النصر عنده فرصه ذهبيه حرفيا انه يكسب الدوري
في وسط ما كنا منشغلين امبارح بمباريات دوري ابطال اوروبا ، كان الهلال السعودي و الاهلي السعودي بيقدموا هدايا عظيمه جدا لنادي النصر !
اللي حصل بالظبط ان الهلال و الاهلي لعبوا مباراتين في الدوري في نفس الجوله و كل فريق منهم اتعثر في مباراة ، الهلال تعادل مع التعاون ، الاهلي تعادل امبارح مع الفيحاء !
النتائج دي غيرت شكل الدوري و خدمت النصر بشكل كبير لان النصر حاليا متصدر بفارق نقطتين عن الهلال و عن الاهلي بفارق 4 نقاط و الفريقين لعبوا مباراة زياده عن النصر !
الجميل بالنسبة للنصر بقي انه هيلعب مباراتين الجوله دي امام الاخدود و الاتفاق ، بينما الهلال و الاهلي مش هيلعبوا اصلا ، النصر بقي لو فاز في المباراتين دول هيتصدر مؤقتا بفارق 8 نقاط عن الهلال و 10 نقاط عن الاهلي و هيتبقي 5 مباريات فقط !
وعندما تاتى سيره النصر طبعا لا ننسى كرستيانو رونالدو وبمناسبه ماتش الريال والبايرن
لما بتيجي سيره مباراة ريال مدريد و بايرن ميونيخ مبفتكرش غير المشهد الايقوني اللي قدامك ده !
المشهد ده كان من 9 سنين ، ايوة متتخضش كان في 2017 ، و برغم ذلك بالمشهد ده انا فاكره بكل تفاصيله ، بنزيما استلم الكرة و حجز ب ضهره ، مرر ل رونالدو اللي استلم الكرة بقدمه البعيده و راح خطوتين للبعيده و نوير اتحرك معاه نفس الخطوتين !
اللي حصل بقي ان رونالدو عمل مفاجأه لنوير و سدد عكس اتجاه الاستلام تسديده وصلت سرعتها الي 200 كم في الساعه ، خلاص تسديده ملهاش اي رد فعل اساسا ، 100% هدف !
الشئ المرعب بقي ان نوير عمل اسرع رد فعل ممكن تشوفوا عينك ، فرد دراعه القريب من الكرة زي الاخطبوط و شال التسديده بدراع واحده بدل ما الكرة تاخد ايده و تدخل الشبكه من كتر قوتها و سرعتها ، تصدي اسطوري طالع من اينيمي كابتن ماجد !
و علي سيره كريستيانو رونالدو ، فالراجل ده لعب امام بايرن ميونيخ 8 مباريات و ساهم ب 10 اهداف ، سجل ثنائيه 3 مرات و سجل هاتريك مرة و امام برايم افضل حارس في تاريخ كرة القدم ،
ملك دوري ابطال اوروبا الاول و الاخير
النصر عنده فرصه ذهبيه حرفيا انه يكسب الدوري
النصر عنده فرصه ذهبيه حرفيا انه يكسب الدوري
اترك تعليقاً