اكتر مدرب خذل جماهيره بدون مبالغه

مفيش كلام يتقال غير ان توماس توخيل يستحق جدا الخروج من كاس العالم !

انجلترا حرفيا مقدمتش اي حاجة في كاس العالم ده ، مدرب قرر ب ارادته ميستدعيش ارنولد و ادم وارتون و فودين و بالمر و كل اللعيبه اللي بتعرف تلعب كورة بجد و استدعي مكانهم لعيبه عتالين بتوع دفاع و التحامات ملهمش اي علاقه بالكورة اصلا !

فكانت النتيجة ان انجلترا معرفتش تلعب قصاد التكتلات ، عملت اداءات فضيحه امام غانا و المكسيك و النرويج و الارجنتين و كل فريق اخد في انجلترا نصيب كبير اوي حتي الكونغو اخدت نصيب و كانت هتخرجهم ، هو بس الحظ اللي كان ماشي اوي مع توخيل لدرجة ان انجلترا في المركز 36 من اصل 48 في الاهداف المتوقعه عليهم !

و النهاردة امام الارجنتين كانت فضيحه توخيل الكبيره ، سجل هدف عشوائي و بعدها رجع يدافع 35 دقيقه كامله و ب 6 مدافعين ما هو اللعيبه اللي واخدها ده اخرها ، راح سكالوني منزل مونتيل يثبت سبينس و فتح لميسي مواقف فرديه امام اورايلي و كثف المنطقه ب لاوتارو و الفاريز و ماك اليستر و جونزاليس ، نفس اللي عملوا امام مصر بالظبط عشان يعمل شوط عظيم و يكسب بشكل مستحق !

توخيل لا منه لعب كورة ف عرف يسوق نفسه للانجليز ولا منه كسب كاس العالم بالاسلوب الع قيم ده ، اكتر مدرب خذل جماهيره بدون مبالغه !

أسوأ إدارة جيم شوفتها كانت انهارده من توخيل.

كل حاجة غلط اتعملت في المباراة، مشفتش دفاع مبالغ فيه بالشكل ده. بقى ضد 4 خصوم ميسي، والأرجنتين، وتبديلاته وإدارته للجيم.

يا راجل تقف Low Block بالمبالغة دي مش طبيعي أبدًا.

الأرجنتين خلقت عليك بدل الفرصة 3 و4 و5، وبرضو متعلمتش. وتبديلات دفاعية ورا بعض ومن الدقيقة 72 ومع ذلك مقدرش يصمد أمام عرضيات الأرجنتين لحد ما التعادل جه، وبعدها التاني ليه كل ده من الأساس.

رغم إن توخيل ليه مباريات كتير كان مميز جدًا في إدارتها، لكنه النهارده أخطأ، بل كان واحد من أسباب الهزيمة، ومش بعيد نسمع خبر الإقالة.

عارف اللي مخليني مستغرب؟ إن قائمة إنجلترا دي تقدر تلعب جيم تكتيكي كبير جدًا، وعندها جودة أفراد مميزة.

يعني مش منتخب إمكانياته أقل عشان يعتمد على الدفاع والتحولات. لا، إنت معاك بالفعل جودة أفراد، بل فيه مراكز معينة متفوق على الأرجنتين، ومع ذلك اخترت السيناريو الغريب ده.

خسارة مستحقة!

sportnews.it.com