محمد ربيع حريمات يكسب جائزه افضل لاعب

بدون اي مبالغات ، فكرة ان محمد ربيع حريمات يكسب جائزه افضل لاعب في كاس العرب ده اكتر شئ مستحق حصل في البطولة حرفيا !

الراجل ده مسجلش اي هدف ولا حتي صنع اي هدف ، بس اي فرصه كان بيصنعها منتخب المغرب كان اول لاعب بيبصم عليها هو حريمات لدرجه ان دقه تمريره كانت 92% في كل مباراة و دي اعلي نسبه في البطولة !

مش بس كدة ، حريمات كان دايما بينزل مع المدافعين و ينظم الهجمه و كان دايما بيختار انسب مسارات للتمرير و لك ان تتخيل ان حريمات مرر 20 كورة طوليه صحيحه من اصل 27 في البطولة ، ده غير انه في النهائي لمس الكرة 119 مرة و كسب 5 ثنائيات ارضيه من اصل 6 ، لاعب ارتكاز كما قال الكتاب !

الجميل بقي ان حريمات اخيرا تم انصافه ، الراجل ده مخدش فرصه في الفتح الرباطي و طلع اعاره لفريق درجه تانيه اسمه الجمعيه السلاويه و لما رجع من الاعاره اتهمش برضه و استغنوا عنه و باعوه لنادي القنيطري في الدرجه التانيه عشان يثبت نفسه و بجداره و بعدها ب سنه الجيش الملكي يتعاقد معاه و يبقي سبب في فوزهم بالدوري في 2023 و كمان كسب افضل لاعب في الدوري في 2024 !

من 4 شهور كسب جائزه افضل لاعب في امم افريقيا للمحليين ، و النهارده بيكسب جائزه افضل لاعب في كاس العرب ، انصاف عظيم للاعب استثنائي جابها من الصفر لحد وصوله للقمه

محمد ربيع حريمات فخر الصناعه المغربيه

تعالي احكيلك حكايه جميله تخص اسامه طنان لاعب منتخب المغرب !

الصورة اللي تحت دي كانت بتاريخ 18 اغسطس 2023 ، يعني تقريبا من سنتين و تحديدا في مباراة ام صلال و السد في الدوري القطري و دي كانت اول مباراه يلعبها اسامه طنان مع فريقه الجديد ام صلال بعد تجربه غير ناجحه في الدوري التركي !

هتشوف في الصورة دي اسامه طنان بيسدد تسديده من قبل خط الوسط لانه شاف حارس السد متقدم و فعلا سدد تسديده خياليه لكن للاسف الكرة خبطت في العارضه و مدخلتش المرمي !

الجميل بقي ان بعد سنتين و تحديدا امبارح في مباراة المغرب و الاردن في نهائي كاس العرب ، اسامه طنان كرر نفس التسديده دي بالحرف من قبل خط الوسط و المرة دي الكرة دخلت الشبكه عشان طنان يسجل هدف اسطوري هينافس بيه علي جائزه بوشكاش كافضل هدف في السنة !

الاجمل بقي هو احتفال طنان بالهدف ، رفع ايده و شكر ربه علي اللحظه الجميله اللي بيعيشها دي لانه مشاركش مع المغرب في مباريات رسميه من سنه 2017

لحظه للتاريخ يا طنان

المشهد الجميل اللي قدامك ده حصل امبارح بعد تتويج المغرب ب لقب كاس العرب !

قناه الكاس عملت تغطيه شامله لحافله المغرب اثناء طريقها للعوده بعد التتويج و عملوا لقاء مع عبد الرزاق حمد الله الي صدم الجميع ب اعلانه عن اعتزاله الدولي رسميا !

الجميل بقي ان عبد الرزاق حمد الله قال في المقابله انها لحظه سعيده جدا لما تكون بطل في نهايه الرحله عشان عبد الرزاق يتفاجئ ب رد فعل زميله اشرف بن شرقي و هو بيقبل رأسه امام الجميع !

بن شرقي طلع قال ان الكل يعرف من هو عبد الرزاق حمد الله !
عبد الرزاق طلع قال ان بن شرقي كان بيساعدنا كتير بالرغم انه ملعبش معانا !
محمد ربيع حريمات بيقلع شاره القياده و بيديها ل حمد الله عشان يرفع معاه الكاس !

اجمل حاجة موجوده في منتخب المغرب ان كل اللاعبين بيقدروا بعض و سالكين مع بعض ، معندهمش نجم اوحد ، مؤمنين دايما بمصطلح المجموعه و بيلعبوا دايما للمغرب مش لنفسهم و هو ده اساس نجاحهم

sportnews.it.com