شخصيه جبروت و هو لسة 18 سنة !!!

بعيدا بقي عن هزيمه برشلونة من اتليتكو مدريد ، فالواحد حقيقي مش قادر يتجاوز من امبارح اللقطه العبقريه اللي قدامك دي !

اللي عملوا يامال هنا ده خيال علمي بجد ، دخل علي 3 مدافعين دفعه واحده لقاها مقفوله و لوكمان بيضغط عليه ، راح لف بالكرة لبرة عشان ياخد لوكمان في ضهره و يصنع مسار لعب جديد !

بعدها شاف نفس ال 3 مدافعين محاوطينه من كل مكان ، راح اتجنن عليهم حرفيا ، راوغ الاول للداخل ، سند الكرة بشماله عشان يحتوي ضغط لوكمان ، غير اتجاه اللعب بيمينه و راوغ التالت و عدي من بينهم كلهم

3 لمسات حصلوا في فيمتو ثانيه ، خيال علمي بكل معني الكلمه !

الشئ المدهش بقي ان لو عملنا استثناء لميسي ، فتخيل معايا ان لامين يامال هو تاني و رابع اكتر لاعب عمل مراوغات صحيحه في مباراة واحده في دوري ابطال اوروبا

14 مراوغه امام انتر ، 9 مراوغات امام اتليتكو ، شخصيه جبروت و هو لسة 18 سنة !!!

عشان كدة هانز فليك بعد المباراة قال انه بيحب نوعيه لامين يامال لانه السبب الرئيسي ان الجمهور يروح الاستاد عشان يتفرج علي كرة قدم حقيقيه

وبعيدا عن برشلونه ولكن مازلنا فى دورى الابطال ومباراه باريس سان جيرمان مع ليفربول في دوري ابطال اوروبا

المشهد اللي قدامك ده فعلا يزعل جدا !

ارني سلوت مدرب ليفربول قرر النهارده يقعد محمد صلاح علي الدكه امام باريس سان جيرمان في دوري ابطال اوروبا و نزل بتشكيل مكون من 5 مدافعين و من اول المباراة فضل يدافع !

الشئ المضحك بقي ان سلوت قبل المباراة قال انه بالتشكيل ده يقدر يعمل حاجات كتير و هتشوفوا ده ب عينيكوا ، فكانت النتيجة ان باريس اكتسح ليفربول و فازوا بثنائية نظيفه لدرجه ان ليفربول مسددش اي كورة علي المرمي اصلا !

اللي يزعل بقي هو المشهد ده ، سلوت خلي صلاح يقوم يعمل احماءات 3 مرات و كان الطبيعي انه ينزلوا عشان يسجل هدف علي الاقل ، راح منزلش صلاح اصلا في المباراة و نزل مكانه ايزاك اللي كان مصاب و ملعبش بقاله 4 شهور عشان ميتقالش انه كان غلطان من البدايه !

عايز تقول ان صلاح مستواه نزل السنة دي مفيش مشكلة ، لكن لما تشوف فان دايك و ماك اليستر و جاكبو و جرافينبيرخ و كل الفريق مستواه وقع برضه ، وقتها تعرف ان

الكره الافريقية ليفربول دخل الموسم بدون مدرب اصلا !

sportnews.it.com