لويس انريكي قرر يكون مغامر بصرف النظر عن اي نتيجة ، لكن النتيجة انصفت جنونه لدرجة انه اصبح افضل مدرب في تاريخ باريس سان جيرمان في سنتين فقط
بعد مباراة باريس سان جيرمان و توتنهام في السوبر الاوروبي
لويس انريكي مدرب باريس عمل لقاء مع مراسله و قال كلام بيعبر عن مدي وعيه و نضجه من الاخر !
المراسله قالت ل انريكي ان تيشيرت البطل اللي كان لابسه في الاحتفالات شكله حلو
انريكي رد عليها و قالها تفتكري احنا كنا نستحق نكون ابطال ؟
انريكي كمل كلامه و قال احنا منستحقش ده ، توتنهام يستاهل يكسب المباراة دي
كانوا اجهز و لعبوا افضل مننا ، لكن في بعض الاحيان كرة القدم تبقي غير عادله ، كنا محظوظين جدا في اخر 10 دقائق ، اللاعبين كانوا فقط مؤمنين بالعوده حتي اخر دقيقه !
انا لسة فاكر انريكي يوم ما اكتسح ريال مدريد برباعيه نظيفه في كاس العالم للاندية لما قال ان المقارنه بينه و بينه تشابي الونسو لا تجوز
بسبب ان الونسو محتاج فتره اعداد و لسة بيبدأ مشروعه و احنا سبقناهم بسنتين !
لكن تجربه الراجل ده مع باريس تدرس حقيقي !
لويس انريكي زي ما هو بيفرح بالفوز كطبيعه اي انسان بيحقق نجاحات فهو برضه شخص واضح
و قادر يقول الحقيقه بصرف النظر عن النتيجة النهائية حتي لو هيدي الافضليه للمنافس علي حساب نفسه و ده شئ مش اي مدرب يقدر يعملوا
اه النهاردة مقدمش افضل مستوي ممكن ، لكن تجربه الراجل ده مع باريس تدرس حقيقي !
قال لاداره باريس انا مش عايز نجوم انا عايز لعيبه صغيره انا بنفسي هخليهم نجوم ، ممسكش في مبابي هداف الفريق و سابوا يمشي عادي !
مسك عثمان ديمبيلي اللي كان غير مرغوب فيه في برشلونة و وظفه كمهاجم وهمي و نجح نجاح باهر و اصبح المرشح الاول للبالون دور !
قبل السوبر الاوروبي طلب ان دوناروما يمشي و استبعدوا من قائمه الفريق لانه شايف انه محتاج يطور المركز ده بالرغم من تألق دوناروما الموسم الماضي و لعب بحارس جديد !
كل دي قرارات مدرب عاشق للمغامره ، مدرب عايز يوصل للنتيجة بتخطيطه المجنون البعيد تماما عن الطبيعي و الواقعي ،
و المغامره دي كانت نتيجتها ان باريس كسب 5 بطولات في موسم واحد لاول مرة في التاريخ و هو نفسه يفوز بخماسيه مرتين في مسيرته التدريبيه !
لويس انريكي قرر يكون مغامر بصرف النظر عن اي نتيجة لكن النتيجة انصفت جنونه لدرجة انه اصبح افضل مدرب في تاريخ باريس سان جيرمان في سنتين فقط
سيناريو عجيب و غريب و سوبر اوروبي مجنون حرفيا !
توتنهام عمل كل حاجة النهاردة تخليه يكسب اول سوبر اوروبي في تاريخه ، توماس فرانك عمل ضغط عالي مثالي
رجل ضد رجل ، عمل افكار مبهره من الكرات الثابته و سجل منها هدفين !
لحد الدقيقه 85 توتنهام كسبان و منظم و خلاص بيحسموا البطولة
فجأة باريس بيسجل هدفين في 5 دقائق و بيعمل ريمونتادا و بيروحوا ركلات جزاء و باريس بيعمل ريمونتادا تاني و بيكسب اول سوبر اوروبي في تاريخه !
انك تلعب اول مباراه رسميه مع توتنهام امام باريس بطل اوروبا بالشخصيه دي
و بالافكار العبقريه و الجريئه دي بالرغم من الخساره في النهايه فهو شئ عبقري يستاهل عليه توماس فرانك الاشاده
توتنهام فريق جميل وفيه افكار حلوة وفيه تفاصيل جميلة .. عنده نواقص ؟عنده ..
بالغ انهاردة في الجانب البدني الشوط الاول واستهلك نفسه ونزل الشوط التاني مرهق وبيدافع؟ حصل برضو
كلها اخطاء ونواقص عادية لفريق اصلاً قدم اداء فوق المتوقع
وسط توقعات ان باريس هياكلهم سكور ويبهدلهم قدام العالم عشان يستعرض عضلاته
توماس فرانك مدرب قدير وهيشقلب الدنيا في الدوري خصوصاً لو الصفقات اللي داخل فيها خلصها وأنا على ثقة فكده
هارد لاك
بعيد عن نتيجة المباراة شكل توتنهام الجديد مع السيد توماس فرانك في الملعب بيُنذر بفريق هيبقى ارخم فريق ممكن اندية البريميرليج تواجهه بدون مبالغة
يا خبر على الالتزام التيكتيكي والشراسة والحدة في الضغط والصراعات وكثافة الانتشار في كل بقعة تواجدت فيها الكرة !
الفريق ده حرفياً متفوق عددياً طول الشوط في اي مكان!
بص على رقم 17 !
المفروض ان ده كريستيان روميرو (الليبرو)
روميرو مع فرانك واخد دور مركب كمحور ارتكاز ووقتها دانسو (6) وڤان دي ڤين (37) بيبقوا قلوب دفاع كلاسيك
بعدها بيرجع روميرو لورا زي الصورة ويتقدم دانسو وڤان دي ڤين جنب چواو بالينيا !!
فيتحرر بينتانكور وبابي سار الى الامام ويتحول قدوس للاعب Roaming ينزل ويستلم بين الخطوط
اما بورو وسبينس فاتحين الخطوط مكتفين حكيمي ومينديش!
الراجل ده كوتش كبير اوي اوي اوي فوق الوصف ولو لعب كده في البريميرليج هيبقى مفاجأة كمان
توماس فرانك
sportnews.it.com
افضل مدرب في تاريخ باريس
افضل مدرب في تاريخ باريس
اترك تعليقاً