بداية مثاليه للنصر السعودي مع خورخي خيسوس و رونالدو يقترب من تحقيق البطولة الاولي في الموسم

لك ان تتخيل ان النصر اتطرد منه النهاردة ساديو ماني في الدقيقه 25

و لعب ب 10 لاعبين لمده 65 دقيقه امام الاتحاد بطل الدوري في نصف نهائي السوبر السعودي ، المنطقي النصر يخسر و يخرج من السوبر صح ؟

المفاجأة بقي ان النصر نزل الشوط التاني و عمل اداء عظيم حرفيا و هو 10 لاعبين

و الاتحاد كان ضيف شرف في المباراة لحد ما جات الدقيقه 61 و حصل المشهد اللي قدامك ده

كريستيانو رونالدو اتحرك بذكاء في المساحه و كسر التسلل و انفرد بالمرمي و بدل ما يسدد و ياخد اللقطه

لا قرر يضمنها و مرر لجواو فيليكس عشان يصنع هدف الفوز و يتأهل النصر الي نهائي السوبر السعودي !

تخيل بقي ان رونالدو قدر يساهم ب 49 هدف في 51 مباراة مع النصر من بدايه الموسم الماضي و عموما ساهم ب
119 هدف في 112 مباراة مع النصر !

بداية مثاليه للنصر السعودي مع خورخي خيسوس و رونالدو يقترب من تحقيق البطولة الاولي في الموسم

افضل مدرب اجنبي دخل السعوديه

الراجل ده محتاج لاعب وسط جنب بروزوفيتش مع اظهره محترمه

و هياخد الدوري عادي بالنصر

مدرب كبير واندريتيد اوي ومش واخد حقه بتاتاً عشان قعد سنوات كتير خارج اوروبا

لكن الحقيقة ان خورخي جيسوس مدرب مش قليل وافكاره استثنائية واي مكان بيدرب فيه تأثيره واضح

طول ما الراجل متوفر له لاعيبة وبيئة مناسبة للعمل دايماً بيكون منتج ومؤثر وبيصنع فارق

مش غريبة انه كان مرشح لتدريب البرازيل

عبد الرحمن ابو مالح مؤسس منصه ثمانيه

في 2016 ، الراجل اللي قدامك ده قرر يعمل منصه الكترونيه اسمها ” ثمانيه ”

و كان هدفه يعمل بودكاست في مجالات مختلفه منها كرة القدم

النهاردة و بعد 9 سنين ، منصه ثمانيه الالكترونيه اصبحت قناة تليفزيونيه

و اصبحت الناقل الحصري لكل بطولات كرة القدم في السعوديه !

النهاردة كان بدايه قناة ثمانيه ب عرض السوبر السعودي بين النصر و الاتحاد ، تقنيه الصورة نضيفه جدا

بتسمع معلق زي فارس عوض ، استوديو تحليلي ، بتتفرج علي لعيبه اوروبيه ، كل ده مجاني و بدون مقابل !

مش بس كدة ، ده كمان اضافوا خبير تحكيمي بيشترك مع معلق المباراة و بيشرح الحالات التحكيمية علي الهواء مباشره !

برافو عبد الرحمن ابو مالح مؤسس منصه ثمانيه

sportnews.it.com