احد افضل صناع اللعب في الدوري

الاحصائيه اللي قدامك دي هتخليك تدرك اكتر قيمه اللي عملوا محمد صلاح في الدوري الانجليزي !

منصه سكواكا نزلت النهاردة ترتيب اكتر 10 لاعبين صنعوا فرص محققه للتسجيل في الدوري الانجليزي من موسم 2016 / 2017 حتي الان ، يعني في اخر 10 سنين !

المفاجأه بقي ان محمد صلاح هو التاني ب 146 فرصه تحت ملك صناعه اللعب كيفين دي بروين ، و المفاجأه الاكبر ان القائمه تواجد فيها ظهيرين و هما ارنولد و روبيرتسون في المركز الرابع و السادس بمجموع 210 فرصه ، اكبر اثبات ان يورجن كلوب صنع فريق عظيم بمعني الكلمه !

الملهم بقي في رقم صلاح انه قدر يطور من نفسه و يتكيف مع تغيير خط هجوم الفريق ، يعني في البداية كان مهاجم طرفي سريع بيهاجم المساحات و بيسجل اهداف كتير ، و لما فيرمينو و ماني مشيوا ، صلاح قدر يتحول الي صانع العاب الفريق و يصنع فرص من عرضيات و بينيات ل لعيبه حركيه زي جوتا و نونيز ، قدر يخدم الفريق مش بس يتخدم عليه !

صلاح مش بس ترك الدوري الانجليزي كرابع هداف تاريخي للدوري

ده كمان ساب بصمه تاريخيه كاحد افضل صناع اللعب في الدوري ، مسيره اسطوريه لن تنسي ابدا

sportnews.it.com