ديمبيلي اهم وأقوى مدافع لباريس
حكايه حقيقى كان في فيديو متداول للويس انريكي مع امبابي في اخر فتراته مع باريس
وده كان في احدي حصص individual analysis video،تحليل الفيديو للإداء الفردي للاعب ؛
لويس انريكي خلال الفيديو كان بيعنف امبابي بشكل كبير وده بسبب تكاسل اللاعب في الضغط وكان بيطالبه بشكل مستمر
أن هو يضغط بشكل شرس وان هو لازم يكون قدوه لباقي الفريق..
وخلال الفيديو انريكي قال جملة عظيمه جدا ل امبابي :
انا اعلم انك افضل مهاجم لكن ده ذلك ليس كافي،انا اريدك أيضا أن تكون افضل مدافع في الفريق
” انريكي كان بياكد هنا علي أن دوري المهاجم الدفاعي لا يقل أهمية عن دوره في تسجيل الأهداف …
علشان بعدها نشوف نسخة الكائن الديمبلي،اقوي نسخه تكتيكيه اللاعب منذ ظهوره
انريكي قدم نسخه مختلفه بشكل كامل نسخة المهاجم الوهمي ال بيخلق مساحات وبيقدر يلينك اب مع الفريق
ويربط الخطوط ويتحرك في ضهر وسط ملعب الخصم،غير كده هو خلق نسخه أكثر شراسه في الضغط..
ديمبيلي هو أول مدافع للفريق واقوي مدافع كمان،حجم عمليات الركض ال بينفذها اللاعب مهول
عدوانية في الضغط بشكل مخيف قدره رهيبه علي توجيه اللعب وصغط بشكل سريع بيجبر اللاعب علي الارتباك أو التصرف بشكل سريع بدون تفكير
استغلال ال cover shadow في غلق مسارات التمرير ….
قدر رهيبه علي إفساد محاولات الخصم في الخروج بالكره
هو اكيد منظومة الفريق بشكل كامل مميزه في الضغط لكن لو مش موجود مهاجم بينفذ حجم المجهود ده
بدون كره في عمليات الضغط كان هيحصل خلل للفريق بشكل كامل ….
الراجل الجميل اللي واقف جنب لويس انريكي و اللي بيحضنه جواه نيفيز ده اسمه
” لويس كامبوس ” و هو المدير الرياضي لنادي باريس ، طب ليه هو بطل القصة ، تعالي احكيلك 👇
كامبوس لما وصل 27 سنة قرر يدخل مجال التدريب
مدرب شاب و طموح و لكنه فشل لانه هبط مع كل الفرق اللي دربها في البرتغال ، هبط 3 مرات مع 3 انديه لدرجة ان الجماهير كلها كانت بتتريق عليه !
كامبوس قرر يسيب التدريب خالص و عمل حاجة مبهره ، اسس شركه اسمها ” Training to play ” و دي شركه بتوفر المعدات
و البرامج التكتيكية و قدر وقتها يبتكر لوحه تكتيكيه
لجوزيه مورينيو و من وقتها اصبحوا اصدقاء !
الجميل في كامبوس انه قدر يدرس و يتعلم و جمع بين مهن كتير في اللعبه ، يعني كامبوس مدرب و محلل اداء
و مدير رياضي و عنده موهبه فذه في اكتشاف المواهب !
و ده اللي خلي مورينيو ياخد معاه كامبوس في ريال مدريد
كمحلل اداء و كشاف مواهب في 2010
و حرفيا ابهر كل العاملين في ريال مدريد بتفاصيل شغله !
يعني كامبوس كان بيراقب المواهب من خلال السفر حكايه حقيقى
و الجري وراهم في الملاعب ، حاله مكنش مستقر بسبب كدة لدرجة انه كان بيعيش في فنادق ، طب ليه بيعمل كدة ؟
عشان كامبوس كان بيدخل جوة حياه اللاعب مش موهبته بس ، كان بيراقب سلوك اللاعبين في التسخين قبل المباراة
لو كان اساسي أو اثناء المباراة لو كان بديل ، ده غير مراقبه سلوكيات اللاعب لو كان بديل و فريقه خسران ، تفاصيل التفاصيل حرفيا !
كامبوس بعد كدة راح موناكو في 2013 و اشتغل مدير رياضي و تخيل قدر يجيب كل المواهب دي لموناكو 👇
جيمس رودريجيز
راداميل فالكاو
كيليان مبابي
بيرناردو سيلفا
فابينيو
مارسيال
باكايوكو
كل دول جم بمبالغ لا تذكر ، اللي جه ب 8 مليون و 12 مليون و اتباعوا في النهاية ب 40 و 50 مليون يعني نجاح اقتصادي مبهر !
و كانت النتيجة ان موناكو وقف هيمنه باريس و كسب الدوري الفرنسي في 2017 و وصلوا الي نصف نهائي دوري ابطال اوروبا في نفس السنه !
كامبوس بعد كدة راح ليل الفرنسي في 2017 و اشتغل مدير رياضي و تخيل قدر يجيب كل المواهب دي ل ليل 👇
نيكولاس بيبي : 9 مليون و اتباع ب 80 مليون
فيكتور اوسيمين : 22 مليون و اتباع ب 70 مليون
رافاييل لياو
انور الغازي
جوناثان بامبا
زكي شيليك
ريناتو سانشيز
حكايه ممتعه حقيقى
و كانت النتيجة ان ليل وقف هيمنه باريس و كسب الدوري الفرنسي في 2021 و ليل ربح من بيع اللاعبين حوالي 43 مليون يورو !
عشان ريال مدريد بنفسه يبقي عايز كامبوس كمدير رياضي لكن باريس قدر يحصل عليه في النهايه عشان يجيبلهم كل المواهب دي 👇
فيتينيا
نونو مينديز
جواه نيفيز
فابيان رويز
باتشو
كفاراتسخيليا
ديسري دوي
و لاول مرة ناصر الخليفي ميتدخلش في شئ رياضي و يسيب كامبوس يشتغل بالتوازي مع لويس انريكي
و ينتجوا لينا افضل فريق بيلعب كرة قدم في العالم ، بدون صفقات جلاكتيكوس و بدون نجوم عندهم ايجو
كسبوا اول ثلاثيه في تاريخهم ، الدوري و الكاس و دوري ابطال اوروبا !
لويس كامبوس ، رجل المشاريع الاول في عالم كرة القدم ❤️
عارفين ليه انا بحب اشرف حكيمي ؟
لان قصته مليانه معاناه و ظروف صعبه جدا !
ده لاعب والده و والدته شقيوا و تعبوا عشانه جدا ، تخيل والدته اشتغلت في تنظيف المنازل و والده كان بائع متجول
كل ده عشان اشرف يقدر يتمرن كورة !
طب عارف يعني ايه بعد التعب ده كله يوصل لنادي بحجم ريال مدريد و يطلع اعاره ل دورتموند و بعدين يستغنوا عنه !
طب عارف يعني ايه يروح انتر و يعمل معاهم موسم كبير و بعدين يمشوه عشان الفريق عنده ظروف اقتصاديه و عايز يستفيد منه ماديا ، مسيره كلها عدم استقرار !
اشرف حكيمي النهاردة بيحصد نتيجه سعيه و تعبه و تعب اهله
النهاردة بيدخل التاريخ في كرة القدم من اوسع ابوابه عن جداره و استحقاق ! 👇
بطل الثلاثيه مع باريس !
اول لاعب عربي يكسب دوري ابطال اوروبا مع فريقين مختلفين !
اكتر مدافع في تاريخ دوري ابطال اوروبا ساهم باهداف في موسم واحد ب 9 اهداف !
سجل اهداف في ربع و نصف و نهائي دوري ابطال اوروبا و سجل في نهائي كاس فرنسا !
اول لاعب مغربي يسجل هدف في نهائي دوري ابطال اوروبا !
اشرف حكيمي مش فيلم سينمائي بنحكي سيناريوهاته الخياليه
لا ده واقع ، حكايه شاب كسر الحيطه بدماغه و داس علي كل الظروف الصعبه و صمم علي النجاح لاجل تعب و شقي اهله عشانه ، اقوي حافز في حياتك هو والدك و والدتك !
اشرف حكيمي بيجسد حكايه كل شاب عربي بسيط 🇲🇦❤️
موجود في كل مكان في الملعب !
بيلعب ظهير و جناح و لاعب وسط و مهاجم !
بيعمل ادوار مركبه لا حصر لها باتقان غير عادي !
سجل هدف في نهائي دوري ابطال اوروبا و قرر ميحتفلش امام انتر فريقه السابق بكل احترام و اخلاق !
التاريخ هيذكر ان اكتر مدافع ساهم باهداف في موسم واحد في دوري ابطال اوروبا هو اشرف حكيمي ب 9 اهداف !
التاريخ هيذكر ان اول لاعب مغربي و تالت لاعب عربي سجل في نهائي دوري ابطال اوروبا هو اشرف حكيمي !
موسم تاريخي ، موسم عظيم ، اشرف حكيمي هو الفخر الاول ل كرة القدم المغربيه 🇲🇦❤️
من فريق خسر من ارسنال و اتليتكو مدريد و بايرن ميونيخ
في بدايه البطولة و علي وشك الخروج من دوري ابطال اوروبا من دور المجموعات !
الي فريق بيتحول 180 درجة و بيكسب مانشيستر سيتي 4 و بيكسب ليفربول و استون فيلا
و ارسنال و بيكتسح انتر في النهائي بخماسيه نظيفه و بيكسب البطولة !
بدون ميسي ، بدون نيمار ، بدون مبابي ، صنع فريق متكامل و مثالي ، صنع نظام من خلاله اصبح لاعبيه هم الافضل في العالم !
الراجل ده اتقال عليه مدرب فاشل و اتريقوا عليه و قالوا ميكانيكي عشان خرج بدري من كاس العالم
قرر يرتاح بعدها 7 شهور و غير من افكاره و شخصيته !
رجع مسك باريس عشان يصنع اقوي فريق في العالم و يجيبلهم النهاردة اول دوري ابطال اوروبا و اول ثلاثيه في تاريخهم !
لاجل ابنتك xana الذي قلت انها ستحضر بروحها !
للتاريخ يا انريكي ، للتاريخ يا اعظم مدرب في تاريخ باريس 💙
نطاق الرياضة
- جميع أخبار الكره الاردنيه اليوم
- صفقه ليفربول فلوريان فيرتز
- كاس العالم برعايه البرازيل حتى الان
- اول انتصار عربى فى كاس العالم
- الاهلى محتاج معجزه للتاهل
اترك تعليقاً