مدرب الإسماعيلي لميلود بيعمل عظمه

ميلود في مهمه مستحيله حرفيا،مشفق عليه جدا ومشفق علي كل واحد هيدخل يشتغل في الأجواء الحاليه والظروف المحيطة بالنادي

إختيارات قليله جدا لدرجة أنك متقدرش تضع تشكيلة اساسيه للفريق لمدة 3 مباريات متتاليه مثلا ؟

وإدارة مش قادر حتي توفر مناخ مناسب للعيبة المتاحه .

شكل الدراويش كان مقبول لفترات خلال مباراة بتروجيت مقدرش اقول جيد لان في مشاكل كتير لكن ده طبيعي ومنطقي يعني،

واضح أن هو بيحاول يخلق منظومة لعب تداري قلة الجودة الفرديه الموجوده

مجهود بدني كبير وقوة في الصراعات والثنائيات كان ببرجح كفت الإسماعيلي في أوقات كتير في وسط الملعب،

اتمني يكون البدني بتاع الإسماعيلي بالشكل ده بشكل مستمر،

لكن للاسف بداية الفريق هتصطدم بقوة بيراميدز المباراه القادمه اللى اتمني يكون الحكم فيها هادئ علي المدرب .

هنتكلم في تفاصيل فنيه اكتر لكن مع مرور الأيام علشان نقدر نحدد هيكل الفريق والأنماط ال بيحاول يطبقها المدرب مع الفريق …

بعد تاني مباراة لميلود مع الإسماعيلي انا عجبني جدا الحقيقة شكل الفريق خارج الحيازه او بدون كوره،

تمركز اللاعبين وقدرتهم علي غلق مسار التمرير وتوجيه اللعب وخط الدفاع المتقدم نسبيا،جميعها دلائل بتبينلك أن في شغل المدرب بيحاول يعمله للفريق .

شكل الاسماعيلي كان بيتغير علي حسب وضعية الكره مابين 4-1-4-1 و 4-4-1-1 بتحرك لاعب من الوسط في ضهر نادر فرج

الاسماعيلي

علشان نقدر تقفل زاوية التمرير علي مهند لاشين في العمق وبيحصل تبادل مابين الثاني لاعب بيضغط والآخر بيراقب لاعب الارتكاز في العمق .

الوينجات بشكل مستمر بتتمركز للداخل علشان تقدر تقول زاوية التمرير في أنصاف المساحات وتجبر الخصم أن هو يمرر في اتجاه خط التماس

وبعدها بيبدأ يضغط بوضعية مقوسة من الداخل للخارج علشان يجبر حامل الكره أن هو يستمر في التحرك علي الطرف وبعدها بنفرض رقابة رجل لرجل بشكل مميز في عمق الملعب

الاسماعيلي كان بيقدر يوجه بيراميدز لمناطق أقل خطورة وبيمنع أن بيراميدز يخلق لاعب حر وبيقلل عدد مرات وضعيات ال 1 ضد 1 لوينجات بيراميدز

وبيمنع التحركات التقدميه لرضا بوبو في ضهر فيستون مايلي .

مدرب الإسماعيلي لميلود

الحقيقة أن مباراة بتروجيت برضو كان شكل الإسماعيلي مقبول جدا بدون كره،

وطبقا لإحصائية passes per defensive action وهي احصائية بتقيس بضغط كل فريق أو عدد التمريرات اللى بيسمح بيها كل فريق قبل اتخاذ عملية دفاعيه ضده

وكل ما الرقم ده بيقل ده بيكون مؤشر إيجابي للفريق …

الاسماعيلي كان أقل فريق بيسمح للخصم بعدد تمريرات قبل ما ياخد ضدده اجراء دفاعي بمعدل 3.18 تمريرة فقط وده أقل رقم في الجولة الأولي

الدراويش

وافضل فريق في هذه الإحصائية وده يوضحلك قدرة الفريق علي الضغط أو منع الخصم من تبادل التمريرات بشكل مستمر

مبارتين شكلنا بدون كره كان مميز اتمني يستمر عليه لكن الشكل الدراويش بالكره غير مكتمل

وده مرتبط اكتر بقلة جودة اللاعبين في التلت الهجومي للفريق .

مدرب الإسماعيلي لميلود بيعمل عظمه

sportnews.it.com