اقوى ديربي فى العالم
اقوى ديربي فى العالم برشلونة وريال مدريد
اقوى ديربى -برشلونه بيقدم موسم عظيم
برشلونة الموسم اللي فات مع تشافي خرج صفر بطولات
و خسر من ريال مدريد 3 مرات ، مرتين منهم ب ريمونتادا و مرة بسكور كبير زي 4 / 1 !
برشلونة في الموسم الحالي مجبش اي صفقات غير اولمو فقط اللي بيتصاب كتير
هل كمشجع برشلوني كنت تتخيل انك تكسب اي حاجة الموسم ده ؟
كنت تتخيل تكسب ريال مدريد 3 مرات
مرتين منهم بسكورات كبيره زي 4 / 0 و 5 / 2 و مرة منهم ب ريمونتادا ؟
كنت تتخيل انك توصل شهر ابريل و تبقي كسبان بطولتين زي الكاس و السوبر
و بتنافس علي الدوري و دوري الابطال
و ممكن تطلع برباعية تاريخيه محصلتش من ايام جوارديولا !
كنت تتخيل ان فريقك يبقي لي قوه شخصيه و حضور ذهني و ثبات انفعالي
مع اي موقف بيحصل بعد الموسم الصفري اللي عديت بيه ده و بدون دعم كمان ؟
تخيل هانز فليك خلاك تعيش واقع عامل ازاي ،
واقع مكنش موجود غير في خيالك و عالمك الافتراضي !
الانجاز اللي عملوا فليك مع برشلونة ده تاريخي حرفيا 👏❤️
الصورة اللي فوق دي كانت في 2018
وقتها الطاقم الاداري لبرشلونة قرروا يعملوا ممر شرفي ل لاعبي برشلونة
في مباراة الكلاسيكو بسبب التتويج بالدوري رسميا قبل هذه المباراة
طب ليه ده حصل ؟
و ليه ريال مدريد معملش ممر شرفي ؟
وقتها زيدان مدرب ريال مدريد رفض يعمل ممر شرفي
لان برشلونة معملوش ممر شرفي في مباراة الدور الاول في شهر ديسمبر
بعد تتويج ريال مدريد بكاس العالم للاندية
كان سهل جدا برشلونة يشخصن الموضوع و تفضل دي العلاقة بينهم
علاقة مفهاش احترام ولا تقدير و كل فريق يفكر التاني بغلطاته السابقه !
لكن اجمل لقطة حصلت امبارح في مباراة الكلاسيكو هي الصورة اللي تحت دي ،
برشلونة قرر ينسي الماضي و قرر يعمل ممر شرفي لمنافسه ريال مدريد
و بالرغم انه الطرف الخاسر في المباراة !
برشلونة قرر يحترم منافسه اللي لعب مباراه محترمة
قرر يقدر الاداء العظيم اللي عملوا ريال مدريد امبارح
الممر الشرفي ده واحد من اجمل الاشياء اللي اتعملت في الكورة
و انه كمان يتعمل للفريق الخاسر فهو اجمل شئ في اللعبة حقيقي ❤️
اللي عملوا هانز فليك النهاردة امام ريال مدريد ده معجزه بالمعني الحرفي !!!
أنشيلوتي شغال ينزل في مبابي و جولر و دياز و اندريك و مودريتش من الدكه
و فليك يا عيني مش لاقي حد ينزلوا كلهم اطفال من الاكاديميه و فريقه استهلك بدنيا تماما !
انك تبقي خسران 2 / 1 من ريال مدريد و تعمل ريمونتادا عليهم و تكسب 3 / 2
تكسب منهم الكاس بفرق الامكانيات دي ف دي معجزه حرفيا !
كسب ريال مدريد بدل المرة تلاتة !
و كسب اتليتكو مدريد بدل المرة اتنين !
كسب السوبر و كسب الكاس !
كل ده بدون صفقات ، مدرب بالاف اللاعبين حرفيا !!!!
لاسبانيا ملك واحد هذا العام ، اسمه برشلونة هانز فليك 👏❤️
و انت خسران 4 / 2 من بنفيكا لحد الدقيقة 68 كنت تتخيل تعمل ريمونتادا و تكسب 5 / 4 في النهاية ؟
انت خسران 2 / 0 من اتليتكو مدريد لحد الدقيقة 70 كنت تتخيل تعمل ريمونتادا و تكسب 4 / 2 في النهاية ؟
و انت خسران 3 / 1 من سيلتا فيجو لحد الدقيقة 62 كنت تتخيل تعمل ريمونتادا و تكسب 4 / 3 في النهاية ؟
انت خسران 2 / 1 من ريال مدريد في نهائي الكاس لحد الدقيقة 76 كنت تتخيل تعمل ريمونتادا و تكسب 3 / 2 في النهاية ؟
طب لما اتطرد منك تشيزني في نهائي السوبر امام ريال مدريد
كنت تتخيل انك تنهي المباراة و انت كسبان ؟
طب لما اتطرد منك كوبارسي في مباراة بنفيكا و النتيجة لسة تعادل سلبي
كنت تتخيل انك هتكسب في النهاية و خارج ملعبك ؟
ودى كلها مواقف فسرها هانز فليك امبارح في جملة واحده ” هذا الفريق لا يستسلم ابدا “
انت كان بيتعمل عليك ريمونتادا قبل كدة ، دلوقتي انت بقيت ملك الريمونتادا في الموسم الحالي
هانز فليك خلاك قوي و صلب ذهنيا و كسرلك الحاجز النفسي ده !
افرح بفريقك مش عشان بس هو بيكسب و كسب بطولتين لحد دلوقتي
لكن عشان فريقك بيحاول لحد اخر نفس عنده لحد اخر دقيقه في كل مباراة 👏❤️
بالنسبة للممرات الشرفيه في الكلاسيكو
برشلونة عمل ممر شرفي لريال مدريد في 1988 لان الريال كان حسم الدوري
ريال مدريد عمل ممر شرفي لبرشلونة في 1991 لان برشلونة كان حسم الدوري
و طبعا الممر الشرفي المشهور في 2008 اللي عملوا برشلونة لريال مدريد لانه كان حسم الدوري
دي الممرات اللي اتعملت وقت حسم الدوري قبل مباريات الكلاسيكو
كلها كانت في حسم الدوري و مفيش ممر اتعمل في الكلاسيكو وقت حسم كاس العالم للانديه
اتعملت بس مرتين من فياريال و بيتيس في 2009 و 2015 بعد فوز برشلونة لكاس العالم للانديه
و مرة من فالنسيا بعد فوز ريال مدريد بكاس العالم للانديه في 2014
مشكله جمهور برشلونة دلوقتي ان هانز فليك طمعهم اكتر في الموسم 😀
ف دلوقتي عايزين الدوري و الابطال مع تشكيله مستهلكه جدا من بدايه الموسم و دكه متشيلش
الدوري وارد قريب لان برشلونة متقدم في النقاط
لو طلع ب دوري و سوبر و كاس مش بس هيبقي نجاح ده انجاز حتي لو خسر الابطال
لان خسارته للابطال طبيعيه جدا و مش هيبقي فيها اي مفاجات بالتشكيله المستهلكه دي
خصوصا لو انتر قدر يجرك ل شوطين اضافيين في ايطاليا في العوده
في اخبار اكدت ان ماركوس تورام مش هيلعب مباراة الذهاب امام برشلونة
تورام ملوش بديل في ادواره مع انتر
المهاجم اللي بينزل يمتص الضغط
و عنده لمسه اولي مميزه غيابه هياثر علي انتر كتير في اسلوب لعبهم المبني علي التحولات المصطنعة
لاوتارو هو اللي هينزل يعمل الدور ده ، سواء تارمي او ارناتوفيتش الاتنين فنيا مش بمستوي توارم في الربط
او حتي لاوتارو ، و الاتنين حركيا مش بيفيدوا في المساحات اطلاقا ، ف انتر هيبقي عنده عجز فعلا في ثنائيه الهجوم
و المفروض دي مصلحه لبرشلونة في مباراة الذهاب
بقولهالك من دلوقتي
لو اداره برشلونة مقدرتش تلاقي حلول لمشاكلها الماليه و مدعمتش فليك الموسم الجاي خالص بصفقات
انسي ان ده يتكرر تاني
نفس الفريق ده هيدخل الموسم و هو مستهلك تماما و هتتعرض لنفس المشاكل مفيش دكة تشيلك وقت الحسم
اقوى ديربي فى العالم
الموسم الحالي ده overperformance اوي لبرشلونة يعني ده مش الطبيعي خالص
ده انجاز من الاخر ، و كونك هترا هن علي الانجاز كل مرة ف انت بتفكر غلط لانه موسم ٨ شهور و اكتر مش بطولة ب ٧ ماتشات و خلصنا
اداره برشلونة هي اللي هتحدد اذا كان فليك لي عمر طويل في النادي ولا لا ، مش فليك اللي هيحدد
اللي عملوا هانز فليك النهاردة امام ريال مدريد ده معجزه بالمعني الحرفي !!!
أنشيلوتي شغال ينزل في مبابي و جولر و دياز و اندريك و مودريتش من الدكه
و فليك يا عيني مش لاقي حد ينزلوا كلهم اطفال من الاكاديميه و فريقه استهلك بدنيا تماما !
انك تبقي خسران 2 / 1 من ريال مدريد و تعمل ريمونتادا عليهم و تكسب 3 / 2
و تكسب منهم الكاس بفرق الامكانيات دي ف دي معجزه حرفيا ! كسب ريال مدريد بدل المرة تلاتة !
كسب اتليتكو مدريد بدل المرة اتنين !كسب السوبر و كسب الكاس ! كل ده بدون صفقات ، مدرب بالاف اللاعبين حرفيا !!!!
لاسبانيا ملك واحد هذا العام
اسمه برشلونة هانز فليك 👏❤️
جمهور مانشيستر يونايتد لازم يفتخر ان قائد فريقه هو برونو فيرنانديز
الراجل ده بقاله 5 سنين في مانشيستر يونايتد ، 5 سنين مبيشوفش فيهم غير عشوائيه ادارية و فو ضي عارمه و قمه عدم الاستقرار !
5 سنين مش بيلحق فيهم يتعود علي اسلوب مدرب ، لعب مع سولشاير و رانجنيك و تن هاج و اموريم !
برغم كل ده موقعش و فضل مكمل و شايل الفريق ده لحد النهاردة ، مش بس بيعافر ، ده بيحاول كل مرة يمنطق اللا منطق !
برونو النهاردة مش بس سجل هدفين في بلباو و قرب اليونايتد لنهائي اليوربا ليج ، ده كمان اصبح اكتر لاعب في تاريخ البطولة يساهم باكتر من 30 هدف في الادوار الاقصائيه ، 31 مساهمه في 32 مباراة ، حاسم من الاخر !
تاخد المفاجأة ؟
باستثناء محمد صلاح ، برونو هو اكتر لاعب في البريميرليج السنة دي قدر يساهم باهداف مع فريقه في كل البطولات ب 35 هدف !
جمهور مانشيستر يونايتد لازم يفتخر ان قائد فريقه هو برونو فيرنانديز ❤️
صفقه ليفربول فلوريان فيرتز
صفقه ليفربول فلوريان فيرتز
كاس العالم برعايه البرازيل حتى الان
كاس العالم برعايه البرازيل حتى الان
اول انتصار عربى فى كاس العالم
اول انتصار عربى فى كاس العالم
الاهلى محتاج معجزه للتاهل
الاهلى محتاج معجزه للتاهل
ميسى يقود انتر ميامى للفوز على بورتو
ميسى يقود انتر ميامى للفوز على بورتو
هلال انزاجى بيعمل مباراه تاريخيه
هلال انزاجى بيعمل مباراه تاريخيه
اكرام راينرز مهاجم صنداونز
اكرام راينرز مهاجم صنداونز
بونو اعظم حارس افريقى
بونو اعظم حارس افريقى
ارسنال اتفق مع السلوفينى بنجامين
ارسنال اتفق مع السلوفينى بنجامين
عمر السومه فخر كرة القدم السوريه
عمر السومه فخر كرة القدم السوريه
اترك تعليقاً