شابوه للهلال لاعبيين وجمهور ومدرب واداره بعد وداع المونديال رسميا

كاس العالم للانديه بطولة مليانه مشاكل

اول مشكله انت معملتش مراعاه لكل الفرق ، بأي منطق فرق اوروبا و اسيا و افريقيا

بيلعبوا بقالهم 9 شهور حوالي 50 مباراة و اكتر و ده وقت راحتهم

و تقولهم تعالوا العبوا بطولة طويله و في اميركا اللي فيها ظروف مناخيه مش مناسبه !

مش بس كدة ، انت جيت قولتلهم ان فرق البرازيل هيلعبوا معاكوا في نفس البطوله اللي الموسم بتاعهم بدا من شهر يناير

و لعبوا 16 مباراة في الدوري يعني بكامل جاهزيتهم البدنيه !

عندك الاهلي مثلا لعب كويس امام انتر ميامي و بورتو بس امام بالميراس اتهزم وودع البطوله

و السبب كان بدني مش فني اطلاقا ، نفس الكلام الهلال عمل ماتشات كبيره امام ريال مدريد

و باتشوكا و ساليزبيرج و مانشيستر سيتي ،

بس النهاردة امام فلومينينسي ودع البطوله و السبب بدني مش فني ابدا !

تاني مشكله هي جدول المباريات ، الهلال مثلا لعب 120 دقيقه امام مانشيستر سيتي

و الفريق مجهد و لعب النهاردة اول مباراة في ربع النهائي وودع البطوله

في المقابل تشيلسي و بالميراس و باريس و بايرن لعبوا قبل الهلال بيوم و يومين و هيلعبوا ربع النهائي بعد الهلال ، ترتيب غير منطقي !

ده غير طبعا حاله كانسيلو و نيفيز النفسيه اللي كان واضح جدا منها انهم مش جاهزين للمباراة دي و دي مشكله اداريه من الهلال نفسه

و كلفته غلطه جه منها هدف ل فلومينينسي !

انا مش ببرر اي شئ
انا بس بحاول اوضح ان في فروقات بدنيه واضحه بين الفرق البرازيليه و باقي الفرق ،

من غير المنطقي تعمل بطوله مجمعه ظروف الفرق فيها مختلفه ،

ده غير مكان الاستضافه الغير مناسب ، ده غير توقيت المباريات الغير متوازن !

هارد لك للهلال السعودي وشابوه لافضل واحسن حارس افريقى على الاطلاق

الفورم ده بدون مبالغة مش موجود عند حراس في الاندية الكبرى في اوروبا

فورم حارس يلعب اساسي في برشلونة مستريح

حقيقي hard luck يا بونو

نطاق الرياضة