تصدي ايقوني هيتحفر في كتب تاريخ كاس العالم

انا حقيقي مش عارف اتجاوز التصدي الاعجازي اللي عملوا النهاردة علي رضا حارس منتخب اير ان امام منتخب بلجيكا !

انت متخيل ان علي رضا كان واقع علي الارض و فاقد توازنه تماما و قصاده دي كيوبر لاعب بلجيكا بيسدد الكرة من السته يارده و المرمي فارغ ، يعني مليون في المئه هدف !

المبهر بقي ان علي رضا و هو علي الارض فرد دراعه الشمال علي الاخر و شال الكرة و انقذ منتخبه من الخساره ، ده غير انه عمل 7 تصديات و كسب رجل المباراة !

المبهر اكتر بقي ان علي رضا و هو صغير كان راعي غنم و كان بيحلم يلعب كورة لكن والده رفض و خلاه يشتغل عامل في مصنع ملابس لكنه كان عنيد و لعب لعبه اسمها دال باران و دي عباره عن رمي الحجاره لمسافات طويل و المفاجأه انه في كشاف في نادي نفط طه ران اعجب بقدراته و ضمه للنادي !

عشان النهاردة علي رضا يعمل 13 تصدي امام نيوزيلندا و بلجيكا و يتسبب في نقطتين غاليين لمنتخب اي ران و كمان يعمل تصدي ايقوني هيتحفر في كتب تاريخ كاس العالم ، المجد للحالمين

sportnews.it.com