ايرلينج هالاند بدون كلام كتير هو افخم عقليه في كرة القدم حاليا

اللي بيعملوا ايرلينج هالاند السنة دي ده شئ مرعب بكل المقاييس !

هالاند النهاردة سجل هدفين في استونيا في تصفيات كاس العالم و اصبح هداف التصفيات ب 14 هدف في 7 مباريات فقط

و بسبب اهدافه دي منتخب النرويج اتأهل اكلينيكيا الي كاس العالم لاول مرة من سنة 1998 !

انا مش عارف اجيبهالك ازاي بس هالاند سجل 30 هدف في الموسم الحالي و احنا يدوب لسة في نوفمبر

و لك ان تتخيل ان هالاند سجل هدف واحد فقط من ركلة جزاء ، اتصدمت صح !

الراجل ده اتقال عليه انه مبيعرفش يعمل حاجة غير انه يسجل اهداف ، راح اشتغل علي نفسه السنة دي و اصبح بيسجل و بيضغط و بينزل يربط مع زمايله و بيخرج كرات ثابته بدماغه و عامل فورمه بالون دور حرفيا !

ايرلينج هالاند بدون كلام كتير هو افخم عقليه في كرة القدم حاليا

كريستيانو رونالدو عاش النهاردة واحده من اصعب الليالي في مسيرته الكرويه !

منتخب ايرلندا كسب منتخب البرتغال النهاردة في تصفيات كاس العالم بنتيجة 2 / 0 عشان يتأجل تأهل البرتغال الي كاس العالم للجوله الاخيره و لازم يكسب عشان يصعد !

السيناريو الصعب بقي ان رونالدو النهارده اتطرد في المباراة و لما جه يخرج من الملعب جمهور ايرلندا فضل يضحك عليه زي ما انت شايف قدامك كدة !

السيناريو الاصعب بقي ان ده اول كارت احمر ل رونالدو في مسيرته الدوليه مع البرتغال ، و كمان دي اخر مباراة هيلعبها رونالدو في تصفيات كاس العالم في مسيرته

اذا تأهلت البرتغال مباشره الي كاس العالم

يعني الطرد هو المشهد الاخير ل رونالدو في تصفيات كاس العالم !

منتخب البرتغال خسر و لسة متأهلش !
مباراة التأهل مش هيلعبها !
اول كارت احمر في مسيرته الدوليه !
اخر مشهد في التصفيات كان كارت احمر !

واحده من اصعب ليالي كريستيانو رونالدو علي الاطلاق الكره الافريقية

sportnews.it.com