ياسين براهيمي واحد من اعظم اللاعبين العرب في التاريخ

اللي عملوا النهاردة ياسين براهيمي امام السد القطري في نهائي كاس امير قطر هو المعني الحرفي للكمال الكروي !

الغرافه القطري فاز النهاردة علي السد برباعيه مقابل هدف و توج رسميا ب كاس امير قطر للمرة التاسعه و كل ده حصل بفضل العبقري الجزائري ” ياسين براهيمي ” صاحب ال 36 سنة !

انا عايزك تتخيل معايا ان براهيمي ساهم بال 4 اهداف ، في الهدف الاول كسر الضغط بتمريره سحريه ، في الهدف التاني قاوم الضغط و بعدها كسر الضغط بتمريره و بعدها عمل سبرينت مرعب و سجل الهدف بنفسه !

اما بقي الهدف التالت ف براهيمي راوغ مدافع السد بالكعب و بعدها سدد عشان الكرة تعدي كوبري من المدافع و تدخل المرمي ، و هو برضه اللي سجل الهدف الرابع ، هاتريك تاريخي بكل معني الكلمه !

المدهش بقي ان الغرافه اشتري براهيمي ببلاش و قدر يساهم ب 63 هدف في 60 مباراة في الدوري و جابلهم بطولة الكاس النهارده بهاتريك اسطوري في عمر ال 36 ، واحد من اعظم اللاعبين العرب في التاريخ

sportnews.it.com