نطاق الرياضة – الجميع استعجل بعض الشئ برضو في تقييم ريبيرو .. لان اللي قولته ده كله بيعبر عن شغل فني لو اترسخ هيجيب نتايج واداء

رغم ان في افكار في الجانب الهجومي .. لكن مرحلة الـDefense Reset او الارتداد الدفاعي في الاهلي مش افضل حاجة .

اوقات مع صعود بن رمضان وتريزيجيه بيبقى ديانج لواحده على الدايرة في مواجهة لاعبي فاركو وحيداً

ومطالب ينتصر عليهم لواحده في الصراعات والثنائيات .. طبعاً بيكون تريزيجيه وبن رمضان ملحقوش يرتدوا

عشان تتخطى مشكلة زي دي لازم يبقى عندك ضغط عالي حاد ومعاكس ومنظم يمنع تحول منافسك من منبعه ..

لان لو معملتش كده هتبقى مشكلة لن يُحمد عقباها امام فرق تمتلك عناصر فردية وجودة جماعية اعلى من فاركو

الصورة دي قبل ثواني من الهدف الثاني .. بتوضح الى حد ما افكار خوسيه ريبيرو في الانتشار اثناء امتلاك الكرة خصوصاً لما منافسه يقف بلوك منخفض زي فاركو

تمركز وشغل للممرات الخمس للاعبي الاهلي
🔹الممر الخارجي الايسر : بن شرقي
🔹الممر الداخلي الايسر : بن رمضان
🔹الممر العميق : شريف
🔹الممر الداخلي الايمن : تريزيجيه
🔹الممر الخارجي الايمه : هاني

هنا زيزو تحول للاعب حر بيستلم بشكل متآخر وهو اللي نزل يستلم من مرعي

لما عمل انطلاق عمودي بالكرة بدل ما يمرر لبن شرقي في الطرف الايسر

مرر الى بن رمضان في الممر الداخلي الايسر وبعدها زيزو انطلق هو للعمق

كده حصل ايه ؟ زيزو عمل كثافة بدخوله للعمق واصبح عدد لاعبي الاهلي في الخط الامامي 6 لاعبين بالشكل ده

🔹الممر الخارجي الايسر : بن شرقي
🔹الممر الداخلي الايسر : بن رمضان
🔹الممر العميق : شريف وزيزو
🔹الممر الداخلي الايمن : تريزيجيه
🔹الممر الخارجي الايمه : هاني

وطبعاً لان زيزو جاي منطلق من الخلف ووشه للمرمى فمكنش مراقب وهو اللي قابل عرضية بن رمضان

نفس الفكرة اتطبقت كذة مرة وعملت مثافة هجومية كبيرة للاهلي في عمقه الهجومي وخطه الثالث

انا شايف ان الجميع استعجل بعض الشئ برضو في تقييم ريبيرو .. لان اللي قولته ده كله بيعبر عن شغل فني لو اترسخ هيجيب نتايج واداء

محمد علي بن رمضان و من الاخر كدة هو استاهل كل يورو اتدفع فيه لانه كنز بالمعني الحرفي

في الدقيقه 18 وقف بين ظهير و قلب دفاع فاركو و اتحرك في ضهرهم المساحه و استلم و عمل عرضيه للخلف جه منها هدف للاهلي لكن الحكم لغي الهدف !

راح جه في الدقيقه 21 وقف نفس الوقفه بالظبط لكن اتصرف بشكل عبقري اكتر ، عرف اتجاه ضغط المدافع

ساب الكرة تمشي في المسار العكسي ، طلع المدافع برة و استلم بدوران للمساحه و عمل نفس العرضيه بالظبط و صنع هدف ل زيزو !

لاعب متأسس و لمسته الاولي نضيفه اوي و بيعرف يستخدم جسمه بذكاء ، ممرر و مسدد ممتاز ، بيهاجم و يدافع بنفس الجوده و المجهود !

الاهلي دفع مليون و 600 الف يورو في محمد علي بن رمضان و من الاخر كدة هو استاهل كل يورو اتدفع فيه لانه كنز بالمعني الحرفي

احمد السيد زيزو عمل اداء عظيم اليوم

سد ودانه عن كل اللي بيحصل برة الملعب و ركز في ادواره المطلوبه منه و عملها علي اكمل وجه

و قدر يساهم ب 4 اهداف في اول مباراتين مع الاهلي كاكتر لاعب في الدوري !

زيزو من الاخر مش جناح و اه مش هيراوغ شجرة لانه عمره ما كان جناح عشان كدة ريبيرو بيستخدموا في دور حر في العمق

و بيبدا يستلم تحت الخطوط مش بينها لان لمسته الاولي مش احسن حاجة و ميقدرش ينتج تحت الضغط !

زيزو لاعب حركي يروح بوشه و يعمل زخم هجومي داخل الخطوط ، فكانت النتيجة ان زيزو سجل هدفين امام فاركو النهاردة

صوره طبق الاصل ، بييجي من تحت و يهاجم المساحه و يتابع العرضيه و يسدد

الاهلي عمل صفقه ببلاش و الصفقه دي ساهمت ب 4 اهداف من اصل 6 ، بدايه عظيمه من احمد السيد زيزو

الجمهور استعجل فى تقييم ريبيرو

sportnews.it.com