تحليل مباراه الاهلى وبيراميدز ورسميا رحيل مدرب الاهلى ريبيرو

بيراميدز كان ممتاز في المئات الضغط سواء كان ضغط مرتفع ( high pressing ) أو ضغط متوسط ( mid pressing)

الفريق كان مميز في كل شئ تخص عمليات الضغط سواء كان في حدة الضغط نفسها أو في غلق مسارات التمرير وعمليات العزل وتوجيه اللعب لمساحات معينه …

في المقابل الاهلي قابل صعوبة كبيره في عمليات التحضير أو بما تعرف بمرحلة ال progression وده راجع لسببين الأول هو ضغط بيراميدز المنظم التاني راجع الي هيكل انتشار الاهلي نفسه أثناء الحيازه وال سهل مهمة الضغط علي بيراميدز.

بيراميدز في الضغط المتوسط بيستخدم هيكل ال 4-4-2 بصعود الكرتي بجوار مايلي كثاني خط ضغط اول مهمتهم الاولي هي غلق مسار التمرير في العمق لثنائي الارتكاز ديانج ورمضان

ريبيرو ضعيف فنيا

وتحديدا بن رمضان اب كان بيتبادل عليه الرقابة الثنائي الكرتي ومايلي وفي ضهرهم الثنائي مهند وبلاتي بشكل box defense في عمق الملعب من الرباعي لغلق عمليات التمرير في العمق.

مع تمركز وينجات بيراميدز في الداخل علشان يمنع مسار التمرير بين الخطوط، مع زيادة حدة الضغط علي المدافعين

اول لما بتوصل الكره في اتجاه الطرف علشان يبدأ المدافع ياخد قرار سريع بالتمرير للاظهرة ال بيحصل عليها كماشة كبيره علي الخط .

ريبيرو كان بيحاول يحل الموقف بتثبيت هاني كمدافع ثالث بجوار بيكهام علشان يخلق موقف 3 ضد 2

لكن بيراميدز كان جاهز وبيخرج ايفرتون للضغط علي هاني من مناطق مرتفعه عادي ويخلق موقف 3 ضد 3 وبعدها بيبدأ مايلي يضغط بشكل مقوس half turn للداخل علشان يغلق مسار التمرير علي العش ويجبر بيكهام علي التمرير الطويل …

انتشار الاهلي كان سئ في مرحلة التحضير وده راجع أن الفريق مبيقدرش يستغل ممرات اللعب الداخليه

أو بما تسمي half space بشكل مناسب وده لان تريزيجية وبن شرقي الثنائي بيفتح عرض الملعب بشكل مستمر في ظل أن اظهرة الاهلي متثبته في الخلف بالتالي خيارات التمرير بي الخطوط بتكون منعدمه

،واللاعب الحر ال مطالب بخلق خيارات تمرير بشكل مستمر ال هو زيزو عنده مشكلة اصلا في قيادة اللعب من التلت التاني …

الاهلي بالشكل ده مستغني عن 3 لاعبين في الخط الامامي عندهم مشكله في قيادة اللعب سواء كان تريزيجية

أو زيزو وطبعا محمد شريف الثلاثي مبيقدرش يشارك في مرحلة التحضير فبيحصل عزل لخطوط الفريق وفي حالة مراقبة بن رمضان تحديدا الاهلي بيتفصل تماما .

اهلي ريبيرو مشاكله واضحه بشكل كبير

والفكره الأكبر أن المشاكل دي بتزيد بشكل تصاعدي مستمر مبتتحلش هي هي نفس المشاكل من أول مباراة حتي الآن بدون تدخل سريع لحلها.

فنيا الفريق باهت جدا مافيش منظومة لعب واضحه ولا هيكل جماعي للفريق،استسلام كامل لكل المتغيرات

اللى بتحصل خلال اللقاء بدون تحضير أو توقع،الحقيقة برضو مقدرش اقول ان مافيش بعض الأمور ال بتتنفذ في الملعب لكن الأمور دي بتختفي اساسا وسط كمية المشاكل التانيه .

الاهلي هجوميا سئ جدا جدا رغم أن هو مفترض أن هو بيمتلك نوعيات لعيبة عندهم قدر مناسب من الجوده الفرديه،

لكن النوعيات دي محتاجه سياقات معينه تتحرك من خلالها وده مبيحصلش بالتالي بيحصل تداخل في أدوار اللاعبين وديناميكية الفريق بدون كره بتتم بعشوائية غريبه ..

انت متخيل أن الأهلي حتي الآن في الدوري بيحتل المرتبه رقم 11 بين أندية الدوري في صناعة الفرص المحققة big chance ب فرصتين فقط ؟

وده هياخدنا لنقطة معينه وهي أن الفكره مش مجرد انك تحط افضل لعيبة عندك وخلاص لا انت الاهم ازاي تقدر تخلق أنماط تناسب المجموعة وتقدر من خلالها تخترق وتصنع فرص ..

ريبيرو علي مستوي الشخصيه معجبنيش برضو بعض النظر عن أن هو واضح أن هو مش قادر يسيطر علي الفريق،

لكن المدرب ال يستسلم للضغوط سواء كانت من الجماهير أو الإدارة يبقي المدرب ده نسبة فشله هتكون اكبر من نجاحه،

ريبيرو قرر يبعد عن وجوع الدماغ وبيحاول يوجد شكل يقبل زيزو وبن شرقي وتريزيجية مع بعض في نفس الوقت

رغم أن واضح أن سيستم اللاعب مش مناسب ليهم وان وجودهم في نفس الوقت مشاكله اكبر من عيوبة .

الاهلى وبيراميدز تحليل شامل

sportnews.it.com