بارا سابوكو نداى خريج اكاديميه غامبيونس ستارز

الصورة اللي قدامك بتحكي عن قصة كروية في منتهي الجمال و بتعرفك المعني الحقيقي للاداره الرياضيه !

اللاعب اللي واقف جنب كومباني ده اسمه ” بارا سابوكو نداي ” و ده يا سيدي لاعب وسط سنغالي عنده 19 سنة ، طبعا انت بتسأل دلوقتي هو مين ده و ازاي وصل الي بايرن ميونيخ اصلا ، تعالي ابهرك بالقصة !

نداي في الاصل هو خريج اكاديميه غامبيونس ستارز افريقا و دي اكاديميه في غامبيا عامله شراكه من 2023 مع مشروع اسمه ” ريد اند جولد فوتبول “

و المشروع ده مشترك بين نادي بايرن ميونيخ و نادي لوس انجلوس ، و الهدف منه هو رعاية المواهب الشابة و تطويرها علي المستوي الرياضي و الشخصي !

الجميل بقي ان بايرن ميونيخ في شهر اغسطس اللي فات لعب مباراة وديه مع نادي جراسهوبر السويسري

و نداي شارك في المباراة دي مع جراسهوبر و عمل وقتها مباراة كبيره عشان يعجب مسئولين بايرن ميونيخ و يتعاقدوا معاه كاعاره من 3 شهور !

المبهر بقي ان نداي لعب امبارح اول مباراة مع بايرن ميونيخ امام سان باولي ، يدوب لعب 6 دقائق عمل فيهم 3 مراوغات و كسب 6 ثنائيات ،

من 4 شهور كان في غامبيا و النهاردة في بايرن ميونيخ ، كرة القدم التي نحبها

sportnews.it.com