نقطه قوه وليد الرجراجي

منتخب المغرب النهاردة اكتسح منتخب النيجر بخماسية نظيفه في يوم افتتاح ملعب مولاي عبد الله الجديد

اللي كان وشه حلو عليهم لانهم النهاردة اتاهلوا رسميا الي كاس العالم ك اول منتخب افريقي !

منتخب المغرب سجل النهاردة 4 اهداف من اصل 5 من عرضيات ، مفيش منتخب لحد النهاردة قادر يدافع قصاد عرضيات المغرب !

و هي دي نقطه قوه وليد الرجراجي ، بيفتح عرض الملعب ب ظهيرين عشان معندوش اجنحه خط و اجنحته كلها مباشره

عشان كدة بيخليهم يهاجموا المرمي و يعمل بيهم كثافه مرعبه و الظهيرين يحولوا عليهم عرضيات نموذجيه !

عشان كدة اسماعيل الصيباري سجل هدفين النهاردة من متابعه عرضيات

ايوب الكعبي سجل هدف من متابعه عرضيه ، حكيمي و بلعمري الظهيرين صنعوا اهداف

فوز بخماسيه نظيفه ، افتتاح ملعب عظيم ، صعود الي كاس العالم للمرة التالته علي التوالي

و للمرة السابعه في التاريخ ، المغرب النهاردة بتفرح

اجواءهم مش عاديه

المغرب عندهم فرصه كبيره يكسبوا امم افريقيا مش بس عشان عندهم منتخب عناصره كويسه و متنوعه

لكن كمان بسبب الاجواء اللي بيعملوها

مش اي منافس هيستحمل ضغوط الاجواء دي

منتخب المغرب بيتاهل رسميا الى كاس العالم كاول منتخب افريقى

في ٣ لعيبه في ٣ ممرات تحت الكرة بيحاولوا يصدوا التحولات

الظهير العكسي واحد منهم
امرابط عنصر اساسي

عندك ٤ لعيبه بيهاجموا البوكس
٣ لعيبه غير المهاجم
في اللي بيهاجم القائم القريب
و اللي بيهاجم القائم البعيد
و اللي بيهاجم نقطه الجزاء

و اللاعب حامل الكرة علي الطرف ده الظهير اللي بيرسل العرضيه

اللعبه دي من ساعه ما الرجراجي مسك المنتخب و هو بيعملها و في الكرات الثابته برضه هما منتخب صعب تدافع قصاده

الرجراجي محتاج بس كل مرة بيعمل فيها ده انه يامن فريقه وقائيا من التحولات لان تكرار الموضوع ده ريسك كبير

sportnews.it.com