مصر للناشئين تخسر من جنوب افريقيا
التكوين هي اهم مرحلة في حياة اي لاعب كرة قدم ..
وليها اكتر من شق .. منها الفني ومنها التقني ومنها البدني ومنها كمان الفكري والاجتماعي
التكوين في العموم موجود في حياة اي فرد فينا وبيبدأ من اول التربية مروراً بالتعليم
والبيئات اللي بيتصادم معاها الشخص عشان يمتص خبراته الحياتية وتتطور قدراته.
عشان كده التكوين مرحلة خطيرة في الكورة بالذات ..
لانها بتديك مرادف حقيقي للمستويات والامكانيات المحتملة
اللي هيوصلها اللاعب لما يوصل للمستوى الاول
مصر فيها مواهب؟ فيها .. وكتير
لكن كلها عطلانة ومستوى التكوين اللي مرت بيه غير كاف لتنشئة بعوضة مش انسان حتى ..
وده راجع لحاجتين
الحاجة الاولى ان مجالس ادارات الاندية بتشجع فرق الشرائح السنية على انها تكسب بطولات
اكتر ما تتعلم كورة ..
مين كوتش هيبقى فاضي يعلم لاعيبته لما ممكن يجعر على الخط عشان بتجلياتهم يجيب بطولة !
الحاجة التانية هو ان العنصر البشري المسؤول عن عملية التكوين نفسها
هو ذات نفسه محتاج تكوين .
كام مدرب عنده في شخصيته مشكلات جمة متساعدوش يتعامل مع ناشئ ؟
ده غير الجانب العلمي ..
كام كوتش كفؤ بشكل كاف ان يخرج من تحت ايده لاعيبة متأسسة صح من كل النواحي
عشان لما توصل للمستوى الاول تكون مواهب جاهزة للقطف في سن صغيرة؟
قبل ما امسك في كابتن احمد الكاس نفسه ..
خلونا نسأل .. الناشئين دول مين اللي اشتغل على تنشئتهم اصلاً
عشان تظهر الفوارق دي بينهم وبين اي حد بيلاعبهم؟
مصر مفيهاش تكوين ..
عشان كده مواهبها بتظهر صدفة ..
ولو ظهرت فالبوتنشالز بتاعتها محدودة بسبب سوء تكوينها للاسف
في وسط خناقه الاهلي و الزمالك و بيراميدز
مع رابطه الانديه و اتحاد الكرة و كم قله القيمه اللي حصلت في اخر 24 ساعه و لسة مستمرة
منتخب مصر للناشئين بيخسر دلوقتي اول مباراة في امم افريقيا
بنتيجة 4 / 3 من جنوب افريقيا بعد ما كان منتخب مصر متقدم 3 / 1 !!!
الفروقات في التأسيس اللي ظهرت بين المنتخبين حرفيا مرعبه
احنا متاخرين اوي اوي اوي !
لاعبي جنوب افريقيا كان سهل عليهم اوي يسلموا و يستلموا و يتحركوا في المساحات
اما بقي منتخب مصر كان صفر دفاع
صفر بناء لعب و بنلعب بلالين و عرضيات فقط ، تأسيس ضعيف جدا !
طب الاندية في مصر معموله ليه ؟
ايه الهدف منها ؟
بيقدموا ايه للكورة المصرية ؟
بنعرف نتخانق و نعلي في صوتنا و نقل في ذوقنا ، صح ؟
لكن تأسيس لاعبين و تقديمهم لخدمه منتخب مصر
لا احنا معندناش معرفه و مبنعرفش نعمل ده 🙂
من الاخر كدة ، كرة القدم ده اكتر نشاط في مصر لازم يقف
و تتوفر فلوسه في حاجات اخري ليها منفعه
المنتخب اللي ظهر النهاردة ده مفهوش غير ٢ او ٣ لاعبين بالكتير اللي عندهم تاسيس كويس
و ييجي منهم فى المستقبل ان شاء الله
بلال عطيه و انس رشدي دول اكتر اتنين محتاجين يشوفوا لنفسهم فرص معايشات برة مصر
و يسيبوا المستنقع ال ف ا س د ده
و علي فكرة انا هنا مش بتكلم في نتيجة
لان الحكم حسب بلن لجنوب افريقيا من واقع الخيال يعني
ف عادي كان ممكن تخرج متعادل
لكن القصه هنا في تاسيس
لعيبه بتعرف تسلم و تتحرك في مساحه و تستلم
لعيبه جنوب افريقيا كانوا بيقدروا يعملوا ده عادي
انت بقي مكونتش عارف تعمل ده و دي كارثه لوحدها
ده غير دفاعك
حرفيا زيرو في كل المبادئ
مفيش اي تعامل سليم مع اي موقف
كله تشليت و استباقيه ملهاش توقيت و يا صابت يا خابت
طب الناس دي بتعمل ايه في الانديه بتاعتها ؟
الانديه بتعمل ايه طيب ؟
اه نسيت صح
الانديه ماسكه في خناق بعض اصل
ده قرصني يا مستر اصل ده خصملي نقط اصل اللوائح يا مستر اصل اصل اصل
و رابطه الانديه و اتحاد الكرة عاجبهم اوي المسرحيه و جايبين فشار و بيتفرجوا
ولا كانهم مسئولين اصحاب قرار
احنا خدنا حته منحني في اللعبه دي محصلش قبل كدة في تاريخ اللعبه دي في مصر
وضع موسف جداااا
خساره مصر للناشئين من جنوب افريقيا كارثه بالمعنى الحرفى فى ظل معطيات الكوره عندنا
ملحوظه انا لا احمل على الاطلاق الخساره لاحمد الكاس نهائيا لان تاريخه كبير اوى حرفيا
بلنسبالي أحمد الكاس هو أعظم موهبة مصرية القرن الماضي..
ومن ضمن أفضل ٥ لاعيبة ف تاريخ مصر عموما
الكاس حرفيا كان لايقارن بأي لاعيب في جيلة..
لاعب فذ بكل ماتحملة كل فذ من معنى
العظيم أحمد الكاس هو أسرع لاعب من حيث المدة الزمنية وصولا لنادي المائة
٢٨% من أهداف الكأس جاءت ضد الاندية السبعة الكبرى المتوجة بالدوري العام
الكاس صاحب اعلى نسبة ضد الاندية دي
احمد الكأس هو الاعب الوحيد أخر ٧٠ سنة
اللي نال جايزة هداف الدوري المصري ٣ مرات متتالية مع فريق الاوليمبي السكندري
مفيش غير اتنين لاعيبة ف تاريخ مصر اللي حققوا الإنجاز دا سيد الضيظوي و الكأس
سابع هدافي الدوري المصري ع مر التاريخ و عاشر هدافي منتخب مصر
الاسطورة رود كرول بيقول عن الكاس
“قلت للكأس من قبل، لو كان حبك للتدريبات يعادل حبك لشرب الشاي
وأنت جالس لأصبحت من أشهر لاعبي العالم”
الاسطورة سجل مع الزمالك ف موسمين ٣٣ هدف..
وحصل ع الثلاثية القارية الشهيرة
لاعب أسطوري بكل ماتحملة كلمة أسطورة من معنى