منتخب مصر لاطفال الشوارع
المنتخب العظيم اللي قدامك ده هو منتخب مصر لاطفال الشوارع ، ايوة المنتخب اسمه كدة ،
طب ايه قصة المنتخب ده ؟
في 2013 قرر مجموعة مصريين يأسسوا فكره اسمها ” نفس ”
و دي مؤسسه كان ايمانها ان كل شاب اتهمش من المجتمع فهو لسة يستاهل فرصه حقيقيه !
المؤسسه دي بدأت تلم في الشباب الموهوب ده و دعموهم ببرامج دعم نفسي و رياضي
لحد ما عملوا منتخب كبير بدأ يشارك في كاس العالم لكرة القدم من 2014 المبهر بقي ان منتخب مصر شارك في كاس العالم السنة دي في النرويج
و قدر يكسب المكسيك حامل اللقب في ربع النهائي و كسب جنوب افريقيا في نصف النهائي و كسب البرتغال في النهائي
و كسب كاس العالم من يومين بالظبط !
الواحد حقيقي فخور بمؤسسه نفس علي الفكرة العبقرية دي ، الشباب ده اتقال عليه مش نافع و ملوش تأثير في المجتمع
النهاردة بيكسبوا كاس العالم و حققوا انجاز تاريخي حرفيا
محدش يعرف عنهم حاجة و مش هتلاقي دعم ليهم ابدا عشان مبياخدوش ١٠٠ مليون في السنة و نجوم الشباك في الاهلي و الزمالك
اهو دول اللي يستاهلوا الدعم فعلا
لا اتمرنوا في اهلي ولا زمالك ولا اي نادي ، راحوا مع موسسه حاجزين ملعب في الهرم بيتمرنوا عليه و بس كدة
الموهبه هي اللي بتحكم في الملعب دول مش بتوع شو ولا تريندات ولا نجوميه وهميه
دول موهوبين و رجاله و يستاهلوا كل الدعم
sportnews.it.com
منتخب مصر لاطفال الشوارع
منتخب مصر لاطفال الشوارع
اترك تعليقاً