منتخب مدغشقر واخد خطوط تصاعديه وخريطه الكوره بتتغير

الكوره في افريقيا بتتغير ومنتخبات كتير قدرت تغير من شكل جودتها التنافسيه

وبدأت تزود القوة داخل القاره،عجبني جدا الكونغو الديمقراطية وكمان الرأس الأخضر

لكن انا مبسوط جدا بالصعود في المستوي اللى بيحققه منتخب مدغشقر .

مدغشقر في تصفيات كاس العالم بتحتل الترتيب التاني ب 16 نقطة خلف المنتخب الغاني

اللى عنده 19 نقطة وبيقرب تدريجيا من الصعود لكأس العالم في امريكا،كمان منتخب مدغشقر بيحتل المرتبه رقم 2

في ترتيب افضل الفريق اللى بتحتل المركز الثاني اللى هيتعمل مابينهم ملحق بعد منتخب الغابون حتي الآن .

المميز اكتر بقي أن من كام يوم بس منتخب مدغشقر للمحليين وصل لنهائي كأس إفريقيا للمحليين

وخسر أمام المغرب بصعوبه بنتيجة 3/2 وده يوضحلك أن فعلا الناس هناك شغاله وعاوزه تعمل حاجه وبتحاول تساعد وتطور من نفسها .

منتخب مدغشقر واخد خطوط تصاعديه

من فتره كبيره وحاليا بتزداد توهج اكتر ومع مرور الوقت المنتخب هيبثت ويزود من عملية التطور بتاعته

علشان كده دايما بنقول أن في الأيام اللى جايه خريطة الكره الافريقيه هتتغير

وفي منتخبات ليها اسمها هترجع للخلف وغيرها هيركب مكانها …

الكوره فى افريقيا بتتغير

sportnews.it.com