كومباني هو اول مدرب يفوز علي ريال مدريد
اللي حصل النهاردة في مباراة ريال مدريد و بايرن ميونيخ دي ملحمه بمعني الكلمه !
كومباني عمل شوط اول عالمي حرفيا ، قرر يستحوذ برتم بطئ جدا عشان يحتوي تحولات ريال مدريد ، دخل لايمار في الداخل عشان يسحب فالفيردي عشان يفتح موقف فردي ل دياز امام ارنولد ، تبادلات مركزيه مش بتقف ، هيمن علي الشوط كله و خرج متقدم بهدف !
في الشوط التاني بقي لاعبي بايرن ميونيخ ارهقت تماما بسبب ضغط الرجل ضد رجل ، اربيلوا وقتها نزل دياز و بيلينجهام و رفع الرتم و لعب تحولات مباشره خلف دفاعات بايرن ميونيخ لكن فينيسيوس و مبابي ضيعوا الفرص و نوير قدم اداء اسطوري في التصديات !
مباراة تبص علي شوطها الاول تقول بايرن ميونيخ يسجل هدفين مرتاح لكن كانوا بيعملوا كل حاجة صح و ينسوا اللمسه الاخيره ، و تبص علي شوطها التاني تقول ريال مدريد يسجل هدفين مرتاح ، لكن مبابي و فيني نسيوا الفينيش و نوير عقدهم في عيشتهم !
اللي عملوا مانويل نوير النهاردة امام ريال مدريد ده اعجاز بالمعني الحرفي !
انت عارف يعني ايه حارس مرمي عنده 40 سنة عمل 9 تصديات بحالهم و خلي فريقه يكسب ريال مدريد و في قلب البرنابيو و كمان كسب جائزه رجل المباراة ، اي شخصيه و اي جبروت !
الراجل ده كان كابوووس حقيقي لريال مدريد ، في الشوط الاول شال فرصتين من مبابي منهم انفراد و شال تسديده من فينيسيوس ، عشان تكون النتيجة ان بايرن ميونيخ يسجل هدف و يخرج متقدم !
الاعجاز كله بقي كان في الشوط التاني ، قفل علي فينيسيوس كل زوايا التسديد و خلاه يضيع الانفراد ، تصدي لفرصه من مبابي ، حتي في هدف مبابي شال الكرة من السته يارده ، و الجبروت اخدوا انه يلعب ليبرو في اخر 5 دقائق و منع انفرادين لريال مدريد !
لكثير حول مانويل نوير ، و القليل مع مايكل اوليسيه اللي كالعاده بيقدم تحف فنيه و مبياخدش حقه ابدا !
لو عملنا استثناء ل نوير ، ف مايكل اوليسيه هو افضل و امتع و اقوي لاعب في مباراة بايرن ميونيخ و ريال مدريد ، الراجل ده من كتر حرفنته عمل كل حاجة في الكورة النهاردة !
لعب جناح خط و اكل كاريراس في كل المواجهات ، و لما جنابري كان بيروح جناح مكانه كان بينزل كصانع العاب بين الخطوط و يبدع في المساحات الضيقه ، كان قائد حقيقي لكل هجمه عملها بايرن ميونيخ
مراوغات ؟ هو الاكتر ب 4 مراوغات ، ثنائيات ؟ هو الاكتر ب 10 ثنائيات ، كان مرعب لدرجة انه اكتر لاعب كسب فاولات في المباراة ب 5 مرات ، حتي في الهدف اللي صنعه كان ذكي جدا و وقف علي الكرة عشان يسحب لعيبه مدريد حواليه و يفرغ اكبر مساحه ممكن ل هاري كين !
فى الختام كل اللي بيحصل في ريال مدريد حلال
طول ما قرارات اللعيبة بقت فوق أي حد حتي المدرب ، طول ما مفيش نظام ولا حساب للشخص المهمل عمر النادي ما هيشوف النور وهيفضل صفر في كل حاجة
صفر أداء، صفر شخصية، صفر روح.
اللي حاصل ده سببه الأول والأخير فلورنتينو بيريز
رئيس نادي سايب الدنيا ماشية بعشوائية تجنن ومفيش سيطرة
واللاعبين كلمتهم مسموعة و فوق الجميع و النادي قلب حضانة و طبطبه وبنتعامل مع أطفال شخصية الفريق بقت في الأرض بسبب شوية مهرجين.
دلع وإستهتار، وكلهم مزاجنجيه وشلل و قصص مش مفهومة
في النهاية موسم صفري مستحق وده العدل
sportnews.it.com
كومباني هو اول مدرب يفوز علي ريال مدريد
كومباني هو اول مدرب يفوز علي ريال مدريد
اترك تعليقاً