منتخب مصر يتأهل رسميا إلى كأس العالم للمره الرابعه فى تاريخيه

فرصه للتاريخ لمحمد صلاح الفتره المقبله مع الفراعنه

يوم 8 اكتوبر مش هيتمحي من ذاكره محمد صلاح ابدا !!!

الصورة اللي فوق دي كانت يوم 8 اكتوبر 2017 ، محمد صلاح بيسجل هدفين في الكونغو و بيصعد مصر الي كاس العالم للمرة التالته في التاريخ !

و النهاردة بعد 8 سنين و في نفس اليوم 8 اكتوبر ، محمد صلاح بيسجل هدفين في جيبوتي و بيكون سبب في صعود مصر الي كاس العالم للمرة الرابعه في التاريخ !

المفارقه الجميله بقي بين الموقفين ان بسبب الاهداف دي صلاح اصبح هداف التصفيات في المرتين و النهارده اصبح هداف تصفيات كاس العالم التاريخي ب 20 هدف !

اللي يزعل فعلا ان محمد صلاح مكسبش اي القاب مع منتخب مصر بالرغم انه ساهم ب 97 هدف في 106 مباراة و سجل اهداف في كل البطولات اللي لعبها

و مصر اتأهلت الي كاس العالم مرتين من اصل 4 في وجوده و كمان فاضله 5 اهداف بس عشان يبقي هداف مصر التاريخي !

محمد صلاح عنده فرصه ان قصته مع منتخب مصر تبقي اسطوريه لو قدر يكسب امم افريقيا الجايه و كمان يبقي الهداف التاريخي للمنتخب ، فرصه للتاريخ يا صلاح

محمد صلاح.. أسطورة حية تُكتب كل صفحة فيها بمجد جديد

النهاردة مش مجرد يوم عادي في تاريخ الكرة المصرية، النهاردة يوم بيرسّخ اسم محمد صلاح كأيقونة خالدة.

الراجل اللي كل ما الزمن يدور، يثبت إن الجيل ده محظوظ إنه عاش يشوفه.من 8 أكتوبر 2017 لحد 8 أكتوبر 2025.

نفس التاريخ، نفس القميص، نفس البطل، ونفس السيناريو، قبل 8 سنين، صلاح سجل هدفين قدام الكونغو وخلى مصر ترجع المونديال بعد غياب طويل،

والنهاردة بيرجع يكرر الإنجاز بهدفين في شباك جيبوتي علشان يقود الفراعنة لمونديال أمريكا 2026 .

وكأن القدر بيأكد إن التاريخ بيتعاد لما يكون فيه صلاح.أرقام صلاح مع منتخب مصر شيء خارق:

‏106 مباراة، 63 هدف، 34 أسيست — يعني 97 مساهمة مباشرة في الأهداف، في كل مباراة بتحس إن الراجل داخل برسالة، بيحارب علشان الشعار، علشان الجمهور، علشان مصر.

وبهدفَيه التاريخيين، صلاح دخل التاريخ من أوسع أبوابه، وأصبح الهداف التاريخي لتصفيات كأس العالم في إفريقيا بـ20 هدفًا، متخطيًا الأسطورة ديدييه دروجبا صاحب الـ18 هدف

رقم مش سهل، رقم بيأكد إنك قدام لاعب مش بس مصري عظيم، لكن أحد أعظم ما أنجبت القارة السمراء.

صلاح مش مجرد نجم عالمي، صلاح بقى رمز.

رمز للجيل اللي بيحلم، وبيكافح، وبيصنع المجد خطوة بخطوة.. قالها في أكتر من مناسبة:

“أنا حلمت أكون هنا، والوصول مكنش صدفة، كل ده تعب وسنين من الشغل.

“، وده بالضبط معنى الأسطورة الحية

مفيش حد في مصر النهاردة حاسس بالفخر زي حسام حسن

الصورة اللي فوق من سنة 1989.. يومها الراجل ده كان سبب فرحة ملايين لما سجل هدف التأهل التاريخي قدام الجزائر بعد غياب 56 سنة عن كأس العالم..

والنهاردة، بعد 36 سنة، نفس الشخص بيكتب الحكاية من جديد — بس المرة دي كـ مدير فني يقود مصر للتأهل رسميًا لكأس العالم 2026

الزمن دار، لكن البطل هو هو.. من هدّاف مصر التاريخي، إلى الرجل اللي رجّع الفراعنة للمونديال بأداء ثابت وبروح ما بتموتش، أكيد في ناس هتقول

“المجموعة كانت سهلة”، بس اللي فاهم كورة يعرف إن مصر قبل كده وقعت قدام المنتخبات الصغيرة أكتر من مرة.الفرق إن المرة دي كنا فريق “بيفوز”، مش “بيأدي كويس”..

وده في حد ذاته نجاح كبير يُحسب لحسام حسن والجهاز الفني بالكامل

دلوقتي المطلوب خطوة كمان

— شغل أعمق، اختيارات أدق، وتحضير قوي لأمم إفريقيا وكأس العالم اللي جايين، المرحلة الجاية مش هتستحمل مجاملات ولا ارتباك

هدفنا لازم يكون الوصول لأبعد نقطة في كأس العالم مش التأهل بس.لكن النهاردة؟ لازم نقف ونحيي التاريخ اللي بيتكتب قدامنا.

الوحيد في تاريخ مصر اللي تأهل لكأس العالم كلاعب ومدرب — الكابتن حسام حسن الكره الاسيويه

مصر في كأس العالم، في لحظة ننتظرها كل أربع سنين… لحظة يكتبها التاريخ بحروف من ذهب، الفراعنة يعودون من جديد

مصر تتأهل إلى كأس العالم للمرة الرابعة في تاريخها!

من أول صافرة في التصفيات، كان الهدف واضح

نروح كأس العالم، ونرفع علم مصر وسط الكبار.

جيل عنده شغف، وعنده حلم، وعنده روح ما بتعرفش المستحيل.من 1934، إلى 1990، إلى 2018

وها هي مصر تكتب فصلًا جديدًا في روايتها مع المونديال.

جيل جديد بيكمل المشوار… وبيأكد إن الكرة في مصر عمرها ما بتموت.المباراة الحاسمة قدام جيبوتي كانت أكثر من مجرد تسعين دقيقة

كانت تسعين سنة من الأحلام، من الصبر، من الشغف اللي عمره ما انتهى.. كل تسديدة، كل تصدي، كل هتاف من الجماهير

كان بيقربنا أكتر من الحلم.اللحظة اللي الكل استناها… صافرة النهاية، والفرحة تعم الملايين في كل شارع، في كل بيت، في كل قلب مصري..

محمد صلاح ورفاقه كتبوا التاريخ من جديد، ورفعوا اسم مصر بين عمالقة العالم.من أول نقطة في التصفيات

لحد آخر ثانية في المباراة، المنتخب ده استحق التأهل، استحق الفخر، استحق إننا نقولها بأعلى صوت: إلى كأس العالم… الفراعنة قادمون

مصر تتأهل إلى كأس العالم رسميا

لأول مرة سيكون الرباعي العربي الإفريقي في كأس ألعالم المغرب والجزائر تونس و مصر

المنتخبات المتأهلة حتى الآن لكأس ألعالم ، من المنتظر ان شاء الله تأهل منتخب الجزائر يوم الغد

.في اسيا حظوظ العرب وفيرة ان شاء الله مجموعة قطر مضمون منتخب عربي سيتأهل

و في المجموعة الثانية بعد فوز السعودية على إندونيسيا زادت فرص المنتخبات العربية العراق و السعودية في بلوغ كأس ألعالم

بالاضافة الى المنتخب الاردني المتأهل سلفًا.

مونديال امريكا 2026 قد يشهد ظهور 7 منتخبات عربية على الاقل للمرة الاولى في تاريخ المونديال

اكبر مشاركة عربية كانت في 2022 بـ 4 منتخبات كان ممكن العدد يكون 6 لولا التفاصيل الصغيرة التي اخرجت مصر و الجزائر.

sportnews.it.com