مشاهد تاريخيه عظيمه

الواحد اول ما شاف المشهد ده افتكر كميه ذكريات في منتهي الجمال حقيقي !

المشهد اللي قدامك ده حصل النهاردة في مباراة ريال مدريد و جيرونا في الدوري الاسباني ، رابطه الدوري قررت تعمل مبادره تسويقيه و تاريخيه في الجولة رقم 31 و سموها جوله الريترو !

في الجوله دي هتشوف فيها الانديه و الحكام بيلبسوا تيشيرتات كلاسيكيه قديمه ، هتشوف فيها هويه بصريه قديمه في البث التلفزيوني و لوحه النتيجة ، هتشوف كمان شعار الليجا الاشهر في التاريخ !

مشاهد تاريخيه عظيمه اول ما تشوفها تفتكر علي طول زمن رونالدو و ميسي و رونالدينيو و زيدان ، ايام العز اللي كانت مليانه كرة قدم نضيفه و ممتعه و تنافسيه !

كلنا هتلاقينا بنحن للايام دي مش بس عشان بتفكرنا باساطير اللعبه ، لكن عشان الانسان بطبعه لما بيكبر عاطفته بتروح ناحيه الذكريات و الاشياء اللي اتربي عليها و اتعود يعملها و هو صغير ،

نسخه الليجا دي حقيقي واحشانا بكل تفاصيلها

اللي حصل النهاردة في مباراة ريال مدريد و جيرونا بيقولك ان برشلونة حسم لقب الدوري رسميا !

انا حقيقي مشوفتش رعونه في حياتي قد اللي بشوفها دلوقتي في ريال مدريد ، يعني دياز و فينيسيوس و مبابي و فالفيردي و بيلينجهام كلهم مايلين للشمال

و مفيش حد فيهم عايز يبقي مهاجم و سايبين كارفاخال لوحده في اليمين علي اساس انه يامال يعني و هيرقص كل مدافعين جيرونا لوحده ، بجد منظر مضحك !

ده غير شكل الضغط بقي ، بيلينجهام و كامافينجا في العمق و دياز جناح ايسر ، لعيبه جيرونا فضلت تلعب كورة بين الخطوط لحد ما زهقوا و لعيبه ريال مدريد بتتفرج عليهم ، فكانت النتيجة ان جيرونا سجلوا هدف التعادل عبارة عن فضيحه !

كل ده بقي كوم و انهاء الهجمات كوم تاني ، ولا لاعب عارف ينهي الهجمه ، مبابي بيقلش الكورة و ضيع ييجي 3 فرص ، باقي اللعيبه بتسدد في نص المرمي ، اللي هو انتوا بتلعبوا في ريال مدريد علي اي اساس !

الدوري خلاص اتحسم لصالح برشلونة اللي لو كسب اسبانيول بكرة هيوسع الفارق الي 9 نقاط و تخيل ان

برشلونة هيكسب اتنين دوري علي التوالي و هو بيعاني ماديا ، فضيحه لريال مدريد حرفيا !

sportnews.it.com