بدايه محبطه للاهلى بتعثر امام مودرن سبورت بالتعادل ايجابيا ٢-٢

الاهلي اتعادل مع مودرن سبورت و فقد نقطتين بدري بدري ، اكيد بدايه محبطه ، بس تعالي اقولك ازاي ريبيرو يصلح البدايه دي !

شوف يا عم ريبيرو
انت في دوري مصري دلوقتي
يعني هتلعب قصاد 80% من فرق الدوري و هما مرجعين خطوطهم كلها تحت الكورة و مساحه اللعب هتبقي ضيقه و مش هتعدي 30 متر ، هو ده نظامنا في الدوري

بالتالي ، اسلوب لعبك عشان يمشي و تكسر التكتلات دي و تصنع فرص و تسجل

لازم اولا تسرع الرتم و ده مش هييجي غير ب لعيبه قراراتها سريعه بالكرة و حركيه بالمجاورات بدون الكرة

ثانيا ، طالما بتلعب باجنحه علي الخط في منطقه الكرة يبقي بن شرقي هو اول جناح في الملعب ، هيخلصلك المواقف الفرديه كلها ، انسي تريزيجيه مش جناح خط

ولا بيعرف يراوغ في المناطق الضيقه ، ده عايز سياقات سريعه و فوضويه طول الوقت ، لي ماتشات تانيه خالص

بالنسبة للمهاجم ، ماتش متكتل يعني لازم مهاجم ينزل من مكانه و يبقي زاويه تمرير اضافيه

و لمسته الاولي تبقي ممتازه عشان يربط مع زمايله و يسحب المدافعين و يصنع ثغره داخل الخط الاخير ، و ده جراديشار و عمره ما هيكون محمد شريف ابدا

بالنسبة للارتكاز ، ماتش متكتل و بتلعب بلاعب واحد علي الدائره ، يعني عايز تحمي نفسك من التحولات في مساحات واسعه

و كدة كدة اللاعب المصري ميعرفش يعني ايه ضغط عكسي و هيقف يتفرج لما الكورة تروح منه ،

يبقي عليك و علي ديانج ، ده الوحيد اللي هيغطي الفدادين اللي ظهرت النهاردة دي و هيسترجع الكرة في وقت سريع

بالنسبة ل لعيبه الوسط بين الخطوط انا عارف انك مضطر عشان امام مش موجود ، بس افشه عمره ما هيكون اللاعب ده

و هتفضل تتعصب عليه بسبب محدوديته في اللمسه الاولي و مقاومه الضغط و اختيار انسب اتجاه لعب ، زي ما انت عملت النهاردة كدة

بالنسبة بقي لعدم تعويض وسام ابو علي و علي معلول بنفس الكفاءه و الجوده ، فى دي مش مشكلتك انت ،

دي مشكله اداره متعرفش ايه هو اسلوب لعبك اصلا و قالتلك مشي حالك ب شريف و شكري و يمكن الصدفه تعمل مفعولها و المدينه كلها تفرح

مدرب الأهلي المصرى

بدايه محبطه كان لازم تحصل عشان ريبيرو يفهم ان خصائص لاعبيه المناسبه ل اسلوبه كانت قاعده علي الدكة النهاردة ، شكرا

من النقاط اللي اهلي ريبيرو كان عليه علامات استفهام فيها منذ بداية توليه المسؤرلية هي الكرات الثابتة للمنافسين

كلنا عارفين ان في 3 انظمة للدفاع في الكرات الثابتة بين دفاع المنطقة والرجل لرجل والنظام الهجين

وإن كل سيستم فيه له انتشار محدد وطريقة دفاع محددة عشان تحميك من خطورة الكرات الثابتة

لكن الحقيقة منذ هدف وسام ابو علي بالخطأ في مرماه امام بالميراس وهدف سامو لاعب بورتو من كرات ثابتة وانهاردة هدف علي الفيل

اصبح الامر واضح .. الاهلي عنده مشكلة كبيرة في الدفاع في الكرات الثابتة هتتعبه امام اي منافس عنده اطوال قامة

ريبيرو

sportnews.it.com

وهتتعبه اكتر لو المنافس ده عنده انماط تسجيل من كرات ثابتة كمان

عموماً مشكلة الاهلي مش التوليفة بس .. مشاكل الاهلي اكثر عمقاً

ريبيرو موجود في الاهلي بقاله 3 اشهر ولعب مباريات رسمية وودية .. فلو المشكلة انه موجدش التوليفة الصحيحة فصدقني دي ابسط حاجة

لان في مشاكل تانية تيكتيكية لها علاقة بهيكل الضغط اللي قدر مودرن سبورت يكسره كذه مرة في اكتر من مناسبة

بجانب ان الفريق مش مهيأ للبناء تحت ضغط وده ظهر في هدف مودرن الاول بجانب اصرار اللعب على العمق وتكتيف الاطراف

لدرجة ان مجدي عبد العاطي كان مذاكر ريبيرو وقفله العمق بالتجمهر Narrow Compact

يعني مش بس هضيق لك المساحات بين خطوطي ده انا هضيق لك المساحات بين لاعيبته كمان

ناهيك عن الايقاع البطئ جماعياً .. ودي مخلية الاهلي predictable تقريباً ومقروء في كل هجماته

زود على ما سبق انتشار الفريق كدفاع منطقة في الكرات الثابتة ضعيف جداً لدرجة ان علي الفيل طلع لواحده تقريباً في هدف مودرن الثاني

فمشاكل ريبيرو اكبر من انه مش بيلاعب ديانج وبن شرقي وجراديشار

زيزو لاعب الاهلى

انا حقيقي مستغرب ! بدلا من التعثر بفقدان نقاط

يعني الاهلي لو مكنش جاب زيزو مثلا كان زمانه خسران اول مباراه في الدوري و من مين ، من مودرن اللي المفروض كان هيهبط الموسم اللي فات !

اصل مين لعب كورة النهاردة في الاهلي غير زيزو !
زيزو صنع هدفين !
وايضا زيزو صنع 4 فرص اتسجل منهم هدفين !
زيزو كسب كل الثنائيات و كل كراته الطويله صح !
ده حتي كورة العارضه كانت من عرضيه زيزو يعني كان هيطلع ب 3 اسيستات في ماتش واحد !

فريق طويل عريض في 90 دقيقه مكنش فيه راجل مسئول و عنده ميزه تخلي فريقه يسجل اهداف غير زيزو فقط !

حقيقى من افضل صفقات الاهلى هذا الموسم دون أدنى شك احمد السيد زيزو

اللقطه اللي قدامك دي حصلت امبارح في مباراة الاهلي و مودرن سبورت و تحديدا في لقطه الهدف الاول ل مودرن سبورت !

كريم فؤاد فقد الكرة و مودرن سبورت بيتحول هجوميا ب 3 لاعبين بيهاجموا منطقه الجزاء ،

لو بصيت علي تاني صوره هتلاقي ياسين مرعي كان اخر مدافع في اللعبه !ياسين مرعي عمل حركه بسيطه جدا عشان يحتوي الموقف ده ،

ياسين اخد خطوات للامام بشكل قطري عكس حركه مهاجمين مودرن ثم مال بجسمه و هو بيرجع تاني ،

الحركه دي خلت مهاجمين مودرن كلهم في حاله تسلل !

بس للاسف ياسين مخدش حقه في اللقطه دي لان كريم فؤاد مخدش ياسين مرجع في القرار ده

عشان يعمل زيه و فضل واقف و كسر التسلل و مودرن سجل الهدف !

ياسين مرعي اتظلم جدا في المباراة دي بسبب النتيجة لكنه قدم مباراة مبهره حقيقي بالرغم انه لسة واصل و بيلعب اول مباراة رسميه مع الاهلي !

سجل هدف ! صنع فرصتين بالرغم انه مدافع !

اكتر مدافع عمل تمريرات كاسره لخطوط الضغط ! كسب 6 التحامات ، اكتر لاعب في المباراة !

عمل 6 كرات طويله صح و عمل 6 استخلاصات !كسب جائزة رجل المباراة ! بدايه مبشره جدا ، برافو ياسين مرعي

sportnews.it.com