اللى بيعملوا ميسى فى الكوره دا جنان بالمعنى الحرفى

اللي عملوا ميسي اليوم مفيش لاعب علي الساحه دلوقتي يقدر يعملوا لانه شئ مبهر حرفيا !

ميسي سجل هدفين و صنع هدف مع انتر ميامي اليوم

لكن الشئ الخيالي هي الصورة اللي قدامك دي

ميسي استلم من منطقه خلفيه و دخل علي 7 لاعبين تجاوزهم كلهم في مساحه ضيقه جدا بمرونه و تحكم و سرعه

تغيير اتجاهات مش بتاعه لاعب عنده 38 سنة ابدا و دخل سجل هدف ، بكل سهوله !

ميسي لو راح اي فريق في العالم هيفضل ممتع حقيقى

لان الكورة الحقيقيه عنده ، هبقي متأكد مليون في المئه اني مضيعتش وقتي بل هكون قضيت امتع وقت فراغ في الحياه !

انا مش قادر اتخيل يعني ايه ميسي في 1108 مباراة قدر يساهم ب 1253 هدف

ميسي صنع 385 هدف ، مفيش لاعب معدي ال 300 اسيست غيره ، ارقام مرعبه بتخليك متأكد ان ميسي لعب في الثوابت من الاخر !

يوم اعتزال ميسي قرب

حاولوا تستمتعوا بيه في اواخر ايامه الكروية لان كومبو ميسي ده بييجي مرة واحده بس في اللعبه دي

ميسي و هو 38 سنة مساهم ب 10 اهداف في اخر 3 مباريات في الدوري ،

مساهم ب 18 هدف في الدوري ،

اكتر لاعب بيسدد علي المرمي و اكتر لاعب بيراوغ بشكل صحيح و صانع 14 فرصه محققه للتسجيل

كل ده في 14 مباراة فقط و علي الواقف مش بكامل فورمته !

sportnews.it.com