يوم تاريخى لميسى ومنتخب أنجولا

المشاهد الجميله اللي قدامك دي حصلت امبارح في مباراة الارجنتين و انجولا الوديه !

تخيل ان منتخب انجولا دفع 12 مليون يورو عشان يلعبوا مع الارجنتين مباراة وديه و اشترطوا وجود ميسي في الملعب و ده عشان يحتفلوا بالذكري السنويه رقم 50 لاستقلالهم !

مش بس كدة ، حسب الاخبار ف تذكره المباراة دي اتباعت للجمهور ب دولار واحد عشان يحاولوا يجذبوا اكبر عدد من الجمهور الانجولي اللي اتيحت ليهم الفرصه يشوفوا ميسي نجمهم المفضل للمرة الاولي !

الجميل في الحدث ده ان رئيس انجولا قبل المباراة عمل تكريم لميسي و اهدي له تيشيرت خاص بمنتخب انجولا و ميسي رد له الهديه ب تيشيرت خاص لمنتخب الارجنتين !

الاجمل بقي ان الارجنتين كسب انجولا بنتيجة 2 / 0 و ميسي سجل هدف و صنع هدف و دي اول مرة ميسي يسجل هدف مع الارجنتين في الاراضي الافريقيه عشان يوصل الي 895 هدف

و 401 اسيست و 1296 مساهمه و يبقي فاضل 4 مساهمات فقط علي ال 1300 مساهمه ، يوم تاريخي لميسي و منتخب انجولا

اللاعب اللي واقف جنب ميسي ده عاش امبارح واحده من اهم لحظات حياته !

اللاعب ده هو المدافع ” كيفين ماك اليستر ” لاعب نادي رويال يونيون سانت جيلواز البلجيكي و هو شقيق اليكسس ماك اليستر لاعب ليفربول !

كيفين من اسبوع بالظبط سمع خبر مفرح جدا و هو استدعاؤه لمنتخب الارجنتين للمرة الاولي

و قال وقتها انه لما بلغ زوجته بالخبر ده بكت من الفرحه لانهم مكانوش يتخيلوا انهم هيعيشوا اللحظه دي !

كيفين امبارح عاش لحظه استثنائيه في مسيرته لانه شارك لاول مرة بقميص الارجنتين و لعب 30 دقيقه امام انجولا و احتفل مع ميسي بالهدف التاني و اتعمل معاه لقاء صحفي بعد المباراة بجانب شقيقه اليكسس !

الجميل في القصه دي هو سكالوني مدرب الارجنتين لما قال ان بيحب يدي الفرصه لشباب جديده زي ما هو جاتله الفرصه قبل كدة انه يلعب اول مباراه مع الارجنتين و كانت امام ليبيا

لان اللعب بقميص الارجنتين بيسيب ذكري محفوره في الذهن طول العمر

sportnews.it.com