عايز تعرف يعني ايه اداره رياضيه ناجحه ، بص علي العريق استون فيلا ! 👇
انا عايزك تتخيل معايا ان النادي ده قدر يكسب 200 مليون يورو في 3 لاعبين فقط الموسم ده ! 😮👇
= موسي ديابي الي الاتحاد السعودي ب 60 مليون
= دوجلاس لويز الي يوفينتوس ب 50 مليون
= جون دوران الي النصر السعودي ب 90 مليون
المبهر بقي ان النادي ده قرر يخاطر في نصف الموسم لما قرر يبيع دوران اللي عنده 21 سنة اللي قدر يسجل 10 اهداف الموسم ده و هو بديل !
تخيل بقي انهم يجيبوا مكانه ماركو اسينسيو اللي كان بديل في باريس و انريكي استغني عنه بسبب فورمته البدنيه الضعيفه !
و كمان يجيبوا راشفورد اللي مكنش بيلعب مع اموريم بسبب سلوكه ، يعني جايبين جوز مصايب من الاخر !
ف تحصل المفاجأة ان الثنائي ده يعملوا 11 مساهمه تهديفيه في 9 مباريات بدأوا كاساسيين في 3 مباريات منهم فقط !
اسينسيو يسجل 7 اهداف ، راشفورد يصنع 4 اهداف و ال 4 اهداف اللي صنعهم راشفورد كلهم كانوا ل اسينسيو ، لحقوا امتي يتفاهموا مع بعض !
كل ده حصل لان الثنائي ده اتسلم لمدرب عالمي اسمه اوناي ايمري بيعرف يدير دقائق لعب لاعبيه و مبدع في التوظيف و اداره اللاعبين عموما !
عشان اوناي ايمري يبقي اول مدرب يوصل ب استون فيلا الي ربع نهائي دوري ابطال اوروبا من 42 سنة بحالهم ! 😮
استون فيلا ، الادارة كما يجب ان تكون 👏❤️
