روبيرتو مارتينيز مدرب منتخب البرتغال

مفيش سبب ممكن يخلي البرتغال متكسبش كاس العالم غير مدربهم روبيرتو مارتينيز فقط !

منتخب البرتغال لعب النهاردة مباراة وديه مع منتخب تشيلي و فاز بنتيجة 2 / 1 بعد خناقه كبيره حصلت في الشوط الاول اتطرد بسببها رافاييل لياو و بالمناسبة ده لاعب صعب تحط فيه ثقتك بالكامل !

منتخب البرتغال معاه تشكيلة تخليه مرشح ل كاس العالم عادي ، يعني تخيل كدة تبدأ ب رباعي وسط زي فيتينيا و نيفيز و برونو و بيرناردو و تفتح الخط اليمين ب كانسيلو و توظف نونو مينديز في الداخل يفضي مواقف فرديه و مساحات ل رافاييل لياو و معاك رونالدو في الهجوم !

كمان الدكه فيها عمق كويس حتي لو مش اقوي جوده في السوق ، جيديش مهاجم جيد جدا ، جواو فيليكس ، ترينكاو ، بيدرو نيتو ، كونسيساو ، ماتيوس نونيز ، جونزالو راموس ، روبن نيفيز !

المشكله كلها في روبيرتو مارتينيز اللي البرتغال بتعاني معاه في قله الحلول التكتيكيه خلال الاستحواذ و كمان الضغط العكسي مش حاد و كان سهل علي تشيلي تعمل عليهم تحولات

البرتغال بالجوده دي كانت تستاهل مدرب افضل !

sportnews.it.com