نونو سانتو افضل مدرب في انجلترا
اللي بيعملوا نونو سانتو في انجلترا السنة دي حاجة بعيده عن الواقع تماما !!
نوتنجهام فوريست ده كان فريق مهلهل علي الاخر
فريق بيعاني في موخره الجدول في المركز 17 و علي وشك الهبوط !
نونو سانتو حول وضع نوتنجهام فوريست 180 درجه
السنة دي و قدر يعمل انجازات كبيرة
محدش كان ممكن يتخيل انها تطلع من فريق نوتنجهام الحالي 👇
كسب مانشيستر سيتي
كسب مانشيستر يونايتد رايح جاي
وكمان كسب ليفربول في انفيلد ، الفريق الوحيد اللي عمل كدة في الدوري !
كسب توتنهام رايح جاي
كسب استون فيلا
عمل اكبر نتيجة في البريميرليج السنة دي 7 / 0 ! 🤯
المركز التالت في البريميرليج و قريب من الصعود الي دوري ابطال اوروبا !
تاني اكتر فريق خرج بشباك نظيفه في الدوري : 13 مرة !
صعد الي نصف نهائي كاس الاتحاد الانجليزي
و بينافس علي بطولة محليه ، و دي اول مرة يصعد فيها نوتنجهام فوريست
الي نصف نهائي كاس الاتحاد من سنة 1991 ! 😮
الشخص ده اترفض في السعوديه و تمت اقالته
بالرغم انه المدرب الوحيد اللي جاب الدوري السعودي للاتحاد بعد غياب 14 سنة كاملين !
نفس الشخص ده بيصنع النهاردة تاريخ حديث ل نوتنجهام فوريست في وسط عمالقه انجلترا !
المبهر نونو اسبريتو سانتو 👏❤️
اللي بيحصل في البريميرليج في المراكز من الـ3 للـ7 مش طبيعي بجد🔥
نوتننجهام فورست قبل مباراة انهاردة امام توتنهام .. كان السادس ولو كان خسر كان هيكون بينافس على مراكز مؤهلة اليوروباليج !
لكن عودته لسكة الانتصارات من جديد بعد الخسارة اخر مباراتين امام استون فيلا وايفرتون .. رجعته تالت مرة تانية !!
الكل بيقاتل على نفسه .. وحقيقي نوتنجهام هو أكبر مفاجاة فيهم كلهم لانه كان الاقل حظاً وترشيحاً عنهم في انه يكون موجود في السباق ده قبل النهاية بخمس جولات بس !!
لعبه الكراسي الموسيقيه ، و بعدين معاكوا طيب 😀
تفتكروا مين ال ٣ فرق اللي هيصعدوا ابطال مع ليفربول و ارسنال ؟
سيلز ده حارس مرمي محترم جدا
سبب رئيسي في وضع نوتنجهام الحالي
اكتر حارس في البريميرليج منعا للاهداف المحققه ، منع 4 اهداف محققين كان المفروض يدخلوا في مرمي نوتنجهام 👏
الفريق يمكن امكانياته مش قويه
لكن نونو سانتو اسس الفريق ده علي التحولات اكتر و الكرات الثابته
الفاولات بتتلعب بشكل قصير و فيها فكرة و سجلوا منها النهاردة
التحولات هما اكتر فريق في الدوري سجلوا منها ، تحولات ممتازه جدا و لايقه علي خصائص لاعبين زي جيبس وايت و ايلانجا و اودوي
للامانه
توتنهام النهاردة ميستاهلش يخسر
كفاعليه كانوا اعلي
بس تبص علي نوتنجهام تقول انه مستحيل ده يطلع منهم اصلا
يعني فريق افراده كلها مستهلكه تماما و مكنش عنده رفاهيه يعمل مداوره
ظهير زي اينا ده ملوش بديل
كريس وود كان مصاب و لسة راجع
افراد هي العصب الاساسي للفريق
و اللي اتبني عليهم طريقه اللعب نفسها…..