أمام عاشور -افضل صفقه للنادى الاهلى حقيقى بجد

لمحة

تاريخ ومكان الميلاد: 20 فبراير 1998

(العمر 27 سنة)، السنبلاوين

الفرق الحالية: النادي الأهلي (#22)، منتخب مصر لكرة القدم، Egypt

تاريخ الانضمام: 2023 (النادي الأهلي)الطول: 1.82 مالوزن: 72 kg

أمام عاشور عامل موسم استثنائي حقيقى

في كل مره الاهلي هيكون فيها بيعتمد علي اللعب المباشر

أمام عاشور هيكون اهم لاعب في الفريق بلا منازع طب ليه في اللعب المباشر تحديدا ؟

ده لان أمام هو اللاعب الوحيد ال قادر أن هو يقطع مسافات كبيره بالكره ..

المهاره دي اسمها ball carrier أو حمل الكره ودي واحده من

اقوي واهم مميزات أمام عاشور

وتقريبا هو لاعب الوسط الوحيد في مصر ال بيقدر يقدمها بشكل مستمر

وبنفس الكفاءه ودي نقطة مهمه جدا

لا اي فريق بيلعب لعب مباشر أو بيلجأ للتحولات الهجومية…

أمام عاشور تقريبا هو اكتر لاعب في مباراه صن داونز تقريبا قطع مسافات في ارض الملعب

لو جيت تشوف الخريطه الحراريه الخاصه بالمباراة هتلاحظ أن هو تقريبا تواجد في 90%

من مناطق الملعب والحقيقة أن هو في كل مربع في الملعب بيتواجد فيه

بيقدر يتفوق سواء دفاعيا أو هجوميا ..

اهم لاعب فى كتيبه مارسيل كولر

يعني مثلا عندك أمام تفوق في 9 صراعات فرديه من اصل 14 صراع

منهم 7 صراع ارضي و2 صراع هوائي رقم مميز جدا

ويوضح قوة اللاعب في الثنائيات والالتحامات

ده بخلاف أن هو قدر ينفذ 7 عمليات استرداد للكره ..

في نفس الوقت قدر يكون اكتر لاعب نفذ مراوغات صحيحه في المباراه ب 4 مراوغات

من اصل 5 وقدر يصنع 2 big chance أو فرصه محققه

وسدد 3 مرات منهم 2 on target بدقة وصلت 67%

ولمس الكره في منطقة جزاء الخصم 5 مرات

هو اعلي لاعب في الفريق مناصفه مع المهاجم جراديشار ..

تأثير واضح جدا لامام عاشور مع الاهلى

فانت هنا بتتكلم علي لاعب تأثيره واضح بشكل كبير

شعلة نشاط في الملعب،عمليات ركض وافتكاك وانطلاقات

وخلق خطر بشكل مستمر

الورقه الأهم للمدرب وال معتقدش إن

في بديل او لاعب في الفريق يقدر ينفذ نفس ادوار أمام لو مش موجود …

أمام عاشور الإيمان بالموهبه هو النجاح والتمسك بها هو التفوق

بعيد عن كل الصفقات اللي راحت من الزمالك للاهلي ( اللي عاصرتها )..

مفيش حد كان ولا هيبقى زي امام عاشور

كل اللي راحوا تقريباً مكنش عندهم نفس الجودة والتأثير اللي عنده وفنفس الوقت لسه عنده مساحة زمنية يفضل في التوب فورم فترة وعايش مستويات قوية وعنده قدرة يتطور

يعني بن شرقي مثلاً دخل الـ30 ولسه مش بنفس البريق بتاعه من 3 سنين او لسه مجابش فورمته برضو وزيزو اصلاً كيرڤه كان هابط اخر موسم في الزمالك وداخل على 30 سنة

معتز اينو .. صبري رحيل .. ياسر ابراهيم .. لاعيبة جودتها برضو مش توب وكام في ناس اصلاً على الساحة اعلى منها ومكنوش الافضل في مراكزها .. وفنفس الوقت مكنش في هوامش لتطورهم

يمكن الوحيد اللي كسر قاعدة التأثير شوية هو مؤمن زكريا ربنا يشفيه ويعافيه وفترته في الاهلي كانت مقبولة جداً وله مساهمات في اكتر من بطولة حققها الأهلي

لكن امام عاشور؟

هو الصفقة الاهم من صفقات (الكباري) عموماً واكبر خسارة خسرها الزمالك لصالح غريمه ومش ببالغ هي مش اقل من خسارة نهائي القرن

المستوى ده من الجودة والتقنية شديد الندرة في مصر دلوقتي ولسه 27 سنة عنده على الاقل قابلية يقدم مستوى قوي 4 سنين كمان

وهو بدون مبالغة من اقوى صفقات الاهلي عموماً اخر 15 سنة

علاوه على ذلك

من ناحيه اخرى تمركز صحيح ثم تفاعل صحيح و قطع مسار التمرير ثم تمريره بينيه بوجه القدم بيصنع بيها هدف ، ايوة متستغربش ده مروان عطيه !

تمريرات جريئه للامام بيكسر بيها الضغط ، 16 تمريرة للتلت الاخير ، دقة تمرير 92% ، 9 تمريرات طوليه صحيحه ،

اكتر لاعب صنع فرص ب 3 فرص ، صنع هدف ، استرجع الكرة 9 مرات.

امام عاشور افضل لاعب مصرى

نطاق الرياضه-موقعكم ومصدركم الاول

sportnews.it.com