي كنز من الاخر !

ريان شرقي خساره كبيره حرفيا لمنتخب الجزائر ! حقيقى موهبه كبيره اوى

من يومين بالظبط ، الصحفيين قرروا يضغطوا علي الولد اللي قدامك ده

باعتبار انه 17 سنة فى يلا نورطه في مشكله امام الجمهور و نطلع ب تريند جديد !

الصحفيين سألوه ، ايه رايك لو كسبت فرنسا يوم الخميس تكسب البالون الدور السنة دي ؟

رد عليهم و قالهم هو تصويت البالون دور لافضل لاعب في الموسم ولا للفائز بمباراة الخميس ؟

شغلوا دماغهم عليه و قالوا له بس الموسم مضمون فيه مباراة يوم الخميس

دي مباراة كبيره جدا !

رد عليهم بذكاء و قالهم سواء كسبنا يوم الخميس او لا

فى انا هصوت لافضل لاعب في الموسم و بالمنطق بتاعكم لو انا او ديمبيلي ملعبناش كويس يوم الخميس

فى هتروحوا تصوتوا لواحد تالت خالص هيلعب النهائي يوم الاحد 😉

في النهاية قفل معاهم الحديث و قالهم ، لو انتوا عايزين تاخدوا الريسك في مباراة واحده

فى يلا نلعب مع بعض انا جاهز !

و فعلا ، نزل النهاردة سجل هدفين امام فرنسا و قدم اداء تاريخي و كان سبب في فوز فريقه

و كسب رجل المباراة و بعد المباراة قال ان اهم حاجة هو الرد في الملعب !

اي حد قرر يتحدي الولد ده لحد دلوقتي فشل في النهايه
الولد ده بيمتلك شخصيه غير عاديه و فوق مستوي سنه بكتير
مبيهموش حد ، مبيخافش من حاجة ، مستوي ثقه في النفس مرعب !

الظاهره لامين يامال ، الحاضر اينما كان ❤️

انا بحترم الجانب الرقمي جداً في الكورة وبقدره وبعطيه مساحة مش قليلة في تقييمي للامور

بس في شئ مختلف بخصوص الولد ده لا يُقاس بالارقام

الشئ ده محتاج عينك فقط لا غير عشان تقدر تقيمه بشكل ملائم وصحيح

المستوى ده من التفوق والهيمنة الفردية والتقنية للاعب على اي منافس قدامه

انا مشوفتوش غير عند ناس زي ميسي ورونالدو والظاهرة ورونالدينهو ونيمار والمواهب اللي في المستويات دي

مستوى القدرة اللي يخليك قادر على اذلال الخصم لاقصى درجة وجعله عاجز أمامك

وغير قادر على مجابهتك موهبة مرعبة يتقال عليها فلتة بجد من فلتات الكورة اللي بتيجي كل 20 سنة مرة

الجنان التقني ده مفيش حد يقدر يوقفه غير اللاعب نفسه عقله واستمراريته

بجانب الزمن هما دول اعداؤه الازليين وخصومه الابديين .. الزمن كده كده بينتصر على الكل

لكن العقلية والاستمرارية هم طوع قرارك ورغبتك

وأنا من مكاني بقول .. لو لامين يامال طوع عقله وعزز من استمرارية حضوره المهيب ؟

فإحنا على موعد مع استنساخ فترة البرغوث

وربما على مستوى اكثر ضخامة من الغشم والتطور والقدرة والقابلية

لامين يامال هو بلا شك موهبة العصر!

موقع نطاق الرياضة هو موقعكم الاول فى كل ما يخص الرياضه حول العالم دون ادنى شك احدث الاخبار والتحليلات الرياضيه لكل المباريات – كل ما تريد معرفته حول الكوره فى العالم

نطاق الرياضة

• جميع أخبار الكره الاردنيه اليوم
• صفقه ليفربول فلوريان فيرتز
• كاس العالم برعايه البرازيل حتى الان
• اول انتصار عربى فى كاس العالم
• الاهلى محتاج معجزه للتاهل