انريكي ريكيلمي رئيس نادى ريال مدريد

انريكي ريكيلمي اول ما شاف فلورنتينو بيريز امبارح و هو بيعلن عن اغلي صفقه في تاريخ ريال مدريد و اخبار اوليسيه اللي نزلت النهاردة راح اعلن عن مفاجأه كبيره النهاردة !

ريكيلمي قال لو كسبت في الانتخابات هروح اتفاوض مع يورجن كلوب تاني يوم علي طول و هقنعه انه يكون مدرب الفريق الموسم الجاي ، بالمناسبه كان بيتكلم بكل ثقه !

كدة كل مرشح قدم مشروعه لاعضاء و مشجعين نادى ريال مدريد ، بيريز قالهم هجيب مورينيو و دومفريس و كوناتيه و هدفع 150 مليون يورو و هجيب اغلي صفقه في تاريخ النادي !

ريكيلمي بقي قالهم هجيب كلوب و هالاند و رودري و اخد في صفه اساطير الفريق ، هيخلي راوول مدير رياضي ، هييرو مسئول عن الاكاديميه ، و هيشوف لكاسياس شغلانه كمان ، كان ناقص يجيب رونالدو و زيدان و روبيرتو كارلوس !

كلها يومين و هنعرف مين هو رئيس ريال مدريد ” و هنشوف وقتها اذا كانت وعود حقيقيه ولا مجرد كلام في الهوا عشان التصويت

فلورنتينو بيريز طلع بيشتغلنا كلنا امبارح !

بيريز امبارح قال انه هيدفع 150 مليون يورو و هيتعاقد مع اغلي صفقه في تاريخ ريال مدريد و الصفقه دي مش هتكون هالاند و هاري كين و اوليسيه ، الكل وقتها افتكر هيبقي لاعب وسط زي فيتينيا و ده اللي محتاجه الفريق !

فابريزيو رومانو بقي نزل مفاجاه النهاردة بتقول ان اللاعب اللي هيتعاقد معاه بيريز هو اوليسيه لانه وقع في غرام طريقه لعبه في مباراة بايرن ميونيخ و ريال مدريد الاخيره و ان مستحيل بيريز ياخد من باريس لعيبه زي فيتينيا و نيفيز !

طبعا اوليسيه جناح يمين عظيم و ريال مدريد معندوش ده ، و لكن الصفقه دي عشان تتحسم هتاخد وقت كبير جدا و هتطول و اساسا بايرن ميونيخ مش موافق يبيع حتي لو اتعرض عليه 200 مليون و ده حسب كلام اولي هونيس الرئيس الشرفي !

القلق كله انك تضيع وقت الميركاتو كله في الصفقه دي و كمان هترمي فيها فلوس كتير و لو حسمت صفقه اوليسيه و دخلت الموسم بدون لاعب وسط ريجيستا و مدافع و مهاجم كدة انت محلتش مشاكلك و هتطلع بموسم صفري تالت علي التوالي !

sportnews.it.com