رافينيا ممكن يدخل التاريخ مع برشلونة الموسم ده في دوري ابطال اوروبا ، تعالي اقولك ازاي !

رافينيا سجل 11 هدف حتي الان في دوري ابطال اوروبا ، لو قدر يسجل 6 اهداف كمان هيعادل كريستيانو رونالدو في الرقم القياسي لاكتر عدد اهداف مسجله في موسم واحد ب 17 هدف !

تعالي ابهرك اكتر و اقولك ان رافينيا لو سجل 3 اهداف كمان في دوري الابطال هيعادل ميسي كاكتر لاعب سجل لبرشلونة في تاريخ البطولة في موسم واحد ب 14 هدف !

تعالي ابهرك اكتر و اكتر و اقولك ان رافينيا لو ساهم ب 3 اهداف كمان في دوري الابطال هيعادل كريستيانو رونالدو كاكتر لاعب في تاريخ البطولة ساهم باهداف بدون تسجيل ركلات جزاء ب 19 هدف !

شوف بقي بعد كل الكلام الجامد ده و 44 مساهمه تهديفيه منهم هدف واحد فقط من ركلة جزاء ، ييجي رافينيا يقول الكلام ده عن ترشيحه للبالون دور !

” اذا كنت من المرشحين للكرة الذهبيه سيكون انتصار لي بعد كل ما مررت به في مسيرتي داخل و خارج الملعب ، لكن الفوز بها ليس هدف شخصي ، اهدافي تتعلق بادائي داخل الملعب فقط “

رافينيا الموسم ده حرفيا بيدي دروس دسمه لكل اللاعبين البرازيليين عن العقلية و الالتزام و اداره الذات

sportnews.it.com